بسم الله الرحمن الرحيم

كيفكم بنات الله بعطيكم العافيه بغيت رايكم برياض الاطفال لان اختي بتفتح روضه وتمهيدي وتبي رايكم واقترحاتكم وملاحظاتكم فياليت ماتبخلون علينا ولكم مني مسبقا تحيه وتقدير
في شوي اسئله ابغاكم تجاوبون عليها لو سمحتوا:
* في شمال الرياض ماهو الحي الامثل ؟
* ماذا ينقص رياض الاطفال الموجود عندنا ؟
* ماذا تتمنين وجوده في رياض الاطفال؟
* ماهو اقصى حد للرسوم تستطيعين دفعه؟
* ماهي الجنسيه المفضله لديكي لمعلمات رياض الاطفال؟
* ماالمرحله الاكثر طابا الحضانه ام الروضه ام التمهيدي؟
* ماهي افضل رياض اطفال موجوده بمدينه الرياض ؟

وشكرا لكم
07-10-1429 هـ, 05:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبوبتي.. الله يوفق أختك بمشروعها و يرزقها من حيث لا تحتسب.

عندي إقتراح: يا ليتها تقبل أطفال لسا يلبسون حفايظ الله يكرمكم <= بحله بولدها هو و حفاظته.
و يا ليت يكون دوامها من الساعة 7 الصبح ل5 العصر. أعرف أنه مستحيل بس و الله يا راح يجيها بزران ما راح تقدر تلحق عليهم، لأن هذي هي مشكلة موظفات القطاع الخاص.
07-10-1429 هـ, 06:29 صباحاً
 
بالنسبه لرياض الاطفال اتمنى انه يكون للمعلمات الامانه والصبر والتعامل مع الاطفال بكل مرونه وعدم فقد اعصابهم
وبالنسبه للناني اتمنى تكون من الجنسيه الفلبينيه لانه هما الوحدين الي عندهم امانه في عملها
والوقت اتمنى يكون من 8 ونص الى 1ونص
بالنسبه للجنسيه تكون سعوديه ومؤهله لهذه الوظيفه xxxxxxxxxx
اما الشي التاني لابد من الاهتمام بامبنى وطريقه الفصل والاهتمام في المبنى لانه السبب الرئيسي في لفت الطفل لما يكون مجهز من جميع النواحي التكييف مثلا وادوات السلامه للملاعب ومما يؤدي باطمئنان الام على طفلها
بالنسبه لاحسن روضه بالنسبه لي انا هي ليتل ستارز في شمال الرياض خلف المملكه
07-10-1429 هـ, 09:25 صباحاً
 
انا خريجه رياض اطفال وتدربت بمدرسه مشهورة شمال الرياض الصراحه فيها عيوب كثيررررررررررة جدا واقساطها غاليه والاهالي ما يعرفون شي غير انهم يشوفون مبنى كبير وفخم بس


في شمال الرياض ماهو الحي الامثل ؟

حي الشمال مليان روضات مشهورة وسمعه لازم تدرسين الموقع ومهم جداً

* ماذا ينقص رياض الاطفال الموجود عندنا ؟

اثراء الاركان بالالعاب والوسائل الجيده مو لازم تصل الى المثاليه لكن على الاقل الواقعيه

مو يكون ركن فقير طول السنه ما فيه غير لعبه وحده .


* ماذا تتمنين وجوده في رياض الاطفال؟

فصل واسع جدا جدا جدا ومطبخ خاص بالاطفال


* ماهو اقصى حد للرسوم تستطيعين دفعه؟

خمس الالاف سعر مناسب ومعقول مو 8 و9 الالاف

* ماهي الجنسيه المفضله لديكي لمعلمات رياض الاطفال؟
سعوديه اكيد


* ماالمرحله الاكثر طابا الحضانه ام الروضه ام التمهيدي؟
التمهيدي اكثر بعد الروضه

* ماهي افضل رياض اطفال موجوده بمدينه الرياض ؟
روضه الحرس الوطني
07-10-1429 هـ, 05:38 مساءً
 
في شمال الرياض ماهو الحي الامثل ؟
صراحه مادري
* ماذا ينقص رياض الاطفال الموجود عندنا ؟
توفر الحضانات لانه الاغلب روضه وتمهيدي
الاهتمام بالقران والانجليزي والحاسب لانهم لما يغطون جانب ينسون جانب ثاني
* ماذا تتمنين وجوده في رياض الاطفال؟
مدرسه نموذجيه بالبناء ومرعاة سن الاطفال في الامن والسلامه
* ماهو اقصى حد للرسوم تستطيعين دفعه؟
5 الاف ريال الى 6 معقول بس لو المدرسه تستاهل بدفع اكثر
* ماهي الجنسيه المفضله لديكي لمعلمات رياض الاطفال؟
سعوديه وبسسسسسسس
* ماالمرحله الاكثر طابا الحضانه ام الروضه ام التمهيدي؟
التمهيدي طبعا
* ماهي افضل رياض اطفال موجوده بمدينه الرياض ؟
التربيه النموذجيه شايفتها قبل كم سنه مادري اذا تغيروو
والاسوء الرواد << صريحه
07-10-1429 هـ, 07:43 مساءً
 


الساعة الآن 04:17 .