إيه والله

ماعلى كريم تشرط يا أم الصالحين

13-11-1424 هـ, 12:42 صباحاً
 
حياك الله اخت همسه في الكويت

بتنور بوجودك وبوجود كل ضيوفنا الكرام


البنات ماقصروا

وحبيت اضيف لاند مارك فرع الري
في السرداب تلقين تشكيله مميزة من اثاث واكسسوارات المنزل
والاثاث......كذلك فيه تشكيله من الملابس النسائيه والرجاليه والولاديه
واحذيه وملبوسات داخليه وتجميل واشياء كثيييييييييييييييرة في لاندمارك الري
احسن فرع واشمل فرع هو فرع الري

وبالنسبة لمحلات الاواني المميزة......عندك محل فياصل
وكذلك مجمع الاوقاف فيه اكثر من محل
مثل محلات الشلاحي للاواني والاكسسوارات المنزليه







اذا تبين دراريع مميزة بالنسبه لأهل السعوديه
مجمع العربيد في الفروانيه متخصص بهالمجال وكلها انتاج الكويت
تحتارين بالاختيار موديلاتها متميزة واسعارها روعه
طبعا مجمع العربيد هذا ماتلقين لك موطئ قدم في المناسبات
من كثر الضغط والزحمه اللي عليه:24:




اتمنى لك اقامة طيبه
وقوليلنا اخبارك بعد الوصول بالسلامة ان شالله
13-11-1424 هـ, 06:57 صباحاً
 
مع عنوووده و ام فرح .. ما قصروا قالوا و كفوا ووفوا ..

و حياج الله بديرتج يا همسه
13-11-1424 هـ, 01:17 مساءً
 
والله عزيزتي همسة البنات كفوا ووفوا .......... هذه كل المعلومات اللي عندي ........
بالنسبة للمطاعم :-
ميس الغانم اللي على شارع الخليج العربي (أكل لبناني ).
مغل محل اللي بالسالمية فوق ماركس آند سبنسرز(أكل هندي) .
وبنفس مكان المطعم السابق في مطعم صيني رهيب.
سوق شرق على شارع الخليج العربي الطابق العلوي مطاعم فوق ال20 مطعم وأكثر روعة ونفس الشي مجمع مارينا مول الطابق العلوي روعة. بس زحمة مووووووووووووووت ويهالو كتير.
أبل بيز ، شيليز ، فرايديز ، كارينوز على شارع الخليج العربي أغلب الأكل مكسيكي.
على شارع الخليج العربي اتلاقين كل المطاعم والمجمعات اللي ببالك.
عندك مجمع الفنار ، سوق شرق ، مارينا مول ، كل هذه المجمعات معروفة وأي أحد يعرف مكانها بس اسألي
يعني الكويت صغيرة بمساحتها بس والله أحلى بلد بكل ما تحمله الكلمة من معنى.
و****لله ما اتكون آخر زيارة ****لله.

أم خالد
13-11-1424 هـ, 02:04 مساءً
 
السلام عليكم


اقتباس مشاركة
1) محلات التحف والإكسسوارات المنزلية ، والأثاث

عندج محلات لاند مارك . ومنطقة الشويخ الصناعية والري


2
اقتباس مشاركة
) محلات الأواني المنزلية ، لكن أبي شيء مميززز ما ألقااه عندنا في السعودية
اولا ترى ما اضمن انة مو موجود عندج في السعودية لاني ما ادري شنو الموجود في السعودية

عندج محل قصر السلطان او البرازيلية في منطقة الفحيحيل
ومثل ما قالوا الخوات
اقتباس مشاركة
- dining art >>>>>>>> الشويخ الصناعية .
- home selection>>>>> مجمع الراية .
اقتباس مشاركة
3) محلات الجلابيات والدراريع الزينة
امممممم شوفي اذا تبين مثل حليمة بولند روحي لانسام الخلف
محلها في الجابرية (او اخذي التصميم وروحي للعربيد ينسخونة لج)

عندج العربيد (يفضل تروحين لة اول شي لانج يمكن تشوفين شي حلو وما تلقين مقاسج او يكون مو للبيع ((لانة في الاصل اهم يخيطون ما يبيعون جاهز)) وعلشان على اخر ايام السفرة تكون الدراعة جاهزة)
وفي المجمعات في الفروانية

وفي عندج محلات في مجمع الدبوس (في الفحيحيل) في السرداب

ولاتنسين محلات اليشمك


++++++++++++++++++++++++++++
وطبعا لاتنسين اذا جيتي وبعد اللف في الاسواق تروحين مطعم حلو تتعشين فية او تروحين السينما

شوفي اذا رحتي سوق الفحيحيل وخلصتي (روحي مجمع اجيال فية سينما ومطاعم)
وعندج مجمع كويت مجيك (في ابو حليفة قريب من الفحيحيل) هذا سوق ومطاعم والعاب اطفال

او محل ابل بيز (في ابو حليفة)

اذا رحتي المجمعات اللي في السالمية (الفنار ومارينا مول وليلى غاليري) راح تلقين المطاعم الحلوة بعد هناك (قريبة منها )

وطبعا لا تنسين تتمشين على شارع الخليج العربي (وعلى هذا الشارع بين كل مطعم ومطعم تلقين ومطعم .

ولاتنسين سوق شرق (طبعا احنا اسواقنا يا اهل الكويت كل شي فيها ملاهي مطاعم محلات سينما ...الخ)

وفي مكان حلو لايطوفج المركز العلمي (((تحفة)))
خصوصا الآي ماكس (السينما الثلاثية الابعاد)
والاكويريم روووووعة

هذا غير تأجير سفينة او مركب وتلفين في البحر (على ما اعتقد في سوق شرق )

والملاهي (مدينة العاب)
والابراج



13-11-1424 هـ, 03:15 مساءً
 


الساعة الآن 12:58 .