يابنات وش رايك احب استشيركم في هالمشروع
فيه مغسلة ملابس للبيع في حي الروضة في شارع رئيسي قيمتها 140الف ودخلها الشهري 12الف ريال
وفيه عامل سيرلانكي
سؤالي وش رايك بمغسلة الملابس تحسون فيها ربح زين
وبعدين فيه احد جرب هالطريقة انكم تأجرون المحل او اي مشروع على العامل وهو اللي يديره وانتم لكم ارباح او قيمة الاجار في نهاية الشهر ..
تكفون ابغى تجاربكم ولكم جزيل الشكر
واللي حابة تشاركني فيها ترسلي عللى الخاص ..
24-10-1429 هـ, 10:18 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المغاسل سوقها ماشي بالتوفيق اختي..
24-10-1429 هـ, 11:01 مساءً
 
زميل اخوي عنده مغسلة وعطاها للعمال يشتغلون عليها ونهاية كل شهر يعطونه مبلغ على ما اعتقد 5000 وما شاء ا لله هم كمان يربحون منها لأنهم استخدموا خدمة التوصيل للمنازل ... ممكن يشوفون سكن العزاب ويعرضون عليهم هذه الفكرة غنهم يرحون لين عندهم وياخذون الغسيل ويغسلونه ويكوونه ويرجعونه لأصحابه بدون ما يتعب صاحب الملابس ... واغلب العزاب يفضلون هذا الأمر

وبالتوفيق
25-10-1429 هـ, 01:53 صباحاً
 
الله يوفقك
25-10-1429 هـ, 03:01 صباحاً
 
أي مشروع يربح في مكان ويخفق في آخر

وللنجاح والإخفاق أسباب

أنت ادرسي مشروعك بكل دقة قبل لا تقدمين عليه واستخيري

شوفي صاحبها ليه باعها؟ممكن خسران فيها وممكن لا ربحان بس الظروف حدته

وممكن ما ربح لأخطاء فيه هو مش في المشروع نفسه أو العمالة تسرقه

أغلب المشاريع الناجحة يكون أصحابها يديرونها بأنفسهم لأن الغير لن يكون حريصا وأمينا على مالك مثلك

فمن وجهة نظري تأجرينها عليهم أحسن واسأل مجرب لأن زوجي خسر لأن العامل ما يفوتر كل الخدمات اللي يقدمها - بشهادة أهل الحي - واللي بدون فاتورة بيكون له طبعا زيادة عالراتب وصار مدخولها ما يغطي مصروفها فبعناها لناس فاضين لها ولا أدري وش صار معهم

إذا صلح المكان والجودة عالية فهي تدخل ذهب بالذات في العيد

أتمنى لك التوفيق
25-10-1429 هـ, 07:52 صباحاً
 


الساعة الآن 07:17 .