تصرفات ليست من اللباقه ..

صبااح الخير / مسااء الخير

كيفكم يابنات ؟؟؟ يارب الكل بخير
انا اليوم حابه اكتب لكم شغلات كثير يسونها البنات وهما مو منتبهين
انها تعكس على شخصية الوحده انها غير لبقه او ملقوفه و غيرها..
واخطاء صغيره بس في نظر الناس كبيره

مثلاً::::

1- اذا كانت وحده قاعده جنبك وماسكه جوالها ولا شعوريا طليتي فيه او عينك نطت عليه وشافت.... مو عيب ؟؟؟؟ هذي اكثر الحركات الي تقهرني من البنات لما اكتب مسج او اشوف شي بالجوال لازم في راس غير راسي يطل بالجوال ... والله عيب تراها لقافه كبري مخك شويا الناس لها خصوصيات
ولا اذا قفلت مين اللي اتصل ولا ايش السالفه بلاشي لقافه ايش حتستفيدي لما تعرفي..

2- انتي وحده تحبين الدلع والفرفشه وعادي تحطين العلكه وتتمشين فيها قدام خلق الله وما عليك رجل او امرأه ولا تهتمين بالناس ايش راح تقول مو مشكله احنا سكتنا وقلنا انتي بكيفك
لكن تقعدين تطقين العلك بصوت وتسوين بالونه ليش ؟؟؟ على بالك انك لساتك صغيره عمرك 4او 5سنوات ؟؟
والله في ناس من كثر ما يطقون العلك بصوت ما تقدري تركزي بالي تسويه
على بالهم دلع ........ لا خيره الله بالدلع اذا كان كذا




3- تتكلمين بالجوال , مو مشكله الجوال انصنع عشان الواحد يقضي اموره وهو في مكانه ,, ليش الكلام بصوت مرتفع تسمعين الرايح والجاي ,, لازم يعرفون انك تحكي مع امك ؟؟ لازم يعرفون انك توصين الخدامه على غرفتك ؟؟ لازم يعرفون ان امك متصله تتطمن عليك وتحاتيك؟؟ لازم يعرفون ان صديقتك مادري شفيها ؟؟؟لازم يعرفو انك متخاصمه انتي وزوجك؟؟
من الاتكيت الحديث بصوت واطي ومو بس لباقه هذي الا نوع من انواع النعومه والرقه الي لازم تكون بالانثى ...


وكمان صوت رنة الجوال العاليه يعني لازم تسمعي الكل بنغمة جوالك وتسوي قلق
................
4- قاعده بامتحان تحلين ومندمجه مو مشكله الله يوفقك ويسهل عليك ليش تشتتين فكر الناس ؟؟ تهزين برجلك هز وكانه مصيبه صايره
فكري بالي وراك قاعده والي قاعدين حولك يبغو يركزو عيب الواحد ما يفكر الا براحته ولا يفكر براحه الناس انا اعتبرها قمه الانانيه
ممكن تكون لا شعوريه بس هالمره انتبهي .......

5-اذا كنتي مع صحباتك تفطور وسوالف بليز لاتتكلمي وانتي تاكلي حتى لو السالفه شدتك وفي شي ضروري مايتحمل تاجليه ابلعي الاكل وتكلمي وماتخلي الكل يشوفو محتويات لقمتك يعني شي مقرف ومو من الباقه ابد ..تطيري سعابيلك في وجه اللي حولك..


واذا كنتي تاكلي ماتكلي كانك مفجوعه او ماتعرفي الاكل كولي شويا شويا اولاً حتى مايطيح الاكل على ثيابك وتتوسخ وثانيا حتى ماتتعب معدتك من الاكل السريع
وثالثا الاكل البطيء بس مو لدرجة تكوني نينجا من الذوق والاتكيت.

لما تشربي العصير بالمزاز او تاكلي حاولي قد ماتقدري ماتطلعي صوت وتقرفي اللي حواليك..



6- قاعده تاكلي ومندمجه وتسولفي
طيب خلي عندك منديل مسحي فيها فمك لازم الاكل سايح والجبن دار مدار فمك وانتي ما تدري والناس تطالع ؟؟؟
او قدام زوجك لازم يقولك مسحيه وتتفشلي ؟؟؟

7- الهديه وما ادراكم ما الهديه هذي اتكيتها يطول
احد جاب لك هديه عندك منها او عندك شي يشبهها ما يحتاج تقولي لو في وجهه قولي شكرا وانتي ساكته لازم تفشلي صاحب الهديه ؟؟
راح تهدي لاحد يعني لازم تخلي السعر هاااا شوفو انا ما اشتري الا الغالي وتسوي نفسك ناسيه ؟؟ طيب شيليه مو مهم السعر المهم المعنى
هديتي لاحد هديه وما علق ويا كثر ما تصير لازم تسألي عن رايو فيها ؟؟؟ مو لازم ..يبغي يعلق والا بكيفه المهم انها وصلت عيب تسالي اشرايك وايش شعورك وهل عجبك اللون او لا ؟؟

ولو فرضنا انك شريتي هديه لوحده من صحباتك ساعه او شنطه ولبستها مو تروحي تحكي هذي اللي انا اهديتها لها هذا مو من اللباقه ابد..

الهديه لو راح نشرحها ما راح نخلص يطول الشرح فيها ...

8- كل انسان يمرض واللهم لا اعتراض ,,, وكل انسان لابد ان تصيبه افلونزا او زكام
ليش تعطسي في وجه الناس بدون ما تغطي فمك ؟؟؟؟
ليش لما تطلعي الي بانفك تحطي المنديل وبصوت عالي طوط طوط طوط ؟؟؟؟
حاولي تسوينها خفيفه يعني كلما زاد الصوت كلما زادت الانوثه ؟؟؟<<هههه
وربي مرا كنت بالمحاضره ووحده مسكينه الله يشفيها طول المحاضره طوط طوط
بجد اقرفتنا وماقدرنا نركز مع الدكتور ...
باختصار حتى وانتي مريضه لازم يكون عندك لباقه واتكيت ؟؟

9- لما تكوني مشغوله ومستعجله مو لازم الكل يعرف انك مستعجله وتمشي بسرعه
ولا تهتمي بالناس اللي تمشي ومن كثر السرعه تدفي هذي ولا تصدمي في هذي
بتضطر انك تتاسفي ويمكن تنقلب معركه بعدين ..ايش بيجيك لما تمشي باتزان
ترا الدنيا مو طايره..
10- لما تكونو جمعة بنات وسوالف لا تقاطعي اللي تتكلم وتفرضي رايك عليها
بعصبيه عشان رايك مخالف لرايها او وحده قالت سالفه وانتي سمعتيها من قبل لا تقطعيها وتقولي ايوى سمعتها من قبل وتروحي تكملي ...انتي كذا تسببي لها احراج من غير ماتنتبهي..
.....................
آسفه على الاطاله بس هذي اخطاء صغيره كثير من البنات ماينتبهو لها وتترك انطباع عند الناس انك غير لبقه وكل وحده فينا تتطمح انها تكون ذوق وانيقه ولبقه ........
وهذا شي طبيعي في كل انثى... حلو كثير انو احنا نهتم بمشاعر الاخرين
حتى لو حصل الخطا مراا نحاول نطور ونغير من انفسنا للافضل ..
وانا كتبت كل اللي جاء في بالي واللي عندو اضافه لا يحرمنا منها ومنكم نستفيد..

م ن ق و ل

من واقع حياتنا

اطيب الامنيات***