السلام عليكم بنوتات حواء
يوم السبت بيفطر عندي اصدقاء زوجي وابيها غريبه مو شكشوكه اومقلي اوعيون ولاتقولون لاتحطين بيض لا ابي احطه منوع مرررررررررررررر ررررررررررره جارتي سوت بيض مانساه بصينيه قزاز مدوره ومعاه بصل حلقات وفلفل رومي حلقات كانه مطبوخ بالفرن طبعا سويت زيها بس ماطلع وانا مااخذت طريقتها استحي منها الي عندها طريقه غريبه وحلوه تحطها هنا ربي يسعد قلبها

الا بذكر الله تطمئن القلوب
يسعد قلبك ياعبايه وينور دربك
ايييييييييييه اعرفها هذي امي تسويها لنا دايم نسميها صينية بيض بالخضار


طريقتها انك تقصصين الخضار وتحطينه بالصينيه البايركس


الخضار هو فلفل رومي وطماطم وبصل لازم تكون حلقات رفيعه مو عريضه

بعدين تصفينهم بالصينيه وترشين عليهم ملح وفلفل اسود وطبعا تحطين عليهم شوي زيت


بعدين امي تكسر البيض عل الخضار كم بيضه على حسب الكميه الي تحبين بس يفضل ماتكثرين حبات البيض والصينيه صغيره عشان مايصير عريض وعشان تضمنين انه يستوي

وبعد ماتكسرين البيض تحطين الصينيه على النار من فوق
وتخلينها تطبخ شوي يعني تقريبا 3 دقايق او خمس دقايق


وبعدين تدخلينها بالفرن وتشغلين النار عليها بس من فوق ويكون واطي مو عالي وتنتبهين عليها

ماتاخذ وقت طبعا


وبس .. وبالعافيه يارب
عندي طريقه ثانيه من اختراعي

انا اسويها ساندوتشات بخبز البرجر او بالبريد


اولا اجيب طماط _ فلفل رومي _ بصل _ نعناع جاف مطحون _ فلفل حار مطحون _ وفلفل اسود وملح والبيض طبعا انا اسويه ساندوتشات يعني بكل ساندوتش احط بيضه



اقصص الخضار لقطع صغيره مره وناعمه شبه مفرومه

بعدين اخلط البيضه واضيف لها شوي من الخضار من كل نوع شوي وبعدين اضيف الفللف والنعناع والفلفل الحار

واسويها مثل العجه بمقلاه صغيره احط البيض واخليه لين يستوي بعدين اقلبه على الجهه الثانيه لين يستوي

بعدين ادهن الساندوتش بالجبن السائل وبعدين احط عليه قرص البيض

وصحتين وعافيه

وهذي الصوره هنا



والي يحب الكاتشب او المايونيز او الشطه الحاره ممكن تضيفينها بعد ومرات اضيف لها قطع خيار او خس على حسب الرغبه و ممكن مع شريحة جبن تشيدر

وهنا من قريب



وتراها مشبعه


الساعة الآن 08:02 .