المموش والطريقة بدون ربيان لان الاغلبيه يسوونه مع الربيان
الكميه لكل كوب رز ربع كوب ماش مجروش
يغسل الماش وينقع بروحه
ويغسل الرز وينقع برضو بروحه

في الجدر حطي سمن مع زيت نباتي واحمسي بصله مقطعه صغار مع ثوم مفروم وبهارات عدله مسمار هيل وقطعة زنجبيل فرش وقلبي صفي الماش من الماي وحطيه على البصل وحطي فوقه مكعب ماجي خضار وبهارات ناعمه وقلبيه لدقايق وبعدها صفي الرز من مايه وضيفيه عالجدر .........تكونين مسخنه ماي مع ملح وحطي كوب وربع ماي لكل كوب من الرز زايد الماش يعني ادا حطيتي 4رز مع الماش راح يكون 5 والماي راح يكون 6 اكواب وربع تاكدي من الملح ودوقيه .....خلي النار عاليه لحد مايقل الماي شوي ووطي عليها وجيبي فلفل اخضر كامل واغرزيه بنص الجدر وحطي قصدير وغطي الجدر لحد مايتسكر .
الطريقه مع الربيان تسلقين ربيان فرش بماي بدون ملح مع بهارات كامله وكركم لحد مايستوي واتبعي نفس الطريقه اللي فوق بس اول احمسي الربيان مع البصل والثوم وزيدي كمية مكعبات ماجي وضيفي الماش وكملي
بالنسبه للطلب الثاني في خثرة وفيه مرق سمج خاثر ماعرف شتقصدين
والمعبوج افرمي ثوم وحطي عليه فلفل احمر حب وكزبره حب محموسه ومطحونه وبالخلاط انا شخصيا احب اضيف زين نباتي عشان مايصير ناشف واحيانا احمس شوية زيت مع معجون طماط على النار واضيفه للخلاط يعطيه طعم حلو
العيش المشخول غسلي العيش ونقعيه نص ساعة بجدر حطي المكان كميه كبيره لحد مايغلي وحطي بهارات كامله مثل هيل ومسمار وحطي ملح وسمن او زيت نباتي صفي العيش من ماي النقع وحطيه عالماي اللي يغلي قلبي شوي وخليه يستوي مايطول عشر دقايق شخليه وحطي بالجدر سمن وبصل مقطع شرايح وقلبيه حطي كركم شوي وقلبي مر ثانيه ردي العيش المسلوق فوقه وحطي قطع زبده على الوج او سمن وسكري عليه بقصدير ووطي النار لحين التقديم
اللهم اني اسالك باسمك الاعظم الذي اذا دعيت به اجبت واذا سالت به اعطيت ان تيسر لي حملا صحيحا سليما بذكر صالح سليم معافى هاديا ومهتديا اخا وعضيدا لوحيدي ربي دعوناك كما امرتنا........ اللهم استجب كما وعدتنا
اللهم مغفرتك وعفوك ورضاك والجنه
اختى..لوف فاكتورى

الله يجزاك الف خير على ردك ومجهودك

واسال الله ان يقر عينك بالولد الصالح..وان يجعله من البارين ..

وششششششكرا لك مرة اخرى


الساعة الآن 06:15 .