[center]
نزلت لكم اليوم طريقة ررررررهيبة لعمل الريش على الفحم في البيت وبطريقة جديده
نبدأ بسم الله
المقادير
اضلع خروف مشحمه غير مقطعة كامله تقريبا كيلو
بهارات حب (ورق غار- هيل – قرنفل – فلفل اسود – شمر- يانسون- كمون – قرفه – خردل )
ملح حسب الحاجه
ملعقة صغيره بودرة زعفران
عصرة ليمون
ملعقة سكر اسمر (بني)
ملعقتين صويا صوص (حلوه)
ملعقة بصل مفروم ناعم
ملعقة ثوم مفروم ناعم
ملعقة زنجبيل مفروم ناعم
الطريقة
نسلق الأضلع في قدر ملئ بالماء البارد ثم نترك لين يغلي وتطلع الزفره بعد ما نشيل الزفره نشيلها ونضيف البهارات الحب ونتركه يغلي بعد عشر دقايق نضيف عليها ملعقة بصل مبشور ناعم وربع ملعقه صغيره ثوم مفروم ناعم وربع ملعقة زنجبيل مفروم ناعم ثم نسكر القدر ونتركها تنسلق مع المكونات نصف سلقه.
في هالوقت نشب الفحم ونحط عليه حطبه وحده او ثنتين عشان النكه الحلوه حقت الحطب في الشواء ونتركه لين تجمر وتروح الدخنه
بعد كذا نشيل الأضلع ونحطه في صينية تيفال دائريه او حسب حجم الاضلع بس مغلفه بقصدير عشان اذا ذاب الشحم ما ينقط ويوصخ الفحم ثم ننعمي من الدخنه بس قبل لا نحط الاضلع نحط ملعقة السكر الاسمر ونوزعها في الصينيه ثم نحط عليها الأضلع من جهت الشحم اتمنا تكون وصلت المعلومه
الهدف من هذا عشان يعطي لون كرميل ويتقمر شوي
نكون من قبل ماخذين ملعقتين او ثلاث من مرقت الأضلعن ونحط عليها عصرة ليمون وبودرة الزعفران
ونصبها فوق الأضلع ونغطيها بغطى قدر
الحين نحط الشبك على الجمر ونحط فوقه الصاج عشان تتوزع الحرارة وتخفف من حراره ولهب النار
ونحط الصينه فوق الصاح ونحط على الصينيه حطبه عشان ما تنشف الأضلع ويسرع في اذابة الشحم ونضج اللحم
كما في الصوره]

الاســـم:	على الفحم.jpg
المشاهدات: 24058
الحجـــم:	14.0 كيلوبايت

بعد كل خمس دقايق نفتح الصينيه ونقلب الاضلع
بعد ما تستوي نقطع الاضلع ونصب عليها الصويا صوص ونرجعه على الفحم دقيقتين فقط

الاســـم:	على الصاج.jpg
المشاهدات: 24073
الحجـــم:	27.9 كيلوبايت

في هالوقت نحضر الرز زي ما سويت انا رز ابيض ثم نحط اللحم عليها ونرشه بالمكرونه المحموسه بالصنوبر والزبيب
ونقدمها كما في الصوره

الاســـم:	صورة الصحن بعد التقديم.jpg
المشاهدات: 24069
الحجـــم:	29.1 كيلوبايت

وشرايكم وبالهنا والعافيه


يعطيك الف عافيه..
مشهيه

تسلم يدك ع الطبق الحلوو
لا إله إلا أنت سبحانك ,,, إني كنت من الظالمين

؛؛

عاند الدنيا الرديئة وأبتسم *** إن بعد الليل فجرا يرتسم
روووووووووووووعه ماشاء الله
اللهم آغفر لآبي وآختي وآجمعنآ بهم في جنآت آلنعيم ..آللهم في كل دقيقة تمر عليهم وهم في قبورهم آسألك آن تفتح لهم بآباً تهب منه نسآئم آلجنه لآ يسد آبدآ يً آرحم آلرآحمين
آللهم آحفظ لي آمي وآبنآئي وزوجي وآخوتي وآحفظني لهم يً رب آلعآلمين
اقتباس مشاركة  (جداويه برستيج)
مشهيه

تسلم يدك ع الطبق الحلوو


الساعة الآن 09:38 .