ورق عنب جاهز حطيه بصحنين طوال..
كبه جاهزه اقليها وحطيها بصحنين طوال..
سوي البيتزا البيضاء:
قطعي التوست دوائر بالبياله وصفيه بصينيه فرن وحطي عليه ملعقه من هالخلطه:
علبه قشطه -3ملاعق كبيره جبن سائل في الخلاط طبعاً
وحطي فطر وفلفل رومي وزيتون على كل دواره ودخليه الفرن يتحمر من تحت وفوق..
سوي رولات المرتديلا:
توست افرديه بالفراده حقت العجين وحطي عليه مسحه مايونيز وشريحه مرتديلا وشريحه جبن ولفيه زي الرول واربطيه بعود كراث
خخخخخخخخخ والله حلو لاتستهبليني
جيبي الخبز المفرو الصغار حق رمضان واحشيه بقطعه فلافل وشوي بيض مسلوق وخس وحطي عليه شوي من صوص الطحينه
طحينه وشوي زبادي وثوم
كم صار عندك 5 اطباق تكفي صح..؟
وسوي ترمس فيه مويه مغليه وجيبي مغلفات كابتشينو ونسكافيه وشاي وشاي بالحليب ومكعبات سكر وكاسات ورق وملاعق بلاستك للتحريك والي تشتهي شي تحطه بكاسها..
حاولت ابعد عن الأكلات الي تبيلها وقت..
لماكنت ادرس وكان علي الفطور كنت ادور الشي السريع
لاتنسيني من دعائك
28-10-1429 هـ, 05:49 مساءً
 
هلا عزيزتي

ممكن تسوين عجينة العشر دقايق او اي عجيبنه تضبطينها وضاعفي الكمية المعتاده وسوي منها كذا صنف
كروسان جبن وتشوكلت
فطاير لبنة بالعسل وساده
جبن مالح مع بقدونس \جبن كرافت \جبن سايل
اقماع تونه
بيتزا صغار وزعتر ممكن تسوين كيكة الجبن بالزعتر تحصلينها في المنتدى
تحصلين معجنات الوان واشكال ممكن تستفيدين ويوم تبحثين بتحتارين صدقيني
ممكن تسوين حلى سنبون \ رولات شكولا \ او سكر\ او دونات صغر
ممكن تسوين ميني سينبون وميني دونات وتفنني في التصليح
28-10-1429 هـ, 06:52 مساءً
 
- سوي سلطه فواكه
- او اعواد الفواكه يكون جاهز من البيت و شكلها حلووووو و مرتب
مثلا كل عود حطي فيه فراوله و شريحه موز و كيوي و عنبه خضرا و حمرا
- مناقيش جبن و زعتر و لحم بعجين
- صمون الي عليه سمسم و حطي فيه مرتديلا و خيار مخلل لذيذ
- خبز باراتا لذييييييييذ

ولا تنسيني من دعائك
28-10-1429 هـ, 06:55 مساءً
 
تارت البيتزا

http://forum.hawaaworld.com/showthread.php?t=1340897

لذيذ وغريب وان شاء الله راح يعجبهم

وممكن سيسرول بالفلافل
اطحني فلافل مع طماطم ومخلل وبقدونس وطحينه سايله وزبادي وليمون
حطيهم كلهم بالخلاط لين ينعمون
بعدين جيبي توست وشيلي اطرافه وافرديه بالنشابه ووزعي عليه الحشو ولفيه بشكل رول
وبعدين قطعيه وممكن يتوكل بارد مافي مشكله
وسوي كلوب ساندويتش بس بدون بيض
28-10-1429 هـ, 07:11 مساءً
 
في سلطه البنات يسوونها عندنا في الدوام
تجنننننننن


المقادير:

جبنة المراعي (ملح أقل)
طماط مكعبات صغيره
خيار مكعبات صغيرة وممكن تقشرين الخيار لو تحبين
وممكن تضيفين فلفل أخضر بارد وجزر مقطعين مربعات صغييييييييييييييييييره
زيت زيتون

اهرسي الجبن بالشوكه وضيفي له باقي المقادير ما عدا زيت الزيتون

حطي السلطه في صينية التقديم وصبي عليها شوية زيت زيتون
وقدميها ويا خبز


ممكن تسوين سندويشات صغيره بيض وطماط (الشكشوكه) أو فول معلب تهرسينه وتسخينه في التاويه وضيفي له
شويه زيت زيتون وشطه
28-10-1429 هـ, 07:56 مساءً
 


الساعة الآن 04:37 .