السلام عليكم مثل ماهو مش باين من العنوان <<< ههههه

الخميس الجاي دوامنا يخلص 3 الظهر.. وصديقاتي في العمل 2 حيجيو معايا البيت.. وفكرت اننا نطبخ غدا مع بعض وناكل ونتفرج تلفزيون.. ونعمل حلا...

طيب من آخر الهرجة...
ايش تنصحو نطبخ.. احنا مننا في البيت حيكون بس 3 وحابه انزل نهاية الأسبوع هادا اجيب الاغراض..
بس السؤال هو ايش نطبخ.. وبما ان واحدة من البنات ماتعرف تطبخ.. ابغى بالمرة اعلمها الطبخ..

يعني اعطوني منيو أكل نطبخه مع حلا.. واشياء ممكن نجيبها من بره..

وبالمرة .. افكار عشان تكون الجلسة حلوة..

على فكرة .. الجلسة مرررررره فرندلي.. مافيها ابداً رسميات.. دولا صحباتي للسنين وسنين اشوفهم كل يوم اكثر من ما أشوف زوجي وامي وابوي...

الله الله بالردود الي ترد الروح

تحياتي للجميع

اهلين حبيبتي

طيب عطينا فكره عن اللي في راسك عشان نقدر نساعدك

يعني مثلا تبغو يومها رز ولا مكرونه ؟؟

حلا ثلاجه ولا فرن ؟؟
[center][



اتصور انكن بتحتاجن وجبات ما تحتاج وقت طويل

سوي عيش مصري بالشعيرية

حمري كرات اللحم المفروم (ممكن مثلجه أو فرش)

حمري شوية بصل وثوم وضيفي بعدين فلفل أسود وبعدين ضيفي طماط مفروم صغااااااااااااا ااااار وخليه لين
ما يستوي على نار اعلى عن الهاديه (لين ما ينفصل الزيت عن الطماط)ضيفي بعدين صلصة طماط وقلبي شويه
وضيفي ماجي و ماي (اذا تحبين المرقه غليظه لا تضيفين وايد) وبعدين ضيفي عليه كرات اللحم المحمره وخليها تطبخ شويه وقدمي

وممكن بدال كرات اللحم تستخدمين الكبة المثلجه وممكن بدال العيش تقدمين معكرونه


ممكن اجنحة دياي تكونين مجهزتنها من الليل (تنقعينها في ليمون وفلفل اسود وصويا صوص وثوم) وفي يوم العزيمه تحمرينها في الزيت، ما تحتاج وقت طويل

واذا تحبن المجبوس، ممكن تسون مجبوس ربيان مكعبات دياي (صدور دياي قطعيها وبهريها وضيفي لها ملح وخليها في الثلاجه من الليل) واذا تحبن مجبوس دياي قطع كبار او لحم، تقدرين تسوين المجبوس اليوم السابق ويوم العزيمه تضيفين العيش


وساااااااااااام حيني ما عندي أفكار عن الحلا
ليش ما تسأليهم ؟؟

أتوقع مهم سؤالهم يبون غذاء ثقيل سمك لحم دجاج أم خفيف

لكني أنصحك ما تضيعي الجلسة في الطبخ و النفخ حضري كل شيء من قبل ثم هم يساعدونك بتركيب الغذاء و الحلا و إن شاء الله ينبسطون عندك
و سلامتكم

يالله فرج همي يالله و هم المسلمين


ربي اغفر للمسلمين والمسلمات والمؤمنين والمؤمنات الاحياء منهم والاموات
زي ما قالوا البنات احسن شئ تحضرين الاشياء من قبل عشان الشغل يكون سهل وما يروح وقتكم بالمطبخ

ممكن تسوي سنبوسه من الليل وتحطيها بالثلاجه باللحم وبالجبن
وصينية معكرونه
وصينية منتو الكذاب
وارز بالخضار

والحلا صلحي شئ سريع
مثلا كيكة الشكولاه وبعدين قطعيها وسوي كاسترد وكل قطعه خليها بصحن وصبي عليها كاسترد وعليها فستق
وقدميه مع كابتشينو


الساعة الآن 11:20 .