السلام عليكم
شخباركم
بنات ساعدوني ابي مساعده منكم ولاتردوني اذا ما عليكم امر
اول الي عنده تحميل كتاب اطباق النخبه لايبخل علينا مره شفتها في احد المنتديات
وولا حملته ويوم ثاتي بحمله ضعيت المنتدى ياليت تعرفه تعطيني

بنات ابي اصير طباخه كل ماجربت شي صار فاشل
مثل البارحه سويت كباب وبروستد صار الكباب ماله طعم ولاذوق والبروستد مش ناضج

سويت كبه البرغل وعند القلي تنتفت صار اتعبي غلى الفضي


ياربي تعبت من التجارب ابي منكم
طريقه اسياخ الكباب
وكبه البرغل اشلون نعالج التفتت

وكمان للبروستد
واخيرا
وابي جميع طرق طبخ الزز
مثل المكبوس الكويتي والبرياني والكبسه

وشكرا لكم

حبيبتي فيه اطباق كثيره موجوده هنا بإمكانك تقرين بدقه وتستفيدين
لا اله الا الله
هذا المشكله انا جربت بعض الاطباق ورميتها اختربت
وشكرا لردك
اقتباس مشاركة  (اكليل الخليج)
السلام عليكم
شخباركم
بنات ساعدوني ابي مساعده منكم ولاتردوني اذا ما عليكم امر
اول الي عنده تحميل كتاب اطباق النخبه لايبخل علينا مره شفتها في احد المنتديات
وولا حملته ويوم ثاتي بحمله ضعيت المنتدى ياليت تعرفه تعطيني

بنات ابي اصير طباخه كل ماجربت شي صار فاشل
مثل البارحه سويت كباب وبروستد صار الكباب ماله طعم ولاذوق والبروستد مش ناضج

سويت كبه البرغل وعند القلي تنتفت صار اتعبي غلى الفضي


ياربي تعبت من التجارب ابي منكم
طريقه اسياخ الكباب
وكبه البرغل اشلون نعالج التفتت

وكمان للبروستد
واخيرا
وابي جميع طرق طبخ الزز
مثل المكبوس الكويتي والبرياني والكبسه

وشكرا لكم
وعليكم السلام ورحمة الله وبكاته
اختي رعاك الله
صاحبة الكتاب ام عبد العزيز لا تحلل من ينزله في النت لذلك مانقدر نساعدك من هالناحيه الا اذا تبين طبق معين ان شاء الله مانقصر معك
واذا تبغين تعلمين الاخت حجابي عفافي ترحب بك اخت معها ومع مجموعة اخوات يتعلمن الطبخ
http://forum.hawaaworld.com/showthread.php?t=1052024

الحجة قائمة حتى قيام الساعة
من أرادت العفاف تقرأ سورة النور يوجد بها
خطاب رباني يطلب منا تطبيقه حفظاً على أعراضنا.


أختي المسلمة
حافظي على حيائك وحشمتك لإنها سبب من أسباب
دخول الجنة .
حيائك بستر جسدك بالباس الساتر.
حجابك غطاء وجهك عن الرجال وعدم إبداء زينتك
من خلال النقاب .



لاسياخ الكباب اختاري لحم فرش مو مثلج وخلي معاه بعض الشحم عند الفرم وحطي بصل مفروم ناعم وكثري منه مع ملح بس.
وعند الشوي لا تخلينه يطول .
كبة البرغل ما اسويها بس حاولي تفرمين اللحم مع البرغل اكثر من مره بالفرامه عشان تصير عجينه متماسكه
ودايما باى نوع كبه لما تخلصين الخلطه سوي حبه وحده واقليها بالزيت عشان تشوفين ضبطت ولا لا

المجبوس الكويتي له طريقتين وحده للحم والثانيه للدجاج

اللحم
قطع كبار لحم بعد الغسل والتنظيف توضع بجدر فيه ماء على النار ويترك لحين الغلي .
نبدا نرفع طبقة الزفر من وجه الماء الى ان يختفي تماما ويصبح ماء اللحم صافي.
(احيانا بعض انواع اللحم تسبب سواد الماء فمجرد يبدا يغلي نتخلص من الماء ونضع ماء ثاني فوق اللحم للسلق).
نضع بصله كبيره مقطعه وبهارات كامله مثل القرفه والهيل والمسماروورق الغار ونضيف الملح.
ويغطي الجدر ويترك على نار هادئه حتي يستوي الحم ..........
اغسلي الرز ونقعيه بالماء.........نقعي ملعقه متوسطه زعفران في نص كوب ماي دافي
ارفعي قطع اللحم بعد ماتستوي من ماء السلق
في جدر ثاني على النار ضعي سمن او زيت نباتي مع زبده ولو في اللحم شحم شيلي بعضه وحطيه فوق السمن او الزيت وخليه يدوب حطي هيل ومسمار كامل وقلبيه شوي .......
صفي الرز من ماي النقع حطيه عالسمن والبهارات.
ضيفي ماء السلق مع مراعاة وضع مصفاة لمنع نزول بصل السلق والبهارات الاولى .
حسب نوع الرز لو بسمتي مثل انديا جيت لكل كوب رز قيسي كوب وربع ماء السلق
خليه على نار عاليه شوي وبعدها وطي النار وغطي الجدر لحد ماينشف الماي
صبي ربع مقدار الزعفران المنقوع على الرز سكري عليه بالقصدير وغطى الجدر ووطي النار حيل وخليه.
امسحي بيدك قطع اللحم بباقي الزعفران المنقوع وممكن تقلينه بزيت ساخن اوتحطينه بالفرن يتحمر

الحشو
انقعي زبيب في ماء دافي
حمري صنوبر على النار بزيت قليل وممكن بدونه وانتبهي لانه بسرعه يحترق
بصله مقطعه صغار توضع بمقلاة بدون زيت على النار
وتقلب حتى تبدا تتحمر وتلصق بالمقلى نضيف ماء شويه حتى تاخد لون المقلى
نضيف بهارات ناعمه مخلوطه ملعقة سمنه اوزيت نباتي وقلبي واخير اضيفي الزبيب والصنوبر وارفعيه من النار
ضيفي الحشو للرز وحطيه بزاويه الجدر عشان ترفعينه بسهوله وقت التقديم
عند التقديم اولا تشيلين الحشو بصحن وتبدين ترفعين الرز المصبوغ بالزعفران واخلطيه مع الحشو
قلبي الرز بشويش بالجدر وحطيه بصحن التقديم حطي طبقة من الحشو المخلوط بالرز المصبوغ بالزعفران واخر شي قطع اللحم

الدجاج
بجدر تحطين زيت نباتي وبصله مفرومه وثوم مدقوق تبلي الدجاجه من داخل ببهارات ناعمه وحطيها فوق البصل
قلبيها شوي وضيفي بهارات كامله مثل الهيل والقرفه والمسماروقلبي
ضيفي الماءحتى يغطي الدجاجه وحطي الملح وغطي الجدر لحد ماتستوي الدجاجه .
اتبعي نفس طريقة اللحم بعد مايستوي بس الدجاجة ما تمسح بزعفران ممكن تضيفين الزعفران المنقوع للرز فقط
الدجاجه امسحيها بعد ماتبرد بمعجون طماط مدوب بشوية ماي وشويه بهارات ناعمه واقليها بزيت ساخن
الاثنين يقدم معهم دقوس الطماط وهو عباره عن

دقوس الطماط.
3 حبات طماط بالخلاط مع كوب ماء وفصين ثوم
بجدر عالنار حطي زيت نباتي ومعجون طماط ومكعب ماجي خضار وقلبيه
ضيفي الطماط المفروم وقلبيه وحطي شوي ملح
خليه على نار هاديه لنص ساعة ممكن الماي يقل و يحتاج ماء زياده زيدي شوي
وقدميه مع المجبوس وبالعافيه .و
اي سؤال انا حاضره
اللهم اني اسالك باسمك الاعظم الذي اذا دعيت به اجبت واذا سالت به اعطيت ان تيسر لي حملا صحيحا سليما بذكر صالح سليم معافى هاديا ومهتديا اخا وعضيدا لوحيدي ربي دعوناك كما امرتنا........ اللهم استجب كما وعدتنا
اللهم مغفرتك وعفوك ورضاك والجنه


الساعة الآن 03:00 .