السلام عليكم

باعمله بنفس طريقتك ماعدا الليمون(لانه بيهريه).. وفيه ناس بترش شطه مع الملح علشان تشيل الزفاره
وكمان باجيب فوطه نظيفه أو مناديل ورق واضغط بيها على راس السمكه بالراحه علشان تنزل الدم والميه من الخياشيم
الطريقه دي بتقلل الزفاره من السمك
وكلما كان السمك طازه كان أحسن

وريحة الزفاره عادييييييي لما تفتحي الكيس اللي انتي مملحه فيه .. بس لازم تكون السمكه بعد التمليح مش مهريه(متماسكه كما هي) ولون اللحم وردي أو أحمر مش رمادي باهت ولو غير كده لا تستخدميه

وعشان الريحه اقفلي عليه كذا كيس بدون ما تدخلي هوا ولا ميه في الكيس وحطيه في علبه بلاستيك وخلي عليه قطعة بلاط أو ورق جرايد كتير واقفلي العلبه كويس
وبكده مفيش ريحه ان شاء الله طول ما العلبه مقفوله

وبيستوي بعد حوالي عشر أيام أو اسبوعين

بعد ما يستوي بأنظفه وأحط عليه زيت وليمون في علبه بلاستيك نظيفه واقفلها كويس واربطها في كيس وأدخلها التلاجه

وهذه قصة حياة السردينه المملحه
ولكم التحيه
ربنا يجازيكى كل خير يااختى الطيبه ربنا يبارك فيكى والله فرجتى عنى ماانا فيه
سامعة عنة بس على العموم اي ريحة زفر تروح بغسل الاواني بالخل وفي حرمل انا ابخر به البيت بعد كل اكلة سمك عادي بتروح الريحة على طول


الساعة الآن 10:20 .