Analysis Services
اخت قرقورة فعلا مطاعم ريدان روعة ومتخصصة تمام في المضغوط

عموما انا نفس الشئ شفتهم مرة على السريع يستخدمون فقط الطماطم المعصورة الصلصة يعني بدون اي طماطم
لأن هذه اسرع واوفر

وشئ ثاني يحطون ورق غار ويستخدمون رز براند او براندي حاجة زي كذا والله ناسية طبعا الكلام هذا من 5 سنين
بس مااظن يغيرون دايم طبخهم واحد

هذا اللي لحقت علية يالله كل وحدة تكمل وش شافت على السريع لحد ماتكتمل الوصفة

وبالنسبة لسؤالك مطاعم ريدان لاتوجد غير في جدة وبالنسبة لمكة والمدينة والله ماادري يمكن
لكن غير الغربية لايووووووجد محتكرين ريدان والبيك لهم خسااااااارة
13-11-1424 هـ, 10:45 مساءً
 
اختي om-bader
تسلمي يا عسل على المشاركة والرد
وتسلمي على المعلومة الحلوة ,,
واحنا بنتظار المزيد من الردود ..

قرقورة ..
13-11-1424 هـ, 10:52 مساءً
 
سوري قرقورة الرز اسمة بوندى
14-11-1424 هـ, 01:15 صباحاً
 
السلام عليكم جيت بس لاتنسين اادعي لي ربي يعجل لي بالخير تراني محتاجه الدعوه
يالله نبدا بالطريقه
شوفي ياستي كيلو او نص كيلو لحمه يعني خذي قد الي يناسبك
من بصلتين لثلاث بصلات
ورز
وطماطم في حدود اربع حبات لاتكثرين مره
وبهارات ورق الغار مره لذيذ على المضغوط -فلفل بارد - ليمون ناشف -كمون خشن مايكون مطحون-فلفل اسود - فلفل حار - هيل بس لاتكثرين بس شويه
تعالي نشوف الطريقه
ركزي في سر الطبخه هي مجموعه اشياء لو سويتيها ان شاء الله تضبط
في قدر ضغط اطبخي
حطي الزيت والبصل شوي بس خليهم تتحمر مو كثير بس الين مايلين
بعدين حطي اللحم وتكونين مجهزه الطماطم
انتبهي الطماطم لاتطحنينههم في الخلاط واذا طحنتيهم بالخلاط خليهم خشنه مع انه افضل فرم على يدك صغير مرررره
او ممكن بالخلاط بس يكون مو مره ناعم يعني شوي تكون كبار ماصارت طماطم حفله
المهم
اول ماتحطين اللحم على طول حطي الطماطم قبل ماتستوي اللحمه او تتحمرهم يسوونها كذا ولما سويت زي كذا طلع لي فيها الطعم الي يطلع عندهم
المهم بعد ماتحطين الطماطم حطي البهارات لاتستنين الين ماتستوي الطماطم لا
حطي البهارات على طول
وغطي اللحم بالمويه وهي ماستوت لاهي ولا الطماطم
واضغطيهم
واحسبي لهم على حسب قدر الضغط حقك
لما يستتوا ملحي اللحم وخليه يطبخ شوي
وبعدين جيبي الرز
وحطيه على اللحم وخليه حق خمس دقايق وهو مضغوط
وبعدين انقليه على نار صغيره وخليه كمان خمس دقايق على حسب ضعطك قد ايش عشان يستوي فيه الرز
اقسمي الوقت بالنص ما بين نار عاليه ومنخفضه
وبس لما يستوي فكي الضغط
وبالعافيه
انا اسويها كذا والله والله اهلي مايشبعون فيها معروفه انا بالمضغوط والكبسه والبخاري
14-11-1424 هـ, 01:54 صباحاً
 
يعطيك العافيه سوسن .....

إن شاء الله راح أجرب طريقتك....لاإني أموت في المضغوط....


غاليتي........أم بدر.......
في معطم ريدان في الجنوب....
مره رحت لزيارة أخت زوجي في مدينه من مدن الجنوب وكان في هذا المطعم ....وأكلاتهم جدا رائعه...
14-11-1424 هـ, 07:31 صباحاً
 


الساعة الآن 05:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏