بسم الله الرحمن الرحيم

اخواني اخواتي رواد منتدانا الرائع

السلام عليكم ورحمة الله وبركاتة

سؤال مهم جدا احبابي

لماذا انا متعلق؟؟؟؟؟؟؟

الاجابة في الاتي:

1- لاني اصدّق اي خبر جيني واطب بالسهم وانا مغمض ولا اعرف السهم اللي انا طبيت فيه تصريف والا تجميع

2- لاني اذا شريت اشتري ماركت واذا نزل السوق مايكون معي فلوس اعدّل فيها

3- لاني ما اعرف وش معنا ستوب لوز ( وقف الخسائر)

4- لاني ادربي راسي ووين مايدخلون العالم ادخل معهم

5- لاني مرات يجيني مربح واطمع بسعر اعلى وينزل السهم وانا للحين مابعت واخسر من راس مالي وانا للحين مابعت

6- لاني ماني مقتنع ان سوقنا يمشي على التحليل الفني والهوامير عششوا في دماغي ان السوق حقنا مايمشي على التحليل الفني وانا صدّقتهم

7- لاني لاشفت السهم طاير ثلاثه او اربعه او خمسه بالميه لحقته واذا شفت سهمي نازل خمسه او سته او سبعه بالميه بعته

8- لاني اي سهم اشوفه طالع نسبه اروح اشتريه

9- لاني ما اعرف انا مضارب والا مستثمر .. اذا خسرت قلت انا مستثمر
10- لاني مالي نفس اتعلم التحليل الفني ... ابغى معلومة جاهزه وان وصاني واحد وضبطت توصيته كويس ... وان وصاني ولا ضبطت توصيته دعيت عليه وشهّرت فيه وين ما اروح

11- لاني اربط عواطفي بسوق الاسهم واقول اذا بكره العيد الوطني يعني اليوم اللي بعده بنشوف السوق نسب خضراء ....

12- لاني لي فوق السنتين او ثلاث بسوق الاسهم والى يومك مافهمت ابجدياته ولا افهم وش معنى مؤشرات ولا لي نيه اتعلم اصلا

13- لان يدي تحكّني ... لازم اضارب كل يوم حتى لو السوق مايساعد ...( عيب اني اجلس يوم كامل ما ابيع ولا اشتري )

14- لاني مبسوط اني متعلق ( والدليل ان هذي اخطائي من يوم ماعرفت السوق والى يومكم ما حاولت اني اطور نفسي واشوف وين مواقع الضعف )

كلام احد الاشخاص المتعلقين في سوق الاسهم وذلك للفائدة العامه احبابي
17-10-1429 هـ, 10:07 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياعيب الشوم ولا رد انتظر دعوه حلوه
18-10-1429 هـ, 02:42 مساءً
 
يعطيك العافية اختي

والله يعوض على الجميع
18-10-1429 هـ, 11:21 مساءً
 
والله كلام صحيح


فيه كم نقطة اكتشفتها موجودة عندي>>>>>>> ان شاء الله أعدلها

مشكورة عزيزتي
19-10-1429 هـ, 12:03 صباحاً
 
يعطيك العافيه
19-10-1429 هـ, 01:37 صباحاً
 


الساعة الآن 08:18 .