السلام عليكم
من منكم تعرف طريقة عمل القدرة الخليلية ؟ ارجو منها ان تكتبها لي و التي تعمل في طنجرة فخار

اللهم استودعتك ابني يا رب فرحني فيه و اشوفه احسن الناس

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يم يم انا اكلتها عند صحبات اخت زوجي طعمها بجنن بس للاسف ما بعرف اطبخها
***** الله الصبايا يعطونا الطريقه وتعزميني عليها ok
أهلين بفلسطين بنات فلسطين
ستات بيوت واخوات رجال
يا ريت الاخوات يفيدوك
تصدقي اول مرة اسمع فيها لهالطبخة
استغفر الله العظيم
انا باعرف اكلة بس ماباعرف اذا هاي الي بتقصديها كمان بنقولها قدرة وحسب علمي هيك بتنعمل اول شي بتسلقى اللحم وبتخلي المرقة وبعدين بتجيبي الرز المغسول وبتحطيله بهاراتمشكلة عصفر اوكركم بعدين بتقطي بصل جوانح وثوم حب وبتقلبيهم بزيت وبتضيفي حمص حب مسلوق بعدين بتخلطي معهم الرز المبهر وفي وعاء فخار بتحطي شوية من الرز في القاع بعدين اللححمة المسلوقة ثم غطيها بباقي الرز المبهر مع البصل ولثوم والحمص الحب ثم اغمري ارز بالمرقة بكمية مناسبة وغطي القدر بقصدير ودخليه الفرن على نار وسط وبعدين على نار هادية ولم ستوي يقلب في وعاء التقديم ويزين باللوز والصنوبر المقلي وبالهنا وخبريني اذا هاي هي الاكلة اللي قصدتيها
الاخت الكريمة ..miss music .. والاخوات المحترمات .. حياكم الله


طبعا طريقة الاخت salma baby طريقة صحيحة .. ولكن انا راح اعطيكِ طريقتي اللي

بعملها على الغاز ومش بالفرن ..

المقادير ..

لحمة خروف
حمص مسلوق
رز منقوع
ثومة مقشرة
بهارات للرز ..مثل جوزة الطيب ..قرفة ..حب هال ..بهار حلو
سمنة بلدية

تتميز القدرة الخليلية بطعم السمن البلدي الغالب عليها ...

الطريقة
تسلقي اللحمة لحد النضج مع اضافة البهارات والبصل ..علشان تعطي نكهة طيبة للحمة

بعد ذلك .. نضع نضع الارز والحمص والثوم والبهارات في جاط ويخلطوا جيدا

نضع في طنجرة السمن البلدي على النار ثم نضع اللحمة ..نقليها شوي بعد ذلك

نضع خلطة الارز ونغمرها بماء سلق اللحمة بعد تصفيتها ونتركها على النار حتى تبدأ بالغليان

لما تجف الماء عن الارز شوي نخفف النار عليها ونتركها حتى ينضج تماما ..

ثم يقلب على سدر ويزين باللوز المقلي ..والى جانبه اللبن والسلطة
والف صحة وعافية

هذه القدرة اللي بتنعمل في البيت .. في القدرة اللي بتعمل في المخابز

ويتم طبخها على نار الفرن .. بتكون لها نكهة خاصة لانه طريقة استوائها بتكون بتختلف عن البيت .

بس احنا دائما بنعملها في البيت وبتكون لذيذة وطيبة ..

جربيها والف صحة وعافية

الاخت الليل والخيل .. الله يحيي اصلك ..كلامك جميل اسعدني ..يسعدك دنيا واخرة


الساعة الآن 02:56 .