انا تعبانه نفسيا" ومصدومه من كلام الدكتور.. وابي مشورتكم

هلا حبيبتي انا اعتقد في ظروفك لازم اللجوء الى التلقيح الصناعي او اطفال انابيب ف لا تضيعي وقت وترى الوقت ثمين ومدام في فرصه وفي حيوان منويه الحين سويها وتوكلى اعلى لله وترى التلقيح الصناعي مو غالي سعره وايد معقول ورخيص واسال الله ان يشفي زوجج ويقر عينج بالحمل السليم الثابت امين

مرحبا أختي ..

أول شي أنا مثلك صار لي في حدود سنة متزوجة وما حصل حمل ..

ثاني شي .. عمليات التلقيح الصناعي والأنابيب الناس ما تخليها إلا آخر الحلول .. بعد نفاذ كل الطرق لحمل طبيعي ..
ما اقول لك انتظري 5 سنوات .. لكن على الأقل بعد سنة .. مناسب للإستعانة بهذه الطرق ..

ثالث شي .. من كلامك الدكتور أسلوبه ما يريح .. وناوي يستغلكم .. لأن أصلا لو تسألين أي واحد بقولك بدرررري على الأنابيب والتلقيح الصناعي ..

واذا تقدرين انتي بعد روحي اعملي فحوصات عشان تتأكدين من سلامتك التامة ..

والله يرزقك ويرزقني بالذرية الصالحة .. ويا رب لا ترد دعاء أي محرومة .. انك إذا أردت شيئا أنا تقول له كن فيكون ..

..دانة الدنيا..

اشكركم على المروووووور ... بس سؤالي هل الحيوانا ت المنويه تقل والحركه تنعدم ... مع انه يعالج ...ولا الدكتور يبيني اسوي الي يقوله وبس...

اختي تبين الحل وماتياسين الزمي الاستغفاااااااااااااااار بكل وقت اقعدي استغفري واكثري من قول لاحول ولا قوة الابالله واذكري الله واتصدقي ذبيحه ووزوعيها على اللي تحسين انهم فعلا محتاجين وخلهم يدعون لكم
واشربي انتي وزوجك موية زمزم بنية ان الله يرزقكم وان شاء الله ماتجي السنه الجاي مثل هذا الوقت الا اطفالنا بااحضانا يارب

ترى في حالات تتعالج وتتحسن وفي حالات لا هذا شي بإيد الله .....ترى هذا دكتور وعارف شغله واذا انتي ما سويتي عنده العمليه في وايد بيسونها وبعدين اهو بوفر عليج الوقت والنطره ترى في بنات وايد في القسم ما فيهم شي ولا ازواجهم في هم شي ولجئو للتلقيح الصناعي وصار حمل المهم انتي شنو تبين تبين تنطرين ولا تسوين العمليه