Analysis Services
انا مشاركة في صندوق الامانه في ساب ..ورحت قبل تقريبا 7 شهور كنت ابي اسحب جزء منه ..ماكنت محتاجة بس بغيت استفيد من الزيادة كان سعر الوحدة 25 وانا شاريتها ب 15 يعني مكسب حلو وكنت ببيع النص وقالتلي الموظفة لااااااا احسن لك اذا منتي محتاجة خليها نصيحة ترا الاسهم بترتفع كثير لاتسحبينها وحريصة ماشاء الله كأن الفلوس لها..عاد انا ماعندي سالفة بالاسهم سمعت كلامها ..بعدها بفترة جيت وكان السعر 23 يعني برضوا مكسب حلو وتكرر السيناريو بس مع موظفة ثانيه بالبنك...وكانوا حريصين اني مااسحب شي..يعني مهما ارتفع ينصحوني دايم اتركها>>مدري والله اقول ينصحوني ولا يخدعوني...اللحين سعر الوحدة وصل 15 ريال او يمكن اقل..ومحتاجتهم بس قاعده اقاوم مااسحبهم يعني يوم كانوا جايبيلي مكسب وقدره اتركهم واللحين اسحب والله قهر..مااقول الا حسبي الله عليههم من موظفات المفروض ماتنصح لا ببيع ولا شراء ولا تقعد توسوس براس العميل وهي ماعندها علم اكيد والعلم كله عند الله...الله لا يوفقهن اتوقع لهن مصلحه من هالشي ولا ليش دااااااايما يقولون اتركي لاتسحبي ويجتهدون في النصايح...حسبي الله عليهن حسبي الله عليهن..المفروض الوحدة تسكت وتبري ذمتها مب تتكلم وتورط الناس اللي توهم بادين وماعندهم علم مثلي
20-10-1429 هـ, 05:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعوضك خير يابعدعمري والله حاااسه فيك بس ماكان طااااوعتيهم لا الاولى ولاا الثانيه مهما قدموا لك من نصايح لان هذا الشي علمه عند الله اولاً و ثانياً واتخذتي قرارك بنفسك لان الكل يدور على مصلحتة ومصلحة وظيفتة ها الايااام ولاا يزعلووون مني الموضفاااا ت <<<القصد واضح

الله يعينك حبيبتي ويعوضك خير ياااارب
بس حبيبتي لاااتقولين ...حسبي الله عليهن حسبي الله عليهن.. الافضل يااابعد عمري حسبي الله ونعم الوكيييييل
20-10-1429 هـ, 07:36 صباحاً
 
لاتسمعين نصيحتهم اذا كنت ربحانة راس مالك اسحبيه وانتي وكيفك
فوات ربح ولا الخسارة
20-10-1429 هـ, 11:41 صباحاً
 
حالك احسن من حالي

صندوق الرياض للأسهم 2 قدمت طلبت سحب استثماري بعد خساره في حدود 4000 ريال ولم ينفذ الطلب


والآن اصبحت الخساره أكثر من 50% وبرضه قدمت طلب سحب رصيدي وللآن لم ينفذ

مدري احد قلهم ان اموالنا قدمناها لهم هديه ولاالشغله سرقه عيني عينك

حسبي الله ونعم الوكيل على كل ظالم وآكل حقوق الناس بالباطل
20-10-1429 هـ, 04:26 مساءً
 
يؤؤؤؤؤة

لاحول ولا قوة الا بالله

والله شئ يقهر

الله يعوضك خير عزيزتي ...

والانسان ما يأخذ الا رزقة ...

موفقة
21-10-1429 هـ, 01:44 صباحاً
 


الساعة الآن 03:37 .