السلام عليكم ورحمه الله وبركاته
اخواتي العزيزات انا ساكنه في الدمام وبعد يومين بروح الرياض اتمشى بس خمس ايام وابغي التساعدوني وين تنصحوني اروح وين اسكن امكن نظيفه وسعرها مناسب المحلات للملابس النسائيه والاطفال المطاعم وابغي اسواق حلوه واسعاره مش غاليه وابي محلات الاناره مثل الابجورات والاناره الداخليه سوق الجمله وين حقها وشكرين لكم

اهلا وسهلا بالصراحه الرياض كبيره وسكنك حسب الحي فيه العليا والتخصصيى اكثر المحلات الراقيهفيهم من سكن وفنادق واسواق
انا سكنت مره بشقق اسمها الفرسان بحي الروضه كانت حلوه
اما الاسواق فيه صحارى وسبلاش وهوم سنتر والعثيم مول ومركز الناصر ومذر كير وفيه اسواق شعبيه مثل العويس والمعيقليه
المطاعم لايفوتك مطعم الدلفين يقدم بوفيه عشاء يوم الخميس وغداء يوم الجمعه
انا الحين مشغوله بس راجعتلك ***** الله
مشكوره يابعد قلبي على ها المعلومات

لاكن ماتدرين وين حراج بن قاسم أوأي سوق فيه أكسسوارات كهربائيه واناره داخليه للبيت وين القاه؟؟ لاكن كم سعر الشقه اللي اجرتيها؟؟ وش فيها من خدمات حلوه عشان اروح فيها !!!
ليدي 2001 ازيدك من الشعر بيت مطعم دلفين قفل وبعدين حرام عليك تخلينها تسكن بالروضع بعيده الروضع

بما اننك جايه بس 5 ايام وبتتمشين اسكني بالشمال يعني بحي العليا وطقته

عند الاسواق روحي اول شئ للملكه والفيصليه(بلاهم هم الوحيدين اللي يواجهون عندنا )
وعندك صحارى وصحارى بلاززا
وعندك العليا مول
اذا تبين رايي اسكني في اوتيل اذا كنتوا مو كثار يعني مو شرط اقولك تسكنين في المملكه او الفيصليه لا اسكني في الهولدي ان الجديد اللي في الملك فهد او اي اوتيل ثاني
وبالنسبه للشقق المفروشه لاني من الرباض طبعا ماقد احتجت اسكن فيهم بس فيه بودل للشقق المفروشه اقراهه دايما بشارع العليا العام قبال الفيصليه الظاهر شكله حلو
وفيه بطريق العليا كثير شقق مفروشه حلوه
وقد سمعت البنات هنا بالمنتدى يمدحون الخليوي وفيه الجنادريه سويتس اقراها بعد
يعني بين طريق الملك فهد واعليا العام كلها شقق مفروشه
بعدين المعيقليه والديره هي الاسواق الشغبيه واسواق الجمله وهي وسط الديره زي ما يسمونها


****لله اكون افدتك واي شئ تامري فيه انا مستعده
هلا اختي وحياك عندنا..........

انا فهمت انك تبين محلات اكسسوار اضاءة وافياش وثريات..يعني محلات متخصصة

بالانارة..وتكون اسعارهم رخيصة او معقولة..اذا كان هذا قصدك..

عندك طريق خالد بن الوليد "انكاس" في الروضة..هذا تلقين فيه صففففففه..

وعندك شارع الكهربا "هو مو كذا اسمه بس مشهور فيه" في الملز...

هذولا اللي اعرف عندهم اشياء متخصصة ورخيصة...

اما الابجورات فصراحة مدري وين تلقين رخيص..جربي تروحين سيتي سنتر...

او العويس..او طيبة خاصة المحلات الخلفية اللي بجهة العليا العام.....

واذا تبغين شارع يحوي لك الابجورات السنعة " بس مو رخيصة " عندك الملك عبدالعزيز

الجهة بين صحارى وحي الورود....

هذا اللي عندي والله يسهل لك....................


الساعة الآن 03:08 .