طريقة الكبسه ...

اولا الرز الكميه المناسبه تتنقع في ماء حار اول شي
ثانيا :اللحم
تختارين لحم وقطع كبار تناسب للعزايم ...

تسلقين اللحم شوي يعني 10 دقايق

حتى يطلع الوسخ وترمين المويه وتغيرينها بمويه جديده

بعدين تسلقين اللحم مره ثانيه مع بصله مقطعه ارباع والملح احطه بعدين اذا بديت احس اللحم صار لين

تقريبا انا اغلي اللحم من ساعه ونص الى ساعتين الين يستوي تمام

اذا خلص اللحم من الغلي اطلعه ... واحطه في قدر مع كميه من المرق علشان العصيده


في قدر ثاني :زيت وبصله مفرومه تقلبينها الين تصير ذهبيه ويضاف لها جزر مبشور والبهارات ومعجون طماط وبعدين الطماط واقلبه مضبوطالين تذبل الطماط
اصفي الرز الي منقوع ونضيفه ونزيد عليه مرق من السلق حق اللحم
ونضيف ملح حسب الرغبه وقرون الفلفل الحار والليمون الاسود اذا حبيتي
وعلي نار عاليه حتي يغلي لمدة عشر دقايق ثم نوطي النار حتي الاستواء
وبعدين نغرف الرز ونرص اللحم من فوقه وصحه وعافيه




العصيده :

الطريقه:
يوضع المقدار المناسب من الماء في قدر (حسب عدد الأشخاص ) (و ممكن نستخدم كأس الماء كمقياس لكل شخص كأس واحد) ثم يرفع القدر على النار ونبدأ بذر الدقيق عليه بالتدريج قليلاً قليلاً مع التحريك المستمر ثم نرش عليه الملح حسب الرغبه ....وعندما نلاحظ ظهور فقاعات الهواء نضيف المزيد من الدقيق مع التحريك المستمر حتى تصبح العصيده بشكل واحد وتختفي آثار الدقيق وأيضاً تكون صلبه بحسب الرغبه ....ثم ترفع من على النار وتوضع في صحن ثم تكويرها وتقسيمها حسب الكميه المراد تقديمها وتوضع في صحن التقديم ويقدم معها المرق مع تقطيع البصل عليها قبل التقديم أو إضافة القليل من الفلفل الأسود0000



المسقعه

اولا كشنه بصل وطماط وفلفل بارد ونزيد لها لحمه مفرومه ونتركها تنضج مظبوط ونضيف لها ماجي وبهارات

وبعدها نقلي خضار مشكله بطاط +باذنجان +جزر

ونبدا اول طبقه في الصينيه باذنجان وجزر والطبقه الثانيه اللحمه المفرومه والاخيره بطاط

التغطيه بصراحه ماهي بشاميل لاني كنت مستعجله وحطيت قشطه +مايونيز +جبن سايل -مقادير متساويه
وندهن فيها وجه الصينيه وندخلها الفرن لمدة عشر دقايق لحد ما تاخذ لون ذهبي 000وبالعافيه
16-10-1429 هـ, 04:41 مساءً
 
المشروب ليش ناقص هذا حق البيت اصلا والضيف جاي من الديره فجأه وكل شي من موجود البيت حالف ما نجيب من برا ولا شي 000عنا 000
يعني ما يبي يسوي كلافه وطاحت براسي
16-10-1429 هـ, 04:43 مساءً
 
سلمت يالغاليه كل شى حلو ماشاء الله
16-10-1429 هـ, 04:46 مساءً
 
ماشاء الله عليك مبدعههههههه تسلميين يالغلا
16-10-1429 هـ, 04:57 مساءً
 
يعطيك العافيه روعه ماشاء الله
16-10-1429 هـ, 05:12 مساءً
 


الساعة الآن 03:02 .