أخواتي العزيزات ......... السلام عليكم ورحمة الله وبركاته .......
أختكم بالله محتاجتكم .......... ****لله الشهر الجاي ناوية السفر مع زوجي وأطفالي للخبر زالدمام والبحرين بالسيارة ......... من الكويت ...........
وهذه أول مرة نسافر فيها بسيارتنا الخاصة ...... بيني وبينكم محتارة بس التوكل على الله وقل لا يصيبنا الا ما كتبه الله لنا .......
بعد كل المآسي اللي قاعدين نشوفها بالتلفزيون ......... الله المستعان قررنا هالمرة نتوكل على الله ونسافر بالسيارة ........... الآن ........... ممكن اتفيدوني بأساسيات لازم اتكون معانا عند السفر بالسيارة............ ووين انروح وشو نزور وطبعا أحسن الفنادق وأوفرها بالخبر والدمام ......... وبالنسبة للبحرين نفس الشي .......
وبعد................... كم يوم تحتاجها رحلتنا ............ والله يجزاكم كل الخير.......
أم خالد
عزيزتي الحنان الدافئ ابتداءً اتمنى لك سفرا محمود .
بالنسبه لسكن أنا عادة انزل فندق في الدمام اسمه المنصور مميزاته:
1-رخيص غرفه +حمام +مطبخ صغير 170ريال.
2-نظيف.
3-مجموعه كبيره من المطاعم تحيط بالفندق.
4-قريب من الكرنيش.
عيوبه:
1-نسبة الهدوء متوسطه (يمكن لانه سيرميك)بس مو لدرجة الازعاج.
2-الفخامه متوسطه.
_________________
اخر مره نزلت الدمام اكتشفت شاليهات تهبل (هوليدي ان)في شاطئ نصف القمر.
الفله الصغيره تشمل غرفة نوم+ صاله+حمام 600ريال .
الفله الكبيره3غرف+2حمام+(اظن)صاله.
غرف الفندق تقريبا 300ريال في الليله.
هذي الاسعار في غير المواسم في المواسم يتضاعف السعر.
___________________________
بالنسبه للمطاعم :
1-اهم شي لازم تروحين القريه الشعبيه بالدمام وهي على الكورنيش قريب جدا من فندق المنصور.فيها كل الاكلات الشعبيه وغير الشعبيه لذيذه جدا واسعارهم حلوه جدا والمكان يهبل.
2-كوبر شندني مطعم هندي فيه بالدمام وفيه بالخبراكلهم لذيذ.(كم مره اروح ما اقدر ادخل زحمه)
_________________
الاسواق:
1-الراشد بالخبر.(كل الماركات)
2-الواحه بالدمام.كبير وحلو.
________________________
اتمنى اكون افدتك ........(على فكره انا ساكنه في قريه تبعد 215ك عن الدمام وما اروح الا يومين في الشهر.عشان كذا معلوماتي قليله.)
لا اله الا الله وحده لاشريك له .له الملك وله الحمد وهو على كل شئ قدير.
حبيبة قلبي lololo تسلمي يا رب ........... و****لله آخذ بنصايحك ............ أخواتي مين عندهم معلومات عن البحرين ...... وبعد عن الخبر والدمام ........... ولكم جزيل الشكر

أم خالد
هلا بك أختي

فعلاَ شقق المنصور ممتاااااااااازة ونظيفة وراقية ، وتكيف مركزي

وسعرها في غير الخميس والجمعة 170 وبنهاية الإسبوع 200 .......(( في غير وقت الموسم ))

هذا إلي أعرفه

السلام عليكم ورحمة الله وبركاته
حياك الله ياام خالد عندنا في الشرقية واقامة سعيدة بإذن الله تتمنوها دوم
في الخبر عندك مجموعة من الاجنحة الفندقية حلوة ورخيصة ومكانها واضح ولنا احس احسن شي (مرسانا للأجنحة الفندقية)وكمان قريب من مجمع الراشد
وفي الدمام على الكورنيش ايضا(بودل للاجنحة)كمان حلو بس انتي راح تجين في الموسم الاسعار تكون غالية شوي
عندك في الدمام مجمع ابن خلدون صغير شوي بس مرتب وحلو
والقرية الشعبية الصراحة لاتفوتينها حلوة مرة..
وعندك في الخبر وفي الدمام قرية الالعاب للاطفال حلوة ورخيصة راح ينبسطوا الاولاد فيها.
وفيه في الخبر مطعم الطاية اكلهم حلو ..
هذا اللي اتذكره الحين واذا تذكرت شي بعدين راح اكتبه
معليش معلوماتي مبعثرة بس ان شاء الله تفيدك ..
وانا الاسبوع الجاي راح نزوركم في الكويت ياليت تفيدينا في معلومات عنها في موضوع الاخت همسة ...
وجزاك الله خير


الساعة الآن 03:17 .