للي ( تموت ) كل شهر مرة ( باي باي ألام الدورة الشهرية القاتلة )

الصحة واللياقة



أخواتي والله ما عرفت وين احط موضوعي هذا
بس أتوقع ان هالقسم مناسب له بإذن الله :42:

في الحقيقة أنا مستغربة إن للحين فيه بنات و حريم ( يموتون ) أول ايام الدورة الشهرية؟
يمين بالله اني صرت استغرب يوم اسمع البنات في الجامعة للحين يسولفون في هالموضوع و يشيلون همه و منهم اللي تغيب عشانه يوم و يومين عن المحاضرات و لو جات للجامعة طول اليوم و هي منقعة في العيادة :09:

يمكن لأني تخلصت من هالعذاب من سنييييييين طويلة فصرت احسب ان الناس كلهم مثلي :(

بنات لو فيه كلمة ممكن انها تعبر عن الحالة اللي كنت امر فيها زماااان كل شهر مع الدورة الشهرية أكثر ملامسة للواقع من كلمة ( موت ) كان ما تأخرت بكتابتها !!

لأني بالفعل كنت اموت بدال المرة الف و أجلس اشهق و ألم اسرتي كلها حولي كأني أنازع مو كثر الألم و الغم و الكرب اللي كان يصيبني

ياااااه على ذيك الايام الله لا يعودها .. والله العظيم اني اتذكر حالي و ابكي :( بس الحمد لله على كل حال المؤمن مبتلى و بإذن الله انه كان تكفير لذنوبي

لكن هذا مو معناه اني ما اطلب العلاج و اترك جسمي و روحي رهينة الألم عشان اكسب أجر .. هذا يصير اسمه غباء و تخلف و ربنا يحاسبنا عليه

المهم ما اطول عليكم أنا يا طويلات العمر في مرة من المرات كان يوم عرفة و صادف اول يوم لدورتي هالكلام من قبل 8 سنوات تقريباً اللهم لك الحمد و المنة

وصل فيني الحال من الألم لدرجة ماهي طبيعية صرت اصارخ بكل ما ربي اعطاني من صوت و ابكي بشكل جنوني وامي و خواتي و اخواني كلهم حولي يبكون و هم حاطين في بالهم انه مافي شي ممكن يتقدم لي بهالحالة يعني المفروض انه أمر طبيعي و لكن لما جا والدي من الصلاة و شافني على هالحال قال لأمي لبسيها لازم يكون فيه علاج لهالسالفة مستحيل نترك البنت كذا

و لبستني و شالني اخوي الكبير ربي يحفظه و ودوني الطوارئ و هناك عطوني مسكن و ركبوا لي محلول و كتبولي على اشاعة تلفزيونية و تحاليل لها اول ما لها آخر يقول الطبيب احتمال يكون عندها تكيسات على المبايض

و سويت كل شي و ما طلع عندي شي و لله الحمد و قالوا خلص ما نقدر نسوي لك شي و لا تاخذين اسبرين مسكن لأنه يسبب سيولة في الدم و المشكلة الفيفادول ما كان ينفع معاي ابد و لا ذيك الحبوب الحمرا الشينة اللي كانوا يصرفونها لنا بالمدرسة :(

لكن الشهر اللي بعده جاني ألم اضعاف اضعاف اضعاف اللي قبله قام ابوي اخذني لمستشفى خاص كبير و صادف ان طبيبة النساء و الولادة زوجة صديقة قام شكالها الوضع بكل تفاصيلة
و الله ما انسى جميلها علي طول عمري للحين كل ما تذكرتها دعيت لها بظهر الغيب
هي يومها ركبت لي محلول اختفى معه الامل بشكل نهااااائي و قالت هالشهر خلاص عدى على خير لكن بداية من الشهور الجاية فيه علاج بسييييط بكتب لك اياه لازم تستخدمينه بتعيشين معاه حياة طبيعية 100% و لا عاد بشوف وجهك في المستشفى بعد كده هههه

و كتبت لي على أقماع ( تحاميل شرجية ) اسمها ( فولتارين voltaren 100 mg )

هي علبة زي كذا شكلها بس طبعا الحجم لازم 100 ملجرام



تستعملين تحميلة وحدة فقط كل شهر يجي فيها 5 اقماع و سعرها تقريباً من 18 - 25 ريال ( كل مره اشتريها بسعر مختلف ) :22:

يعني تكفيك لـ خمس شهور بالتمام

والله يا بنات و الله و احلف لكم بعظيم ان يوم الدورة صار يوم عادي مثله مثل اي يوم ثاني لا آلام لا عصبية لا إكتئاب لا غثيان لا فقد شهية .. بل على العكس تحسين نفسك مسترخية جددددداً و في سلام تام مع روحك :42:<<< كوفي عنان على غفلة

أدري بعضكم بيقول صعبة التحاميل مقدر عليها :( لكن والله وجع ثواني و لا موت يوم بأكمله :) .. غمسي التحميلة في شوية زيت و سمي بالرحمن و ما بتحسين بشي بإذن الله .. بتحسين بشوي حرارة لثواني و رغبة عارمة في التبرز و انتم بكرامة لكن اول ما تدخلينها اجلسي .. و كل هالشعور المزعج ما بياخذ ربع دقيقة و اقل .. طبعاً خذيهاأول ما تحسين بنزول الدورة أو على حسب نوع آلامك يعني بعضكم يجيها الامل قبل الدورة و بعضكم اول ما تنزل الدورة .. لو كان الالم قبل الدورة حاولي تاخذين اقماع أم ( 50 ملجرام ) بتجيكي في العلبة 10 حبات خذي قمع قبل الدورة و قمع اول ما تنزل لك الدورة و بيصير المجموع 100 ملجرام

على فكرة انا سألت اكثر من طبيب و طبيبة و جراح و اطباء نساء و ولادة و كل شي و قالوا لي مامنها ضرر لو جلستي تستخدمينها طول العمر بإذن الله دامها اقماع مو حبوب و تعتبر الجرعة بسيطة دامها كل شهر مرة ..لأنها عبارة عن مسكن يهدي تقلصات الرحم اللي تكون سبب في الالم و يهدي الأعصاب

و لا تنسوني من دعواتكم ربي ييسر اموركم يا رب




345
437K

يلزم عليك تسجيل الدخول أولًا لكتابة تعليق.

تسجيل دخول

JOOJAAA
JOOJAAA
جزاك الله خير اختي
الله يعين بناخذها رغم اني خوافه ةاخذ بنادول ورا بعض واكره نفسي لما تجيني الله يصبرنا
جورية الطائف
جورية الطائف
جربيها و بتدعيلي والله العظيم

بس للمعلومية يفضل عدم وضع التحميلة الا بعد عملية التبرز عشان يصير الامتصاص اسرع و يقل الشعور بالرغبة الملحة في التبرز بعد أخذها

لو أخذتوها و انتم تتألمون يعني مثلا ما كان عندكم تحاميل و جاكم الألم و كان قوي في خلال اقل من ساعة واحدة فقط بتختفي جمييييييييييع الألام و الغثيان و الدوخة و بتحسون برغبة في النووووم العميق و بتصحون بشعور كبيييييييييييير بالراحة ( عن تجربة 8 سنوات والله العظيم )


متوفرة في كل الصيدليات و خاصة الكبيرة

و ربي يكون بالعون :)
bnt 511 roq
bnt 511 roq
طيب يا حبيبتي ليش هالتحاميل ما صارت مشهورة عند البنات

كل ما رحنا للمستشفيات صكونا بالابر:16:
روح التوت
روح التوت
تصدقي انك ذكرتيني فيه الله يذكرك بالشهادة
انا ناسيته كنت بالاول اخذ تحاميل لاني اخاف من الابرة
بس مشكلة التحميلة تطفش ربع ساعة والمادة نفسها تسيح ويصير اخراج

يبغالي ارجع لها <<<<<<<<<فقدت الذاكرة ههههههههه

بس الحبوب قوية يعني ماتستخدميها كثير وماتستخدميها على معدة فاضية لازم تكوني واكلة شي


جربت كل الانواع حتى الفوار تبع سولبادين
والحقن الفولتارين ووحدة ضربت لي اياه غلط وللحين اعاني من الالم مكان الابرة وتعقدت

ومازال الالم مستمر
ف صرت اعتمد على بروفين 400 حتبين مرة وحدة كل 4 ساعات او 6 ساعات بعد الاكل
الحلو في التحميلة انه مايتعب المعدة مثل الحبوب

ومشكورة اختي
والحمد لله انك تحسنتي
جورية الطائف
جورية الطائف
اقسم لك بالله يا اختي اني ما ادري
و اني طول هالسنوات عبالي كل اللي يتعبون يستخدمونها
و المشكلة ان محد من بنات عمي و لا خالاتي يتعب مع الدورة عشان كذا ما اضطريت بيوم اعلم عنها احد

بس اللي خلاني استغرب هو بنات الجامعة اللي ما يعرفون عنها و كل يوم و الثاني وحده تغيب و يوم نسالها تقول عندي الدورة و يوم علمتهم عن التحاميل الكل قام يشكرني و كنهم لقوا كنز والله العظيم و فيه بعضهم يقولون اهون عندنا نموت و لا نستخدم تحميلة مع انهم يروحون المستشفى و ينبطون كل شهر و الثاني ابرة شكبرها

صراحة انا اعتبره غباء يعني تحميلة ما يجلس وجعها ثواني و الا ابرة تجلس مغروزة فيك ساعة مع هالمحاليل ؟؟

أسالكم بالله تجربونها و تشووفن صدق كلامي بأنفسكم و اللي متخوفه منها عندها مستشفيات الدنيا كلها خل تسال فيها عن تاثير هالجرعة ( 100 ملجرام ) كل شهر مره عن طريق تحميلة هل لها ضرر ؟ و بتتأكد بنفسها لأني ما خليت و لا بقيت احد ما سالته و الكل طمني يا ربي لك الحمد ..

بنات انا كان بإمكاني ما اهتم للموضوع لكن امس قريت وحده هنا بالقسم منزلة موضوع تقول انها تنجن يوم تجيها الدورة و الكل جا بعدها يقول و انا مثلك ساعتها انا فتحت فمي من استغرابي و قررت انزل لكم تجربتي اللي يشهد عليها ربي انها لها سنيييييييييييييييييييييين طويلة لدرجة اني نسيتها !!

و التجربة خير برهان

:)