هلا اختي خليه يروح لسوق القيصريه داخل في الهفوف ويسأل عن محلات ابو جباره أو القطان ويشتري حصاد هالسنه احسن
واضيفي له عند الطبخ ماش لأنه زين للظهر واذا تبغين طريقته بالضبط ردي علي
على فكره هو بعد زين للرجيم وصحي
انا لازم في الاسبوع مرتين وحببت زوجي فيه مع العلم عمره ما اكله بس انهبل عليه لانه خفيف على المعده لو تاكلين الصحن كله

وتقومين بالسلامه

مشكورات حبايبي الله لايحرمني منكم وياليت يااخت مجده طريقتة ماعليك كلافة ويجعلة في ميزان حسناتك
حسبي الله ونعم الوكيل
الا بذكر الله تطمئن القلوب
معليش ثقلت عليكم بس ابغى اعرف هو ينباع بالكيلو والا بالكيس زي ابو كاس مثلا فية 5 ك و10 ك وكم سعرة عشان اذا كان غالي احول لاخوي الفلوس ولا اكلف عليه مسيكين كفاية يدورلي علية
حسبي الله ونعم الوكيل
الرز ينباع بالكيلو احيانا يكون الكيلو ب 18 واحيانا يوصل ب22 ريال
وتراه سبحان الله فيه بركه لانه يكثر مثل الجريش
طريقته تحمسين لك بصلة وحبتين طماط مع اللحم وملحك وبهاراتك عادي مثل حمسك للرز بس لاتحطين ليمون اسود لانه ينهري ويطلع طعم مر حطي عليه 2 ملعقه معجون طماط"""""""" ترى انا احيانا ما احب اللحم اكتفي فقط بالخضار وازيد بطاطس يطلع روعه"""
وتضيفين الخضار من كل نوع حبه كوسا جزر وكثري شوي الفاصوليا يطلع طعمه خيال
وبعدين ضيفي ماء مثل ماءك العادي وضيفي الرز بعد غسله مضبوط ؟؟؟ وترى مقاس الرز لك ولعيالك مثلا انا والعائله 6 اشخاص يكون مقداري الرز كأس جبن بوك الطويل والماش كاس جبن صفير والماش تكونين منقعته بساعتين تقريبا وضيفيه على الرز سوى
اهم شي انك تطبخينه بقدر الضغط يجلس فقط ساعه الاربع اهم شي الخمس عشر دقيقه الاولي خليه مطول عليه الين تسمعين الصافره اشتغلت بقوه بعدين وطي عليه مرررره لانه سريع الاحتراق لو طولتي عليه
ملالالالالالالالالالالاحظه لالازم يكون الماء اكثر من الرز تقريبا شبر
وترى ا ذا فتحتيه بتلاحظين كل المروق فوق لا تتسرعين ووتحركينه اخذي شي من المرق وخليه عل جنب اذا شفتيه ناشف كثير ردي المرق واذا كان سيولته كويسه يعني اخف من الجريش يكون كذا مضبوط
واذا جيتى تاكلينه حطي عليه شوي سمنه

وعليك بالف الف عافيه واتمنى يكون شرحي واضح واي استفسار ابشري من عيوني



الساعة الآن 01:41 .