اقتباس مشاركة  (chord)
يمكن المقادير هي اصلاً تخلي العجينة رخوة ..
وأنا أفضل إن العجينة تطلع شوي رخوة للبيتزا ..
هل العجينة اللي جربتيها للعجينة هي البيزا أو عجاين ثانية بعد ...
وسؤالي ايش هي عجانتك؟؟؟
المقادير اللي عندي اشتغلت عليهم من قبل ، يعني مضبوطة مية مية ، أنا سويت خبز تميس وخبز ايراني وفطير مشلتت ، طلع العجين كله صعب تشكيلة والشغل عليه والمشلتت هذا غير صالح بالمرة . يعني العجينة لما أمطها ترجع تنكمش ، وعجانتي كينوود ، ومشكورة يا ختي على المواساة.
اقتباس مشاركة  (رشـــ عطر ـــة)
اختي طبيعي تصير العجينة الين بالعجانة غير عن اليد لأن المواد تكون ممتزجة اكثر والعجينة بتصير اكثر مطاطية .... لذلك بعض الاحيان اقلل من السوائل او اضيف زيادة دقيق لكن مو بكثرة حتى لا تصير العجينة ثقيلة جدا .... مع العلم انك حتى لو تقيدتي بالوصفة تحتاجين بعض الاحيان اضافة او زيادة لأن المكونات والاوزان ليست بتلك الدقة ...

وعند العجن في العجانة بعد وضع المقادير وعجن العجين ولقيتي انه لين بزيادة او يتلصق كثير رشي شوي دقيق واعجني بسرعة بطيئة لحد ما تحسي ان العجينة بدت تتباعد عن جوانب الاناء ...

وبعد ما تخلصين عجن بالعجانة ... انقلي العجينة للطاولة ورشي شوي دقيق واعجنيها بيدك قليل وبتلاقينها صارت اكثر تماسك ...

وبس تتعودين عليها بتظبطين عجائنك ان شاء الله وما بتستغنين عن استخدامها لأن العجن باليد مرهق كثير والخبز والمعجنات تطلع افضل بعد خبزها عند استخدام العجانة ....


ملاحظة : اذا كانت عجانتك كينوود انصحك باستخدام الاداة اللي على شكل حرف k في بداية العجن ثم بعد امتزاج الدقيق مع السوائل غيري الاداة واستخدمي اللي عل شكل حرف s

أنا أقول بعد يمكن لما نعجن باليد نضيف وايد طحين ، لكن زيادته بعد العجن مشكلة -خاصة بالنسبة للمشلتت- ، عموماً يعطيج ألف عافية وراح آخذ بنصايحج ونصايح الخوات اللي قبلج وأقوللكم عن النتيجة

والله يبعد البلا عنكم .... عاد قولوا آميــــــــــــ ـــــــــــــــ ــــــــن
نفس كلام الاخت رشه وانا دائما اعاني من هذا الشي خاصه مع الدقيق الكويتي احيان ازيد كوب كامل من الدقيق ودوب تزبط اما الان صرت احط الماء بالتدريج والحمد لله




بعد أن اتكلت على الله ، جربت نصايح الخوات ... والحمد لله
الشغلة يبيلها ممارسة شوي ، لما أعجب بايدي أحس بالعجينة اذا محتاجة ماي والا طحين ، لكن بالعجانة مجرد
النظر ، وكله خايفة يزيد العجن عن المطلوب فتشد العجينة وما تنفرد (وهذا صار معاي أول مرة لأني قللت الماي)
شكراً يا محبة كريكرة .. شكراً أخواتي العزيزات على الارشاد ونشوفكم بطبخة جديدة بحيل الله


الساعة الآن 08:52 .