انا اطفالي بنفس اعمار عيالكم وكنت اعاني من نفس المشكله



تفاديتها باكثر من طريقه


الاولى وهي اني احفزهم ياكلون صحنهم والي يخلص له جائزه احددها بناء على الي هم يحبون



الثانيه وهي التمويه مثلا اذا كانو مايحبون الخضار ادخلها مع الاندومي وهم يحبونه اكيد


او الفواكه اغرسها في اعواد الاسنان بشكل حلو واغرس كل الاعواد على برتقاله مثلا


مع وجبه البرغر او الشاورما او الوجبه الي يفضلونها اعمل عصير طازج في البيت واقدمه


بشكل جذاب كأنه لضيوف


شي ضروري طبعا وهو ان الطفل في الاول والاخير يقلد اهله الام والاب في الاكل


فاذا شاف انهم يعرضون عن صنف يحاول يقلدهم وهكذا


عموما من المهم انك تعرفين ان التعويد له دور كبير جدا في العادات


في شي ضروري بعد لالالالازم يكون في اصرار وعزيمه


وشلون ؟مثلا اليوم الغداء يكون (كباب سبانخ لانهم ما يحبونه بس اكيد يحبون اللحم والكباب ريحته تدوخ


راح ياكلونه مع الرز بدون سؤال ولو ما اكلوا منه خليه لهم على العشاء


لاتحاولين انك تحضرين صنف ثاني هذه طريقتي مع عيالي الله يحفظهم


( ما في اكل غير هذا تبون غرفت لكم ما تبون ما عندي غيره خلاص ناموا جوعانين)


احيانا يصيحون ما يبون واحيانا ياكلون على عينهم بس الصراحه مع الايام يعرفون انه ما في غيره ياكلون


من غير تذمر او انهم اذا اكلوه اوعدهم ان بكره يكون الاكل الي هم يختارون



الله يكون في عون الجميع هذه معانات الاطفال


واي استفسار او سؤال انا حاضره عندكم الخاص


الساعة الآن 11:35 .