السلام عليكم

حبايبي الحلوين كيف حالكم ان شاء تمام

في يوم من الايام قعدت افكر وش اسوي غداء وش اسوي غداء

اشتهيت برجر

قلت يابنت ليش ماتجربين تسوين البرجر بنفسك خلينا نخترع ونتفشخر قدام بعلي


المهم قمت للفريزر وطلعت دجاج مفروم

فرمت بصل مع نصف حبة طماطم وفلفل بارد وبقدونس مع شوي شبت وخليت الفرم ناعم

خلطتهم مع الدجاج وتبلتهم ببابريكا وبهارات ايطالية مع شوي ملح وثوم بودرة



بعدين سويت منهم دوائر وحطيت بين كل دائرتين شريحة جبن قشقوان وكببتهم على بعض

( بس حاولوا تصغرون الحجم شوي لان طلع عريض معي )

طلعت الشواية وشويتهم







عاد تحملوني ترى الصور كثيرة
اثناء الشوي جهزت الاشياء اللي راح احتاجه للبرجر



3 انواع من الجبن مقطع شرايح
واللي هم قشقوان وشرايح جبن المراعي وشرايح تشيدر الاصفر



وبنفس الوقت جهزت شرايح طماطم وخس مع مخلل خيار ومخلل فلفل

وبالنسبة لي افضل مخلل فلفل هذا النوع

وايضا لاننسى الكتشب والمايو
بالنسبة للخبز قطعت الخبز الى شريحتيت ووضعت على كل قطعة شريحة زبدة ووضعته بالفرن بعد مافتحته من فوق علشان تتحمر وتطلع تقرمش من برا وهشه من جوا





بعد ماجهز البرجر حطيت شرايح الجبن على قطع الدجاج وهي في الشواية عشان تذوب




وبعدها سويت البرجر وقدمته لبعلي العزيز




وهذا شكله لماقطعته بالنص


مع عصير شمام بالتوت الطايفي





ومحل مايسري يمري

اتمنى تعجبكم طريقتي مثل مااعجبت زوجي بس يقول لي لو كان البرجر لحم يكون افضل

تحياتي لكم
بآآآآآآين عليه طيب

تسلم الايادي


الساعة الآن 08:30 .