أنا من تخرجت ماحصلت وظيفة وبصراحة طفشت .....وأنا عندي قدرة فنية بكل النواحي والكل يشهد على ذوقي والحمدلله إنه راقي واختياري للالوان مرتب وشغلي ناعم ...اشتغلت فترة مع محل حلويات مشهور جدا ..وكنت انسق له الحلويات واجمل بعض القوالب المغلفة ...ولكن مع الاسف كان الربح والمردود المادي ما يتناسب مع تعبي غير كذا ياخذ افكاري ويخلي الفلبينيين يطبقونه ...حتى بطاقات زواج سويت والله كانت خيال ولكن ايضا كانت الافكار تسرق وتطبق ...
فتركتهماحبطت فترة والحين ودي اسوي شي ابي بزنس حلو يملي علي فراغي وما تندفن موهبتي ....
ابي مشورتكن بشي اقدر اسويه تحسون عليه اقبال اقدر انجح فيه ابي افكاركم ...وانتم عارفين جو المنافسة الكل سوي بزنس ...بس ان شا الله شغلي يعجبكم ...عطوني فكرة وانفذها وشوفو شغلي ....

الله يوفقك
المجالات كثيرة والله معاك
(تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ عُلُوّاً فِي الْأَرْضِ وَلَا فَسَاداً وَالْعَاقِبَةُ لِلْمُتَّقِينَ ) [القصص : 83]
كيف تم نقله هنا كان في قسم ساعدوني وكان فيه عدة ردود وعموما جزى اللخ خير كل من رد علي
راح اقولك نصيحه
انتي حالتك مثل وحده اعرفها نفس ميولك
حطت لها غرفه خاصه في بيت اهلها واعلنت عن استعدادها بتنفيذ افكار الفوفل وحلويات الزواج والمواليد والمفارش والصواني
ومن ثم جاتها الطلبات
مثلا انتي اعلني في المنتديات وزعي بطاقات في اعراس ان شاالله ماتعرفينهم
حطي اعلان في المبوبه
قسم العيادات للحوامل ودي بطاقات للكليات والمدارس بحيث انك تشاركينهم اي نشاط
وبعدين يجيك طلب ولنفرض فوفل بعد العشا الزواج استمعي لشروطهم واطرحي افكارك ومن ثم روحي جيبي المستلزمات من شرايط والذي منه والحلويات تعاملي مع احد ثقه ونوعيه جيده
وبعدين صوري اعمالك وسويلك كتالوج ولو عندك فكره طبقيها في مجسم صغير وصوريه والاهم اختاري لك اسم شهره مميز وان شاالله يلازمك بالنجاح
وبالتوفيق اتمنى اني افدتك
واسألك بالله تخبريني عن احوالك وادعيلي الله يرزقني ويحول فقري الى غنى مع التقى والعفاف
نسيت اقولك ان البنت تزوجت وجابت بنت ولد والى الان تشتغل في الغرفه اللي في بيت اهلها
والله ثم والله ان اسمها رنان ويمكن تعرفينها بس يمكن ماتبيني اقول اسمها ولكن الله يوفقك ويرزقني بالحلال
اعذريني شكل الرد وصلك على الخاص بعد يمكن لاني متحمسه معاك








الساعة الآن 03:36 .