هللن يابنات العين حق &عشوتي مع زوجي ليلة لاتنسى&

السلام عليكم ورحمة الله وبركاته

عساكن ذكرتن الله قبل ماتقرن الموضوع

بسرد لكن يابنات قصة عشاي مع زوجي في ليلة باااااااااااااااااااااااااردة<<<دارية ان البرد مابعد دخل بس المكيفات وماتسوي

الله يسلمكن كنت صايمة وقلت لأبوالشباب ترى ماعندنا دجاج اليوم وش رايك اسوي لكم الغداء فول وشكشوكة<<< كيد الحريم عشان اذا جا الليل قال يالله اليوم ماكلنا رز بنتعشى في مطعم خاصة انه مو من هواة المطاعم واكلهم

وبالفعل صار اللي في بالي بعد ان مكثت مدة طويلة عن المطاعم واصوات طقطقة الصحون:icon28:

المهم رحنا لمطعم مشهور في فرع جديد له

جلسنا على الطاولة وكان المكيف بااااااااااااااارد نقلنا لطاولة ثانية عسى البرد يكون أخف لكن نفس الشي

قلت يالله بس نطلب والأكل بيدفينا

وطلبنا ريش مشوووووية وشيش ورز برياااااااااااااااااااني يمي يمي يمي

شوي الا وهم جايبين لنا صحن فيه زيتون معرعر خبركم حق اللبنانيين << يعنني ثقافتي لبنانية

ومخلل وبعلول يشهووووووووي راسمة عليه مع الرز << البعلول لغير الناطقين ياللهجة البصل الأخضر

وجرجير وخبز

قعدت اكل جرجير كني غنمة مطلقة على برسيم وكم قطعة مخلل

وقعدت انتظر في الأطباق المنشووووووودة ولبطني مشدووووووووودة

لكن مر الوقت بدون فايدة

جلسنا اربعين دقيقة ننتظر كلمهم ابو الشباب رد عليه الفلبيني سوس سوي

جلسنا زود ربع ساعة ويلقى ابو الشباب اللبناني قال وين لنا اكثر من ساعة الاربع وماجانا شي

قال معليش لكن انت عارف كتير الطلبات عالمشاااااااااااااوي انتزر سوووووووووووووواني وقام يمطمط في حنتسه

ويوم كملنا ساعة قلت يالله بس نطلع

قال ابوالشباب طيب وش نتعشى قلت له نروح لماكدو وفي نفسي اقول اقرب لباسكن روبنز لو حصل اخذ لي كرة<<<طبعا ماقلت له عن اللي في بالي :30: ناويته بالمشاوير

وطلعنا من عندهم وعلى بالنا بيترجونا نرجع اثر اللبناني يقول شو رأم فاتورتك قال زوجي ماكلنا شي وش فاتورته

قال لا بس من شان نكنسل الطلب

تحسف رجلي انه قال له بنكنسل يقول ياليته انغث وجابه مالقانا فيه

طلعنا وإلى ريح هالمشااااااااااوي على قولت هاللبناني تشق الخشم بغيت ارجع بس خفت يجيني بكس

قال هاه وين نروح قلت لماكدو قال يعني ناكل عندهم او نطلبه سفري قلت اللي تبي

مشينا وهو يتذمر ويقول سدووووووووو نفسي الله يسد انفسهم واخروني عن موعد عشاي<<< عاد هو عنده القولون وماينفع يتاخر عن العشاء

يوم شفته متضايق قلت بسوي من نفسي سبع البرمبة:42:

قلت له ان كان ودك نرجع للبيت واحط لك صامولي بالطحينية مع كاس لبن رجعنا<<< طايح هاليومين في هالأكلة

وانا متأكدة انه راح يقول لا بوديك للمطعم وعلى بالي كرة الباسكن روبنز بعد

مادريت الا وهو يلف بالسيارة ويقول اي والله انك جبتيها يالله من فضلك صامولي يفشفش ازين من هالمطاعم واكلهم

تبققت عيوني وفقيت خشتي << اشوى اني متنقبة ومابان مني شي كان صاير حوادث ذيك الليلة

ويوم بغينا نوصل للدار قلت وأنت ماشا الله ماصدقت خبر

قال وهو معصب يعني وش تبين اروح اخذ لك وجبة لحالك انا ما ابي شي

قلت لاخلاص قوه للبيت بس

واحشي له طحينية مع كاس لبن

وانا سخنت لي باقي شكشوكتهم وصارت شوية بعد وسويت لي اندومية ما اشتهيت اكملها من الحنقة على هالمطعم

صايمة واهوجس في هالأطباق الشهية واخرتها باقي غداهم اللهم لك الحمد الله يديمها من نعمة ويحفظها من الزوال

ويوم جا من بكرة انزكمت من مكيفهم الله لايبارك فيهم واكتب لكم هالحين وخشمي يسرب من الزكام الله لايجزى العدو خير

وش رايكم بالله موقف انحسددددددددددددددددد علية :(

الخلاااااااااااااااااااااااااصة

من خرج من داره قل مقداره

ثانيا لاتقولن شي يابنات الا وانتن قده مهوب مثلي سويت نفسي شي وانا ولا شي :22:

الله الله بالردود وأن كان فيه مواقف عندكن مثله فاتحفننا بها