لكل من طلب برنامج العنايه الخاص ب ((( سحب اللون _ التمليس ))) وبالتوووفيق مقدما ..

السلام عليكم ورحمة الله وبركاتة ,,

حبيباتي وخواتي الغاليات وربي اااااسفه جدا اني تاخرت بالرد عليكم لكن والله اني طحت مريضة صخونه وكحة وصداع الله لايوريكم .. الحمد الله على كل حال .. اخواتي فضلت احط موضوعي بعنوان جديد عشان الاخوات مايتعبون ويشوفه الكل ..والله تضايقت يوم فتحت الموضوع وشفت استفسارات وردود كثيره ولا كملت اقراها بسرعه جيت اكتب لكم الموضوع .. سامحوني واي سؤال انا حاضره لكم ..

((( تذكري شعرك مهما صار له من كوارث سواء تمليس او سحب لون او صبغ او اي مادة كيمائية بيرجع لطبيعته بس لاتيأسيين اعتبريها فتره وبتروووووح بأذن الواحد الاحد .. ))) نتوكل على الله ونسمي بالرحمن ونبدأ ..

* الجدول بالتفصيل الممل :

1- انسي السشوار قدر المستطااااع في هذي الفتره .. اناقعدت اكثر من شهر ماسشورة ابدا ابدا لانه شعري كان يذوب و يتنتف بيدي بدون اي مبالغه بالاضااافه الى التسااااقط الرهيب.

2 - لازم تروحين لدكتور يعالج شعرك هذي اهم خطوة لبنات قطر انا رحت للدكتور فهد الباكر وصف لي الاتي :

- شامبو خاص - كريم شعر اسمة Lactocerat - حبوب سيلكا اوكي - وبخاخ ريجين .. وللامانه ماستخدمت الا الحبوب ولبخاخ بس الشامبو والكريم استخدمتهم كم مره فقط .

3- لازم تتركين شعرك كم يوم يزيت طبيعي خاصة بعد اي كارثه سواء تمليس او سحب لون اوصبغ او هاي لايت او اي مادة كيمائية دمرت شعرك .. خلي شعرك يزيت من زيته الطبيعي ( حتى لو حسيتي انه مدهن كثيررر) وبعدين اغسلية برقة متناهيه وشامبو خفيف وجففيه بلطف.. وبعدين حطي فيه زيت اوكريم ثقيل ( هذي المرحلة هامه جدا جدا انك ماتغسلينة يوميا فقط مره بالاسبوع ) انا كنت احط زيت سمسم او اي خلطة زيوت او كريم بانتين اي كريم ترتاحين له.. وهذي الفتره كوني رقيقه جدا مع شعرك وحذره جدا لانه يذوب من الكيماويات ويتساقط ولاتخافين لو شفتي الوسادة والسرير مليان شعر فتره وبتعدي من حياتك .

ملاحظه هامه :
( لااااااااازم تقصين الشعر التالف اقل شي الاطراف كل اسبوعين مهم جدا لانه كله شعر ميت وذايب ).

4- استخدمت برنامج العنايه الاتي اللي بالرابط جدا جدا جدا ممتاااااااااااااااااااااااااز ولله الحمد وهذا البرنامج هو اللي رجع شعري مع الحبوب والبخاخ مش لانه برنامجي لا والله بس فعلا من خبرتي انصحكم فية مع باقي النصايح

http://forum.hawaaworld.com/showthread.php?t=811548


5- استخدمت بعض هذي الاشياء بعد من ردود حبيباتي وخواتي بنات عالم حواء الله لايحرمني منهم يااااااااارب فديتهم والله كلهم .. احطها لكم :

قناع اللبن الزبادي مع العسل يعطي حيوية للشعر ولمعان، دوامي عليه مع عمل حمامات زيت(زيت الخروع أو السمسم.......) وإن شاء الله تكون النتيجة مرضية.
وان كان التساقط مستمر وبدرجة غير طبيعية حاولي أن تذهبي لأخصائية الجلدية.
الله يسعدك ويمتعك بشعر وصحة وعافية من أحسن ما يمكن.

***********************************

أنا حاسه فيك
وحدة أعرفها صار لها مثلك بعدين
قصت أطراف شعرها التالف وقامت بالاعتناء فيه بالزيوت الطبيعة( زيت جوز الهند ) وحمامات الزيت (فاشكول )
والحمد لله بعد فترة طال شعرها ورجع مثل أول
إحمدي الله على كل حال
اصبري ان الله مع الصابرين
وتوكلي على الله
ولاتنسين الدعاء

**********************************

نصيحه مني جربي السدر مع الزبادي وزيت زيتون والله وصفه ممتااااازه للتساقط وحتلاحظي بنفسك


***********************************
الله يعوضك احسن من اللي راح ...عزيزتي عليكي بالخلطات زيت زيتون مع الجرجير +بيض+زيت خروع+سدر مطحون ...وسوي نفس الخلطة مع الحنا على الاقل ثلاث مرات بالاسبوع ...و زيت الزيتون

+الخروع +زيت الحية +زيت النارجين الاخضر القديم.. روووووعة بس اهم شي الاستمرار .


**********************************

انصحك ابتعدي عن الاستشوار خلا ل هذه الفترة ..

الاعتناااااااااااااء ثم الاعتناااااااااااااء يزيد في النماااااااااااااء ..

أعتني فيه حبيبتي من الحين بزيوت يوووووووووووومياً عرفتي كيف يومياً ...
صيري هنديه الزيت ماينقطع عن راسك واي نوع من التغذيه والعناية سويه لا تروحين تدورين خلطات تكثر خلطات تطول دوري خلطات تغذي اهم شيء التغذيه وراح يرجع لك شعرك زي اول ويمكن أحسن من اول ...

والله يوفقك يالغالية ويرجع لك شعرك .. حبيبتي ريحي نفسك وثقي ان الله رح يرجعلك شعرك زي اول إذا اعتنيتي فيه .......


**********************************


كيفك حنونه من حظك اليوم قاعده أسوي بحث عن فيتامينات الجمال ولقيتلك قصة وحده صارلها نفس قصتك وتقول بعد شهر تحسن شعرها مع انه الكثييير قالوا ماراح يرجع بكتبلك قصتها00

طبعا وأنا أبحث لكم عن الفيتامينات المهمة للجسم ونضارته وقعت عيني على أسم هالفتامينات تمدحها صاحبتها وتقول أنها سوت تمليس لشعرها وأنعدم وكادت أن تصيبها سكته قلبية من القهر وأستخدمت هالفتمينات مع زيت دابرأملا وبعد شهرمع أن الكوفيرة قالت ماراح يرجع شعرها صحي نبت شعرها وتحسن كثيييييييييييييير وتقول وصل لنص ظهرها يابنات فحبيت أكتبلكم أسم هالفتمينات اللي مدحتها صاحبة الموضوع الأساسي جزاها الله خير تقول أسمها (ULTRA HAIR )
المهم جربيها وبأذن الله تلقين معاها الحل أختي الله يعطيك شعر يسر الناضرين يارب 00
انا صار لي كذا يمكن من 3 سنين
3/4 شعري كان احترق
المهم اعتنيت فيه عناية مكثفة
حبوب - اكل صحي - زيوت - امبولات ( حنة بعد مرور سنة ) يمكن سويتها كم مرة بس لاني بفكر اصبغ ) ( ما بتعلم من غلطي بس ربنا يستر ان شاء الله )
كنت كل يوم اسوي شيء و اغسل شعري بشامبو يا اما مخلوط معاة زيت ( خروع - زعتر - لافندر ) بنسب معينة او شامبو مخلوط معاة بيضة او شامبو مخلوط معاه جيلي


********************************


بنت خالتي احترق شعرها مو من صبغه الا من فرددد وش اقوى من الفرد..

لدرجه وهي تستشور او تتسبح شعرها يتفتفت ويطيح...

تدرين وش سوووت ورجع شعرها في اقل من شهرين احلا من اول..

زيت الحيه وتلقينه عند العطارين وزيت السمسم ..

كل يوم تستخدم وااحد تحطه ودلك الفرووه خمس دقايق وبعدين فوطه حاره وتخليه ساعتين ..

والله ماكذب عليك شعرها الحين يجنننننن..

الله يرجع شعرك مثل اول واحسسسن ****لله بس اهم شي العزيمه ولا تيأسين...


******************************

كانت هذي ردود بنات الحلال الله يجبر بخاطرهم ويستر عليهم فديتهم والتزمت بالنصايح مو كلها الاغلب ووالحمد الله تحسن شعري كثير .. والحين شعري احسن كثيرررررر..

6- اهم شي تتوكلين على الله ولاتتعب نفسيتك هذا مهم جدا والله والله يابنات اني كنت ابكي من شعري يوم اشوفه يذوب بيدي وسريري مليان شعر .. لكن ارجع واحتسب امري عند رب العالمين ومن فضل ربي رجع مثل اول مشاااء الله ولاحول ولاقوة الا بالله والفال لكم كلكم ياااارب ..وابشركم رجعت اصبغه بعد بس في البيت او عند وحدة ثقه ..

واي سوال انا حااااااااااضره تامرون امر..:27: