صراحه بعطي طريقة حلى اسويه لي ((15 )) وللان اسويه وكل اهلي واقاربي يطلبوني اسويه لهم في اي مناسبه لانه بكل صراحه يواجه شكل وطعم وانا ودي انزله لكم لان مااعرف طريقة تنزيل الصور وانت وكيفك جربيه وذوقيه بعدين وديه للالمان
((التوفيه))
المقادير للصينه الوسط واذا بتسوين صينيه كبيره تسوين الضعف
2كاس حليب بودره محموس ولازم الحمسه تكون غامقه مو فاتحه ولا (( محروقه )) حلو المصطلح (الكاس كاس جبنة المراعي الطويل)
3بيضات
نصف كاس سكر
اصبع زبدة المراعي الطويل
ملعقه صغيره فانيلا
نصف ملعقه صغيره بكنج بودر
بسكوت شاي (اولكر او اي نوع مشابه له )
لعمل التوفي:
نصف كاس سكر
علبة قشطه
الطريقه:
ضعي في الخلاط البيض والسكر والفانيلا واخلطيه مع بعض وهو يخلط ذوبي على النار اصبع الزبده وضعيه على الخليط وضعي عليه البيكنج بودر
ضعي الحليب المحموس في اناء وضعي عليه الخليط اخلطيه بالمضرب اليدوي وضعي عليه نصف فنجال الشاي ماءواخلطي
ادهني الصينيه وضعي عليها نصف الخلطه ورصي بسكوت الشاي فوقها وضعي النصف الثاني ودخليها الفرن من تحت يدووب من 10الى 15دقيقه بعدين ولعي عليها من فوق الى ان تحمر شوي وقفلي النار وخليها تبرد دخليها الثلاجه لام لما ينحط عليها التوفي تكون بارده
اعملي التوفي : ذوبي السكر على النار الى ان يصير كراميل غامق مو فاتح وضعي عليه القشطه وقلبيه بسرعه وضعيه على الصينيه اللى سويتيها ودخليها الثلاجه الى ان يبرد التوفي وقطعيها مربعات صغيره
وبالهنا والعافيه وياريت تستفيدين منها ترى طعم وشكل ولا في الخيال وقوليلي رايك
ضعي سوسرول بالشكولاته على قوالب البلسه قطع صغيره وبعدين في الخلاط جبن كيري وحليب نستله وصبيها على الكيك وضعي شكولاته هيرشي الي مثل الدمعه ودخليها الفرن دقائق
شوفي هذا يمكن يعجبك مقاديره سهله والشكل روعه
http://forum.hawaaworld.com/showthread.php?t=1422581
حبيبتي والله اني حزنت عليك وتفاعلت معك عندي تعاطف مع المغتربات شديد مع اني ماقد جربت الغربه .. وهذا دلوي ابدلي به وان شاء الله افيدك اعملي كيكه كميه قليله في صينيه مسطحه بحيث يجي سمك الكيكه رفيع وقطعيها بالكوب دوائر متعدده وممكن تجيبي كيك جاهز اللي يجي مستطبل مل خبز التوست وقطعيه شرائح بعرض واحرسم ثم قصي كل شريحه بالكوب وجيبي بسكوت مدور مثل ماري يكون بسكوت شاي طبعا واعملي خلطه كريمه معتمده من ابداعك بالشوكلاته وبلي البسكوت بحليب سائل او ماءعشان ما يكون قاسي وقت الاكل ولزقيه بالكيك بواسطة الكريمه وصبي عليه نفس الكريمه حتى يتغطى تماما وزينيه بكيفك وخليه يبررد حلو وقت التوزيع وشكله جميل كنه جاهز وكميته مناسبه حيث ان الاجانب ما يكثرون من اكل الحلا مثلنا .. الله يوفقك ويعينك عالغربه واي حلا من اللي في موضوعك تعتمديه وتروحين عندهم فيه صوريه لنا وقولي لنل ردة فعلهم عليه ..
لا إله الا الله وحده لا شريك له.. له الملك وله الحمد يحي ويميت .. له ملكوت كل شئ.. وهو على كل شئ قدير.
اللهم صلي على محمد وعلى آله وصحبه أجمعين.
سوي خلية المارس والله مررررره حلوه وراقيه اذا ما عندك الطريقه رديلي خبر لاني الان مشغوله






الساعة الآن 05:02 .