السلام عليكم
حبيت انكم تشاركونن فرحتي <<<<مو مصدقه للحين :icon28:
اول شي خلوني اقولكم وش كنت اعاني منه
سالفتي ياطويلات العمر اني كنت اعاني من تأخر الدورة الشهرية
ماعمرها انتظمت واذا انتظمت شهررين ثم تخبص
المهم
ماخليت دكتورة ولااخصائية الا وتسدحت عندها وكل دكتورة تقول كلام غير شكل
مرة هرمونات
مرة تكيس مبايض
مرة غدة درقية
وجربنا بهالعلاجات
ومامن فايدتن تذكر
:icon33:
لين تحطمت وقلت بصرها جعلها مانتظمت وش علي منها:mad:
بس ثنتين منهن قالوا لي نقصي وزنس لان زيادة الوزن هي الي مسببه لتس الخربطة
عاد محسوبتكم ضربت بكلامهن عرض الحائط:44:
مير حضرتي بعدين قلت خلن ابدى بالدايت ونسيت سالفة الدورة وانتظامها
كنت ابي اسوي الدايت لنفسي انا ابي انحف مليت من الكرشة والشحوم المتدودله
كانت وزني 83
همن صار 76
يعني نحفت بس 7 كيلووو
المهم
شهر شهبان جتن
ورمضان
وشوال
:icon28:
وتأكدت ان نقصان الوزن بالفعل كان له اثر في انتظام الدورة معي وماكتشفت هالشي الا هالشهر هذا ياربي لك الحمد
كنت فاقده الامل وربي انها تنتظم
لدرجة اني كنت اقول يمكن فيني المرض الخبيث برحمي<<<عليها تفكير ووسواس اوب صاحي
عاد اللي تعاني مثلي ياليت تستفيد من هالتجربة لان فيه اشياء غافلينن عنها وماندري انها مسببتن لنا المشاكل
تحياتي لكن :)
يلزم عليك تسجيل الدخول أولًا لكتابة تعليق.
مبروووووووووووووووووووووووووك حياتو ويارب توصلي للوزن المثالي وترتاحي من الشحوم المتدودله خخخخخخخخخخخ
هلا فيكم اخواتي
والله يباارك فيكم
سفينة حائرة ريجيمي تخفيف اكل وشاي اخضر مع رياضة المشي بس مامشي دايم حسب اوقات
والله يباارك فيكم
سفينة حائرة ريجيمي تخفيف اكل وشاي اخضر مع رياضة المشي بس مامشي دايم حسب اوقات
الصفحة الأخيرة
وللامام ان شاالله توصلي للوزن المثالي