السلام عليكم

حبيباتي مالي الا الله ثم انتم ... الله يسلمكم انا عازمه اهل زوجي كلهم يوم الخميس عشا وقهوه

وابيكم تبيضون وجهي لانهم اول مره يجون عندي .... ابي حلويات حلوه <<< هي بتطبخ كل شي علشان توريهم السنع

ابي اصناف في العشااااااااا ذكروني با المئكولات ..... قهوات اذا عندكم شي غريب ابي قهوه او طريقة تقديم حلى عصير اكل اي شي

وينكمممممممممممم يا اهل الذوق اسعفوني.... حتى اذا عندكم طريقه جديده الاي شي علموني تكفوووون تراي بصيح

لا تنسون اللي با الون الاحمررر
ادعولي ان الله يسخر لي زوجي ويسخرني له


ترا المسألة سهلة وما تحتاج تصيحين

خلك سنعه واالأكل بعالم حواء وش كثره بس طبي وتنقي عني طريقة حلى حلو ويواجه بس ما اعرف وش اسمه واخذته من عالم حواء .

المقادير + الطريقه..

*الطبقه الأولى..-باوند كيك أمريكانا بالشوكولاته ..
< يقطع الكيك شرائح ويصف في صينيه 30 ×40 سم>


-ملعقه كبيره حليب بودره + ملعقه صغيره نسكافيه + 2 كوب ماء دافى
<تخلط المقادير ويشرب بها شرائح الكيك كميات قليله>

*الطبقه الثانيه..-بسكويت شاي أولكر بفضل القطع الصغيره
<تشرب قطع البسكويت بمزيج الحليب والنسكافيه بكميات قليله وتصف على طبقه شرائح الكيك>

*الطبقه الثالثه..-20 حبه بسكويت أولكر الشاي حجم الصغير
علبة قشطه
ملعقه كبيره نسكافيه
<توضع المقادير بخلاط الكاس>

-2 كوب ماء +2 ظرف كريم كراميل+3 ملاعق حليب بودره
<تخلط المقادير وتوضع على النار وتترك حتى تغلى ضروري ثم تضاف للمقادي السابقه بخلاط الكاس>


-<تخلط مقادير الطبقه الثانيه حتى تتمازج بخلاط الكاس...وتصب على الطبقه الثانيه <طبقة البسكويت> بحرص
تدخل الثلاجه حتى تبرد>

*الطبقه الرابعه..- 2كوب ماء + 2 ظرف كريم كراميل + 1 ونصف ملعقه كبيره بودره كاكاو هنتر المره +فنجان سكر
<تخلط المقادير بقدر وتوضع على النار حتى تغلى وتصب على الطبقه الثالثه تدخل الثلاجه لتبرد >

*الزينه..فليك او جالكسي مبشور + حبات هرشي +حبات مالتريز

*التقديم..تقطع بالقطاعات المشرشره <اللي تجي ثلاث أحجام>وتزين وتقدم

أنا أستخدمت الوسطى ...والصغيره كمان روعه وإتكيكت سهله في الأكل
*وهذه صورة القطاعات...وموجوده بمحلات بيع الأواني



*صوره للحلى..





بس انصحك زودي مقدار السكر شوي لأني سويت الطريقة بالضبط وطلع حلاه شوي يبي له زيادة
ومعجنات سوي سمبوسة بيتي وسوي بيتزا كذابة اللي بالتوست

وفيه طريقة التوست بالدجاج مره روعه


خذي التوست وافردية وبعدين قصيه من النص مستطيلين واحشية دجاج وجبن سائل طبعا الدجاج بطريقتك المعتادة وحطي عليه ملعقتين جبن سائل واحشية وابدي لفية حطي على اطراف التوست بيض عشان يلصق واضغطي عليه وبعدين حطيه بالبيض وبعدها في البقسماط وبعدها اقليه مررررره رووعه.
http://forum.hawaaworld.com/showthread.php?t=1408567

هذا الربط بيفيدك
تسلمين يا الغاليه

ابي طريقة تقديم حلوه

وينكمممممممم
ادعولي ان الله يسخر لي زوجي ويسخرني له


الساعة الآن 11:17 .