اذا باقي رز علطول افرزنه
واذا طبخت مره ثانيه اقلل الكميه من الرز الجديد ولما يتوي ويتبخر احط الرز القديم بعد ما يذوب ثلجه فوقه واتركه يتبخر واحط فوقه بصل مقلي ويطلع يجنن ولا من شاف ولا من دري
احياناا يكون الباقي بس كبشه باليد بس تكريما للنعمه احفظه

*************************
اذا باقي دجاج من الغدا سواءا مشوي او طبخ او بروستد او اي شي لو نتفه قد الاصبع او اصبعين اغسلهم واجمعهم بالفريزر وبغيت اسوي معجنات اطلعهم وانتفهم واخلط معهم ما يونيز وثوم واقدم احلا شورما وبرضو ولا من شاف ولا من دري
********************************

الخبز انشره ليمن ينشف فالحوش واجمعه واعطيه واحد عنده غنم
*******************
والرز اذا كان محيوس يعني ملمس اجمعه في الفريزر واذا طلعنا للرياض نثرناه في البر عالطريق تاكله الطيور
****************

واذا كان شي نظيف ومرتب وما يصلح يفرزن ارتبه في صحن وازبرقه واعطيه زوجي يعطيه اي عامل عالطريق



*********************************

والخضار اذا كانت كثيره اقطعها وافرزنها : جزر قرع فاصوليا (اشوحها شوي بالزيت) كوسه فلفل بارد باميا ثوم(افصفصه وانظفه وافرزنه)

***********************************
اما الطماط اطحن الزايد وافرزنه باكياس على قدي

**************************
والخيار مع الجزر اذا كان كثير اقطعه واسويه مخلل
*********************************

*********************************
والحمدلله مبارك لنا ربي في كل شي اهم شي يا بنات تقدير النعمه والله محاسبين عليها الا الزباله تكفون
اذا ما ودكم تتعبون اقلها عطوها عامل
19-10-1429 هـ, 01:21 مساءً
 
جزاكي الله خير على هذا الموضوع المهم
فيه بعض الناس الله يهديهم يتساهلون فيه
ان شاء الله كل وحدة تشوف طريقة تناسبها في الاستفادة من الاكل الباقي
المهم .. انه ما يروح للزبالة ( الله لا يعاقبنا )
19-10-1429 هـ, 02:48 مساءً
 
احذرواااااااااااااااااااااااا اخواتي الحبيبات من رمي النعمة في الزبالة ولو كانت ملعقة

انا الأكل اذا بقى ويكون شوي احطه بالصحن المقسم واحط معه خضرة خيار او طماطم او حبة فاكهة او فلفل وليمون وخبز يعني احاول انها تكون وجبة صغيرة لشخص واحد واذا كانت بقايا الصحون من الآولاد اجمعها في كيس نايلون اما لناس نعرفهم عندهم حيوانات ودجاج او اجمعها وادويها البر ونرميها للطيور
19-10-1429 هـ, 03:02 مساءً
 
اذا كثيررررر


نقسمه شي للعمال البقاله وغيره


ونخليه ونسخنه زياده او اذا احد جاع ياكله

من البيت

واذا كان قليل

نعطيه الدجاج
وووووبس
19-10-1429 هـ, 03:09 مساءً
 
صلحت امس ديك رومي محمر بالفرن وماأكل زوجي منه.. كان شبعان


وحطيته بالفريزر

واليوم طلعته وقطعته قطع وسط.. مو صغير

وحطيته في قدر صغير وفكيت عليه علبة طماطم بدون قشر ((مو صلصة.. طماطم حبات)) من البقالة

وقلبتهم شوي وبهرتهم وملحتهم وقدمته مع الرز الابيض

اما الاكل الزايد مثل القشور والبواقي من الاكل المحترق ووووو.. احطهم في قدر على المجلى.. وزوجي ياخذه كل عصر للغنم والدجاج بالمزرعة
19-10-1429 هـ, 04:02 مساءً
 


الساعة الآن 08:36 .