((((((((((((( حلو المارش ملو ))))))))))))))


المقادير :

- باكيت مارش ملو .
- قالب كاكاو بالحليب مذوب بحمام مائي .
- ¼ قالب كاكاو أبيض مذوب بحمام مائي .
- 6 ملاعق سكر .
- 6 ملاعق زبدة .
- 18 ملعقة طحين .
- بيضه وحدة .
- فانيليا .
- هيل .


الطريقة :

1. نحط الزبده في الخلاط لمدة 10 دقائق وبعدين نضيف السكر والهيل والفانيليا ونخلط لمدة 10 دقائق وبعدين نضيف البيضه لنخلط لمدة دقيقتين .

2. نحط الطحين ملعقة تلو الأخرى ونخلطها باليد لين تصير عندنا عجينه ملساء وبعدين نفردها على السطح ونقطعها بقطاعة صغيره على شكل دائرة ثم تدخل الفرن .

3. نغمس المارش ملو بالكاكاو ونحطه على قطعة البسكوت بعد ما تنضا وتبرد ( حجم دائرة البسكوت كبر دائرة المارش ملو ) ..

4. نخليها لين تجف وبعدين نزينها بدوائر أو خطوط بالكاكاو الأبيض


والف صحتيـــــــــــــن .....




12-11-1424 هـ, 08:25 مساءً
 
((((((((((( حلو طبقات السارالي البارد )))))))))))


المقادير :

- كيكه سارلي البيضاء .
- كيكة سارلي الكاكاو .
- نوتيلا علبه الوسط .
- 2 قيمر KDD .
- 1 حبات كيري .
- 1 كريم كراميل .
- 2 ملعقة سكر .
- 4 ملاعق كاكاو بودرة نسكويك .
- فليك مبشور للتزين .



الطريقه :

1. جيبي طبق التقديم ورصي فيه من تحت طبقة من كيك السارلي الكاكاو .

2. حطي الخلطه التاليه :

علبة النوتيلا مخلوطه مع 1 علبة قيمر KDD .

3. حطي طبقة ثانية من الكيك بس الحين الأبيض .

4. حطي عليه الخلطة الثانية :

في الخلاط : 1 قيمر + 10 حبات الكيري + الكريم كراميل + الشكر + النسكويك .

5. زينيه بالفليك المبشور ويدخل الثلاجه وكل ما تم كل ما طلع ألذ ...


وألف صحتيـــــــــــــــن

12-11-1424 هـ, 09:13 مساءً
 
((((((((((((((( كيكة البلاك فورست ))))))))))))))

المقادير :

- 3 بيضات .
- 12 ملعقة كبيرة سكر ناعم .
- 5 ملاعق طحين .
- 2 ملعقة كاكاو بودرة بدون سكر .
- 1 ملعقة ماي .
- 1 ملعقة زيت مازولا .


الطريقة :

1 . نحط البيض بالخلاط مدة 5 دقائق وبعدين نحط الفانيليا .

2. نحط الشكر في الفرن لمدة 5 دقائق لغاية ما يسخن شوي ونضيفه بعدين على البيض .

3 .نحط اللحين الطحين والكاكاو والبيكنج باودر على ثلاث دفعات بالملعقة ونخلطهم يدويا .

4. نضيف آخر شئ الماي والزيت .

5. ندخل الكيكه الفرن بعد ما نكون حطينها في الصينيه المدهونة والمرشوشه طحين لين تنظا وبعدين نطلعها ونقصها قسمين ( بالخيط ) .

6. نشربها بعصير كرز ونحط كرز محفوظ إذا حبيتي بس أنا أستغني عنه _ ما أحبه

7 . نخفق 2 كريمه حمرا KDD مع شكر ناعم لين تصير منفوشه وجامدة وندهن فيها الكيكه عدل ونحط النص الثاني فوقها وندهنها كلها ومن الجوانب لين تتغطي تمام وبطبقه كثيفه من الكريمه .

8. نزينها بفليك مفتت داير مدارها بحيث نمسكها بإيدنا اليسار ونرفعها وبإيدنا اليمين ما خذين مقدار من الكاكاو ونلزقه بشويش على الجوانب .

9 . تبرد 1/2 ساعه وبعدين تقدم .


وألف عافيه .....

12-11-1424 هـ, 09:23 مساءً
 
(((((((((((((( حلو الشعرية الباكستانية )))))))))))))))



المقادير :

- عجينة البف باستري أمريكانا .

- قيمر KDD .

- كنافة باكستانية .

- شيره محضره بالهيل والزعفران .



الطريقة :

1. ندهن قوالب المفن الصغار ( صينيه القوالب الصغيرة ) بزبده .

2. نقسم كل حبة بف باستري إلى أربع أقسام صغيره وتبطن فيها القوالب .

3. ألحين نقص طرف علبة القيمر بالمقص ونصب في كل قالب القيمر على شكل وردة .

4. نكسر الكنافة الباكستانية كسر صغيره ونحط كبشة منهم على كل قالب .

5. ندخلهم الفرن لغاية ما تحمر القوالب وتنفش العجينه .

6. نصب الشيره على قوالب الشعريه الباكستانيه ونشيلهم ونحطهم في طبق التقديم .

7. نزينهم بالفستق المفروم إذا أردت .


طبق سريع ولذييييييييييذ جدا وكل من راح يسألك عنه


12-11-1424 هـ, 09:38 مساءً
 
(((((((((((((((((( أكواب التيرامسيو ))))))))))))))))


المقادير :

- كيك سارلي الكاكاو .
- 4 ملاعق شكر .
- 4 أضرفه كابتشينو نستلة .
- كوب ماي حار .
- 6 كيري .
- 1 قيمر KDD .



الطريقة :

1. تحتاجين إلى كؤوس طويله الخاصه بتقديم الآيس كريم .

2. قطعي الكيكه مكعبات صغيره وصفيها بقعر كل كأس .

3. ذوبي ( 1 ملعقة سكر + ظرف كابتشينو + كوب ماي حار ) مع بعض وإسقي به الكيك الكاكاو .

4. خلكي الطبقه الثانيه بالخلاط :
( 6 كيري + 3 كابتشينو + 1 قيمر + 3 شكر )

5. حطي الطبقه الثانيه الي خلاطناها بالخلاط على الكيكك المقطع ودخليه بالثلاجه لين يبرد عدل .

6. التقديم : رشي بودره الكاكو بمنخل لتغطيه الوجه وحطي معاهم كور الشكولاته وأصابع البسكوت الويفر الإسطوانيه .

وألف صحه وعافيه ....

12-11-1424 هـ, 09:53 مساءً
 


الساعة الآن 09:22 .