بسم الله الرحمن الرحيم

الاخوات والاخوة الاعزاء تقبل الله مني ومنكم الصيام والقيام وصالح الاعمال وجعلنا من عتقاءة من النار

اولا لم أكن في الرياض عندما وجدت الردود المنهاله علي بالاستفسارات حول مشروع السكراب وقد كنت في مكة ولله الحمد لاخذ العمرة والان عندما فتحت الانترنت وجدت بعض الاخوات يردن بعض الاستفسارات وانا اقول ابشرن ما طلبتن شي


ثانيا ذهلتني الردود في موضوعي السابق

http://forum.hawaaworld.com/showthre...1399052&page=2

ولم اكن اتوقع ان العضوات يرغين في التجارة مع اني في اول يوم سجلت فيه في المنتدى كنت في المشاريع الصغيرة وكنت فعلا انسان طموح ومثابر لابعد مما تتصورون وما زلت كذلك لإتاجر واصبح مالك تجارة خاصة فيني واقسم اني لو المال الكافي لابداء تجارتي لم ادخل يوما واحدا في سوق الاسهم الذي لا مؤشر له ولا آمان فيه وأظن الكل سيوافقني الرأي في هذا اما التجارة باب الشطارة فسوق الاسهم لا يرحم لا صغيرا وكبيرا وكذلك سوق التجارة لا يرحم لا صغير ولا كبير ونصييييييحة لا تتاجروا إلا بورق رسمي يعني بعقود وشهود ومستندات ويقول المثل اسئل وخبير ولا تسئل طبيب
وبسم الله نبدأ

اولا متطلبات المشروع وهي كالتالي :

1- مبلغ لا يقل عن 300 الف ريال (( الحين اللي مامعهم هالمبلغ يسكر ويروح لموضوع ثاني ))

2- خبرة بسيطة ومعرفة الحديد الصالح للشراء والغير صالح ومعرفة من اين الحصول على الحديد وهذي ممكن لها الف حل لان نفس الاشخاص هم نفسهم يمرون على الاحواش وراح تجي بالطريق سالفتهم المهم يمرون على الاحواش بعدين انتي تشترين او لا

3- لازم يكون عندك حوش او ارض عشان تحطين الحديد فيه يعني فيه ناس تخزن الحديد ويجي موسم نفس اللي سلخ العالم في الشهور الماضية تدبل سعر الحديد واللي دخل 300 جاه 600 او ممكن زياة لانه يشتري حديد غيرة ويبيع


4- عقد بينك وبين الشركة اللي تشتري الحديد (( مهم جدا جدا جدا )) وهذي امرها ان شاء الله بسيط .

طريقة العمل


اولا

لازم تشترون ارض او تستأجرونها بـ 30 الف او 40 او ممكن اكثر بس ما توصل الى 60 سنوي الحين فيه ناس يقولون 60 بالسنة اجل كم انطلع حنا وانا اقول تبون اطلعون ذهب من ورا المشروع هذا وخير من الله باذنه سبحانه وتعالى وهذا اول شي شراء االارض او الاستئجار

ثانيا


عمل عقد بينك وبين شركة لشراء الحديد المستعمل وتلقونهم كثير شركات ويموتون توقعون معهم .

ثالثا

واذا كان موجود عندكم ديَنه يعني سيارة اصغر من الشاحنات واكبر من السيارات اللي حنا نركبها بالعادة واذا ماعندكم لازم يكون شخص واقف على الشارع ينتظر السيارات المحمله بالحديد ويشتري منهم الحديد وبعض البائعين يمرون على الاحواش وهذولا دائما تلقونهم سارقين الحديد ويبون يفتكون منه باي سعر وطبعا انت ماراح تعرفهم اطلاقا الا اللي عنده خبرة عن الحديد هل هو مسروق (( ودائما يجي الحديد جديد )) ام غير مسروق وهذا عاد يجيبونه من بيت هادينه اهله وقصوا الحديد واخذوه وهكذا ومافيها اي مضرة لكم عادي

رابعا وهي بالنسبة لي اهم شي العامل النشيط يعني يبيلها واحد ذيب يشتري الحديد ويبيع وهذي تبيلها ناسها يعني لو بغي اي شخص ان يفتح لازم اول شي ياخذ فرة او فرتين حول السكرابات ولو لقيت شخص تقعد معه وتاخذون التفاصيل احسن بكثيييير


اما عن سؤال الاخت رونـــــــــق عن السيارات القديمة انا اقول مو كل السيارة حديد ممكن الماكينة والاذرعة والمساعديات والبنية التحتية اما الباقي فكله راح يكبونه



اما عن تجربتي انا قبل ان يصدر امر الامير سلمان بن عبدالعزيز عن اغلاق السكرابات في الرياض فانا شخصيا رحت مع احد عمالي وهو اللي علمني عن السكراب واالا انا ماعندي ماعند جدتي المهم رحت معه للسكراب طبعا بعد ماقالي عن المشروع وقلت ابي اشوفه بنفسي واشرف عليه فلما وصلت هناك تمشبت شوي وفرينا وفر راسي معه وبعدين لقيت الشركة اللي راح اتعاقد وانا ادخل على سوداني وحكيتله عن المشروع ثمن سئلت السوداني وقلت لو سمحت بحكم الخبرة اللي عندك انا شخص ابي ادخل عالم السكراب تنصحني او لا قال ياخي من بدري تعال اصلا الافغانية والباكستانية والسورية عمرو بيوت من وراء المشاريع هذي بعدين قلت بتلهف بس شوي ادخل في وجهه طيب انا الحين لو اخذت غرض من البنك بملغ 200 الف اقدر ارجعها للبنك في خلال سنه قال ايش سنه ان شاء الله راح ترجعها خلال اقل من ست اشهر والمهم واطلع وانا ادور البنك بس سبحان الله طلعت الشركة اللي انا فيها ليست من ضمن الشركات اللي في الضمان البنكي ولم يحالفني الحظ والحمد لله لان بعدها يمكن بثلاث اشهر اغلق السكراب والعامل راح عند جدة يبيع ويشتري بس الحين هو في افغنستان بس يرجع ابي اشغله ان شاء الله




وسلامتكم واي استفسار انا حاضر في حال كنت حاضر

اخوكم سكوت

شكرااا اخوي ع التوضيح والله يجزاك كل خير لحبك الخير وافادتنا

مقصرت بس مدام الدعوى 300 مئة الف اطس ابركلي ويني وين 300 حدي 30 وزين بعد


وبالنسبه لبدايتك بالمشاريع الصغيره مكنت ادري والله واكيد كثير مثلي مدرو

وش رائك ترد الحماس من جد وجديد ونبدا بالمشاريع
اذكر قبل حوالي عشر سنين او اكثر

كنا نروح مع الوالد لارض لنا وكان بجانبها ارض اجانب اعتقد مصريين اثنين

ساكنين فيما اشبه بالخيمة والارض مليانة سيارات تالفة ومضروبة بالشمس ومكسرة

وخرابيط مالها سنع

احسبهم فقراء والوالد يقول لا مو فقراء يكسبون لكن شغلهم غلط

اعتقد ربما لانهم اجانب وممنوع الاجانب يشتغلون بالحديد
يعطيكـ العافية

وجزاكـ الله خير
المشروع حلو والأرض عندي وان شاء الله الفلوس بس المشكله في ان المرأة مو مثل الرجل يتولي اموره بنفسه ويشوف ويناقش يعني قيادة السيارة ومحرومين منها ولازم سواق ومحرم .. وشلون بوقف احد يتابع السيارات والا اروح لمكان بيع الحديد واتكلم واجادل ؟؟؟وشلون اباشر اعمالي بنفسي ؟؟ حتى لو وكلت احد ماراح اثق فيه ...مالي الا الأسهم الله يحط فيها البركة وانا جالسه ببيتي والمشاريع هذه خلها للرجاجيل وانت ماقصرت وجزاك الله خير
" رب لاتذرني فردا وأنت خير الوارثين "






الساعة الآن 04:27 .