اروح السوق ادور وادور والفه عشرين لفه وبالاخير مااعرف وش اللي يناسبني

هلا حبيبتي

شوفي التسوق اولا يبغاله تروحين وانتي مروقه وشبعانه

ثاني شي عادي لو كتوفك عريضه مايشترط تلبسين شي خاص السوق فيه اشياء كثيره تناسبك انتي بس شوفي وش تحبين تلبسين؟ يعني اي نوع سبورت او كلاسيك او عادي اوكاجوال
بعدها شوفي الالوان الي تحبينها وتحسين انها تناسب لونك بعدها اختار وطقمي اللي تبين ترا مو شرط شي ماركه وغالي اهم شي الذوق
ثالث شي اذا تعبتي مو عارفه وش تشرين خذي وحده من صديقاتك او خواتك تختار معك
والله يوفقك يارب

مشكوره ياقلبي

بس انا بغيت اعرف الموديلات بالظبط اللي تناسب

وانا مو اي شئ يناسبني احياا اختااار واخذهم بس لمن البسهم تطلع شئ ثااني :(

عشان كذا بغيت موديلات خااااصه بنوعية جسمي العريض من فوق



:) مشكوره على المرور يالغلا

هلا قلبي . .

اممم شوفي نوعي بملابسك يعني لاتتقيدين تحت ستايل واحد .. بس بالجامعه خليك كشخه ورسمي بس زيدي عليه شي يسكر حدة هالشي فهمتي علي ..

او اذا تحبين خليه سبور بس بنفس الوقت شيك يعني امزجي بالالوان شي بسيط يطلعك روعه ..

اممم انا عن نفسي اموت باللبس الغريب واسوي عليه حركات وكذا اذا انتي مثلي .

تقدرين مثلاً تشترين بلوزه سوداء وسيعه مو شرط ضيقه وفتحتها من قدام واسعه وحطي تحتها بودي اصفر او فوشي او اورنج اي لون والعبي بالاكسسوار مو شرط اللبس بيطلع كشخه واذا حطيتي البدي اصفر راحت موضة حطي الشوز او السلبر وانتم بكرامه نفس اللون اوكي صح انه حلو بس لو تأخذ من الوان الاكسسوار يكون احلى يعني ملون لان كلنا ندور حول سالفه وحده الاكسسوار يناسب مع البدي فالبدي يناسب مع الشوز وانتم بكرامه ,,

جربي البسي البلايز اللي تجي ساده من قدام ومفتوحه من ورا وحطي بدي . . ابعدي عن الماسك من عند الكتوف ..

ولا تخلين شي يقيدك ثقتك هي اهم شي .. وامممم وش بعد تقدرين تشترين تي شيرت عاتي وتلبسين تحته تي شيرت يمشي معه اللون عارفه بتقولين يا قدمك بس رجعوا لها.. وفيه بعد البلايز اللي تجي فتحة يدها واسعها مره هذي تطلع حلوه اتوقع . .

وحبيبتي تاكد انه الواحد بنفسه يحلي لبسه .. اممم هذا راي < - - كثرت كلام

اتمنى فدتك لو بشي بسيط واي سؤال انا حاظره . .

دمتي بحب ..

ايييييي صح ذكرت هههههه < - -ما يخلص حكيها اممم تقدرين تلبسين بلوزه ساده اي لون وتركيبن شال خفيف ونعوم يطلع شكلك وشيك وجونااان بعد .

بالنسبة للجزء العريض فوق اخذي بلايز تجي على مقاسك ماتكون ماسكة او ضيقة وكذلك الاكمام
وواخذي بلايز لف اللي تربط على جنب والبلوزة تكون طويلة شوي تحت الخصر وماتكون وسيعة عند الطرف
واذا تاخذين شي فيع خطوط اخذي خطوط عمودية
وقصة البلايز يفضل اللي على شكل 7
والتنانير اخذي قصات مستقيمة وابعدي عن القصات الوسيعة بالاسفل
وهذا اللي اقدر اقولك عليه بحكم انك ماقلتي عن طولك
وان شاءالله البنات يفيدونك

اهلين اختي انا انصحك انو ماتاخذي البلايز الضيقه لانها تبين الفرق بين الكتوف والخصر خذي البلايز الضيقه على الصدر و واسعه من تحته اللي زي الامبير حق الحوامل هاذي طالعه خذيها قطنيه خفيفه بما انها للجامعه بس ماتكون واسعه مره يعني شويه تكون نص كم وتلبسي تحتها بلوزه ضيقه اكمامها طويله وانتي بدعي بألوانك اللي تحبيها والبسي سلاسل طويله وكثيره ملونه عشان تلفتي الانظار لها عن اللي تبغي تخفيه والبسي تنوره جينز ضيقه مو واسعه اسفه طولت عليكي بس هذا رأيي اتمنى اكون افدتك