هلا زيـنـه

إن شاء الله نعين ونعاون ...
بس ياليت تحددين نوع الإستقبال

- إستقبال ولادة ، زواج ، تخرج ..... الخ

وإن شاء الله ما يصير خاطرك إلا طيب ....
13-11-1424 هـ, 08:20 مساءً
 
ام فرح .. هو استقبال زواج .. عروستنا لهم ظرف و ما قدرت تسوي عرس .. فقررت تسوي استقبال الناس تمرها و تبارك و يتعشون و يمشون .. و نبي مثل ما قلت لج الشركات اللي يتعهدون بكل شي .. و عطينا من اللي عندج عشان يصير خاطري طيب .. و شكرا .

همسه .. شكرا على النقل ..و مافي مره ما تحب الفرجه ... لا و الفرجه اللي من هالنوع ..
14-11-1424 هـ, 10:51 صباحاً
 
هلا زينة ...

أول ما خطر لي هم فندق " ميريديان " حاليا ، " Ritz " سابقا ...
عن تجربة جدا رائع وأسعاره معقولة ،،، لكن من ناحية البوفيهات
ما أخذنا كل شي منه ، بعض الأكلات جبناها من بره ( مطاعم أخرى ) والباقي
منه مع الطاولات والكراسي والأطباق ...الخ ...بالنسبة لبوكيهات الورد
فقد جلبناها من محلات أخرى ..

وأعرف وحدة فنانة بعمل بوفيهات مميزة لحفلات الإستقبال ، هي من سكان منطقة
"الروضة " ...إذا تحبين تتعاملين معها ، قولي لي حتى أراسلك على الخاص
وأعطيك أرقامها ... وهذه بعد عن تجربة أطباقها وطريقة ترتيبها للبوفيهات أكثر
من رائع ومميز ... وما أحب أدخل في التفاصيل أكثر حتى ما تصير إعلان

هذا اللي خطر لي ، وإذا تذكرت جهات أخرى سأوافيك بها على الفور ...

بانتظارك
15-11-1424 هـ, 03:04 مساءً
 
هلا يا أم فروحه


ممكن تعطيني رقمها على الخاص الله يعافيك
يمكن أحتاجها

إذا ما عليك كلافه

والله أنا سمعت عن مرة تسوي البوفيهات يعني أكلها غريب ومميز
وترتب البوفيه من ديكور وشموع وغيره وحتى الحمامات وإنتي بكرامة
تسويلها نفس الديكور والتزين إلى للبوفيه والطاولات

فإذا إهي نفس المره فالله يعافيك دزيلي رقمها

ومشكوره ونخدمك بالأفراح يا عزيزتي

15-11-1424 هـ, 07:26 مساءً
 
وحده كول شكرا على المرور ..
ام فرح .. شيكي على الخاص .. و رجاء سرعة الرد .. و اذا في عندج صور لحفلات او من مجلات او تعرفين مجلات فيها هالمجال ارجو ان تساعدينا جزاج الله خير .. و شكرا
18-11-1424 هـ, 03:16 مساءً
 


الساعة الآن 11:19 .