كوبونات الراقية تسجيل الدخول

رضى
رضى •
(@!@) (@!@) :
السلام عليكم كييفكم بنات؟ والله كلنا ندور مشاريع نبي نثبت كيانا بالمجتمع ونبي مدخول ماادي انا وحده احب التصميم بالفوتووشوب ومعي دبلوم حااسب بصراحه عااجبني شغل الببنات اللي يبيعن عن طريق النت مرره اعجبني بس بالنسبه للمنتجات وفكرت بمنتجات غير تقليديه وكدراسه للمشروع هذا العايق ونفس الوقت اعجبني تاجيرالشغلات جمعت وحسبتها تكسب ذهب عندي كذا فكره مشكلتي من وين ابداء وكيف وشلون بنفس الوقت ترتيب افكار محتاجه ارتب افكاري مع انسانه جرربت واستفاادت بحيث اني استفيد وتكون دااعمه لي ان شاءلله تكونون فااهميني :)
السلام عليكم كييفكم بنات؟ والله كلنا ندور مشاريع نبي نثبت كيانا بالمجتمع ونبي مدخول...
وعليكم السلام ورحمة الله وبركاته
اختي انتي معاك شهادة ممكن تستفيدي منها
اولا اعملي دروس نموذجيه للمدرسات وكذلك اوراق عمل وبطاقات واشياء كثيره يطلبونها . انا اعمل هذه الطلبات للمدرسات والحمد لله ماشيه فيها
وكذلك البيع عن طريق النت مربح ومفيد ولابد ان تبحثي عن البضاعة المرغوبه لدى البنات وهذا يحتاج جهد وراس مال وانا اعمل ذلك والحمد لله .طيب سؤال من اي مدينه انتي؟
رضى
رضى •
floweeer noor floweeer noor :
السلام عليكم ورحمة الله وبركاته... خواتي كثير منكم تطلب مشروع تقضى فيه على وقت فراغها...شئ حلو .. لكن عشان تستمري و تنجحي في مشروع معين لازم تكونى حابه هالمشروع...ممكن تسوى مشروع من هواية تحبيها...او حتى ممكن تسوى عمل تطوعي لوجه الله.. أختي انتي وياها...ممكن اعطيكم افكار لمشاريع بحكم دراستي وشغلي...وممكن تعجبك وتشوفي انها تدخل ربح... لكن ما راح يكون عندك حب وشغف بالعمل في المشروع... الى اطلبه منكم...كل وحدة تقول هواياتها...ايش تحب تسوي...ايش تطمح تحقق...وين تلقي نفسها بعد 5 سنوات من الأن...ايش الشئ الى تسويه وما تمل منه... وانا ان شاء الله بساعدكم باللى اقدر عليه...سواء من ناحية دراسة الجدوي ..او الخطة التسويقة....او كل ما يتعلق بمجال التسويق... والله يرزقنا وياكم رضاه وطاعته وجنته...
السلام عليكم ورحمة الله وبركاته... خواتي كثير منكم تطلب مشروع تقضى فيه على وقت فراغها...شئ حلو...
مشكوره اختي والله يجزاك خير وان شاء الله نستفيد من خبراتك القيمه
ام جودي بنت عبودي
ام جودي بنت عبودي •
انا اعشق الشغل فى اشياء المناسبات هدايا صوانئ تقديم توزيعات وكوش وطموحى اخذ دورات فى المجال بس الدورات صراحة اعلى من ميزانية وكان عندى مبلغ بسيط جدا ودخلته فى الاسهم وخسرت وصراحة انا نفسى اسوى حاجة للزمن لانه غدار والواحد اللى ماعنده وظيفية راح فيها
إيماض
إيماض •
شوفوا حبيباتي أنا ما أقدر أشترك عمليا معكم
بس عندي مشروع ما قدرت أحققه بدلكم عليه يمكن تقدرون

وهو

تزيين وتجهيز الأفراح إما من طأطأ للسلام عليكم أو على حسب ما تقدون عليه

مثلا

التجهيز الكامل:

تجهيز وتزيين الطاولات,الكوشة،الهدايا,القهوة وشلتها-معجنات,حلى,مالح-

العاملات,العشاء,خدمات الحمام أعزكم الله والأمن والجوال

وغيرها مما لم أذكره

أوتجهيز اللي تقدرين عليه منها

عاملات مثلا بس

القهوة وشلتها بس

الطاولات بس

الهدايا بس

يعني تنفعين نفسك بحدود اللي تقدرين عليه

وما لازم أوراق رسمية ولا شئ إذا ماتقدرين عليها خليها شغل من البيت وممكن تستأجرين مخزن إذا لزم الأمر إذا بيتكم ما فيه متسع

واحد من زواجاتنا خذوا الإعلان من المبوبة وجات سعودية وزوجها وجهزت الطاولات من كل شئ والظاهر بالأكل بعد
وشغلهم كان حلو

كلها قطعة ساتان فوقها شيفون أوتل وفازات وورد طبيعي...
ترى للي تناسب ظروفهم الشغلة مهي صعبة والمواد تاخذينها من سوق الجملة وتحتفظين بها وتستخدمينها باستمرار مع التغيير في الأفكار-ممكن تتابعين الجديد في النت عشان تطورين من موديلاتك-وتكون أسعارك معقولة بدون جشع حتى يطمعون فيك ويكون لك زبائن
والأهم المصداقية في التعامل يعني تنفذين المتفق عليه حرفيا وإذا فيه نقطة ما تقدرينها من البداية تخبرينهم يا يغيرونها أو ينتهي الموضوع وأنت ما خسرتي سمعتك وأخلاقك
وإذا لك نفس في الطبخ تجهزين ما قبل العشاء كله أو بعضه بحسب طاقتك
وإذا ما تقدرين تروحين بنفسك لمكان الزواج ممكن تستأجرين ناس تروح وتجهز المكان على توصية منك
أنا كنت أفكر أتعامل مع عائلة لأني ما أقدر أروح بس ما قدرت ماديا
وليه اخترت عائلة حتى يكون التفاهم مع النساء مباشرة أشرح لين يبرد خاطري ولا أتوهق مع الزباين والرجال حق المواصلات إذا يقدرون والشيل والحط وإذا ما يقدرون عالمواصلات أوفرها فما يكون اختلاط بسببي بين النساء والتوصيل
وطبعا قبل لا تقدمين على أي خطوة من هذا المشروع أوغيره أدرسي الموضوع دراسة متأنيةجدا من كل جوانبه واحسبي ربحك كم بيكون عشان ما تخسرين

أنا أشوف إن شغلة تجهيز الزواجات جدا مربحة ومناسبة لكل مناطق المملكة للزواجات الفخمة أوالعائلية البسيطة كل بقدره والله أعلم
ما فيه مانع تبدين بداية بسيطة جدا والمدخول كله ماتصرفينه أبد وبعد مدة زمنية تحددينها مسبقا تطورين من مشروعك بمدخوله حتى يصل للشكل الذي يرضيك

والله يسلم لك صحف الإعلانات كالمبوبة والإسبوعية تراها خطيرة


أتمنى تستفيدون واللي تستفيد تدعيلي بسعة الرزق وهدايتي وعيالي وربي ما يحرمني من زوجي وما نفترق أبد

وترسل لي عالخاص تفرحني إنها اشتغلت ونجحت والله بفرح لها وأدعي لها بعد

آسفة عالتطويل بس حبيت أوصل الفكرة كاملة عشان أشوف اللي ما قدرت احققه يتحقق على ايديكم

أي استفسار أنا جاهزة وإذا مارديت ترى يمكن ما رجعت للموضوع ممكن تسألون عالخاص إذا حابين
dalia200002
dalia200002 •
اختي قصدك انتي تمولين ولا قصدك تشتغلين عند أحد ؟

اذا الاولى راسليني .