السلام عليكم


هلا بالغاليات واسفه جدا على تاخيري عليكم والف شكر

لكل من ردت وعطرت موضوعي يالغاليات الله لايحرمني منكم بس والله غصب عني انفلونزا حاده معي وعامله عمايلها فيني

ويالله اكتب والله يعلم بس لخاطركم يهون التعب والزكام


الاخت جنوبيه طلبت طريقة الرز الابيض

اغسلي الرز وخمريه نصف ساعه في ماء حار بعد مايخلص ضعيه بقدر وضعي فوقه مويه مغليه وشوي ملح وكمون واعواد دارسين

وخليه لما تبدأ المويه تنشف قصري على النار وخليه على راحته بعدين لما تخلصين وترتبين سفرتك ضعيه بصحن التقديم وقدميه يامع خضار او اي حاجه معه وهذي صورته ثاني :






اتمنى تجربوها مره سهل وخفيف

_________


طريقة اللقيمات


المقادير :


10 ملاعق م. ك طحين + 4 م . ك . حليب بودره ..+ م كبيره سكر + م كبيره خميره فوريه ... + بيالة زيت

الطريقه :


تخلط المقادير مع بعض مع القليل من الماء وتضرب بشكل سريع الا ان تظهر فقاعات من الهواء

تترك تتخمر بمكان دافئ مده نصف ساعه ثم تخرج بعد ذلك وتقلى بالزيت ويم

عالطعم والقرمشه والخفه طريقه سهله ومقادير بسيطه ومضبوطه جربوها واحكموا وهذي الصوره مره ثانيه :





يتبع
07-10-1429 هـ, 11:20 مساءً
 
ماشالله تسلم يدينك
07-10-1429 هـ, 11:26 مساءً
 
طريقة المكرونه


اسلقي المكرونه بماء حار في قدر وضعي معها ملح والقليل من زيت ومن الكمون والقليل من الليمون الاسود المطحون

وخليها على النار ...

قطعي بصله وحده صغار وضعي معها القليل من زيت الزيتون والقليل من الملح واكشنيها مع لحم مفروم بعد ماتتكشن كويس ضعي فوقها طماطه مقطعه صغار والقليل من الصلصة وشوي ماء شوي مو تملي القدر


بعد ما تخلص الصلصه قصري على النار مره والمكرونه لما تخلص صفيها من الماء وصبي عليها الصلصه واخلطيهم سوا بعدين غطيها وقصري عليها النار وخليها لحين التقديم ......

وهذي صورتها ثاني :







واتمنى تجربوها مره حلوه وسهله وبصحه وعافيه .....

واتمنى تعجبكم تعبت بس يهون لاغلى خوات .....
07-10-1429 هـ, 11:31 مساءً
 
اقتباس مشاركة  (lovely_girl)
ما شاءالله اطباق رائعه يعطيك العافيه
علميني طريقة
البف باستري بالجبن
فطاير البف باستري باللحم
فطاير الصامولي باللحم وممكن بالدجاج
المعجنات اللذيذه
السمك المقلي المقرمش


عسااك عالقووة يارب
خلصنا طلباتك اختي جنوبيه واتمنى تعجبك وتعذريني على تاخري



جاء دور غاليتي lovely_girl

ماشاء الله عليك خخخخخخخخخ ابشري يالغلا باللي يسرك

____________


نبدأ بالبف باستري بالجبن


نجيب مربعات البف باستري ونقصها على شكل ضرب بتكون عندي اربع مثلثات

يعني كل مربع يكون عندي اربع مثلثات نجيب شوي جبن مثلث ونحشيه بالمثلثه بعدين نصكر عليه زين ونعمل كل المثلثات نفس الشي بعدين نضعه بفرن حار ونخليه لين تنتفش تحمر من فوق وتحت ثم نطلعها ونضعها بصحن التقديم ونصب عليها شيره او عسل ونقدمها ....... والف عافيه


وهذي الصوره بتاعتها ثاني :





ويارب تعجبكم سهله صح


_____________


طريقة بف باستري اللحم :


ناخذ البف باستري المربعه ونقصها على شكل ضرب تصير اربع مثلثات نفس سابقتها خخخخخخخ

ونخليها على جنب الى ان نجهز الحشوه

بعدين نكشن البصل مع اللحم المفروم طبعا بعد غسله جيدا بماء حار او دافي

بعدين نضع الطماط وشوي صلصه مع ملح وكمون تغطيها شوي ونضيف القليل

من الماء فنجال فقط قهوه ماء ونقصر عليه مره بعد كذا نضع م من الخلطه على

كل مثلثه من الباستري ونصفه بصينيه ثم ندخلها الفرن لما تبدأ بالاستواء والتحمير نرش فوقها قليلا من جبن الموزاريلا ونرجع نضعها بالفرن لين بس يسيح الجبن ثم نخرجه ونصفها بصحن التقديم ونقدمها بالف عافيه .....


وهذي الصوره ثاني :





اتمنى تعجبكم وتجربوها رهيبه وخفيفه ......


___________________

يتبع
07-10-1429 هـ, 11:52 مساءً
 
نكمل طلباتك غاليتي lovely_girl



فطاير الصامولي باللحم وممكن بالدجاج او ممكن نسميها بيتزا الصامولي



ناخذ الخبز الصامولي ونقطعها دوائر ونصفها بالصينيه نكشن البصل مع زيت زيتون

ولحم مفروم بعد غسله او ممكن دجاج اللي تحبي بعد مانضع اللحم او الدجاج نكشنه مع البصل ثم نضع معه ملح كمون قليلا من الدارسين المطحون بعد كذا نضع فوقها الطماطه بعد ماقطعناها مربعات صغار ونضع شوي صلصه

ونغطي الحشوه ونقصر على النار لما تتسبك تمام نضع ملعقه طعام او صغيره على كل دائره صامولي ندهنها في الصلصه يعني ونرش فوقها شوي جبن مخوزاريلا فوق كل دائره يعد ماوضعت عليهم الحشوه ندخلها بالفرن نصف ساعه بعدين نطلعا ونصفها بصحن التقديم ونقدمها وبالف عافيه ..........


وهذي الصوره ثااااااااااني :







اتمنى تجربوها وتعجبكم سهله وطعمها مرره رائع ........زز

__________________


يتبع


معليش اختي lovely_girl ممكن اكملها غدا لاني والله تعبت والزكام ذابحني اعذريني

__________________


باك



نكمل طلبات الاخت lovely_girl




المعجنات الهشه اللذيذه :


المقادير :


في الخلاط :

كاس ماء دافي _ 4 ملاعق حليب بودره _ فنجان سكر ( الخاص بالقهوه ) _ ذرة ملح _

نصف بيالة زيت _ م طعام خميره _

نخلطهم سوا بالخلاط ثم نضيفهم على 2 كاس دقيق ونعجن ثم نغطيها ونخليها بمكان دافي نصف ساعه

بعد كذا تطلعهينها وتعملي منها اللي بدك اياه من معجنات ممكن خبز دائري وبعد مايستوي ويتحمر تحشينه اي حشوه مكمكن بيتزا ممكن خلية نحل اللي تبغي ممكن فطاير جبن عجينه خفيفه وظريفه وهشه .....


وهذي صورة اللي عملته منها : فطاير جبن وخبز دائري وحشيته





________________________



الحين السمك المقلي المقرمش اللذيذ



خذي سمك الكنعد غسليه كويس ونظفيه بعدين اتركيه بماء دافي

جهزي تتبيلته :

وهي عباره عن كمون ملعقه _ وم ملح _ وبهار الخاص بالسمك م ايضا منه _ وشوي صلصة طماط

اخلطيهم سوا بعدين غمسي السمك فيه مره وخليه بالثلاجه نصف ساعه بعدين طلعيه وغمسيه بطحين كل وحده منهم واقليه بزيت غزير متوسط الحراره ....

طلعيه وضعيه بصحن عليه ورق الزيت بعدين ضعيه بصحن التقديم واقلي بطاطس معاه وضعيه جنبه

وبالف عافيه والله رهييييييييب وافضل مليون مره من مليون مطعم

وهذي صورته ثاني واتمنى يعجبكم .........






وخلصت طلباتك يا اختي الغاليه lovely_girl


واي طلبات ثانيه انا بالخدمه يالغاليات واتمنى ماتنسوني من دعائكم لاني بس من شانكم يهون


_____________________________
08-10-1429 هـ, 12:06 صباحاً
 


الساعة الآن 01:07 .