السلام عليكم

كيفكم ياحلويين

البرد جاء والحنيني عليه طلب كتير >>>>زوجي وبناتي

وكل مااسوي طريقه ماتعجبهم ابغوه لين والتمر كتير ومدر ايش وكل مررره شي

فااالله يخليكم ابغا طريقة الحنيني الاصلي

او على قولتهم طريقة اهل الرياض ولا مين اهل الاحنييني


ساعدوني الله يخليكم
‏إن كنت في الصلاة فأحفظ قلبك‎
‏وان كنت في مجالس الناس فأحفظ لسانك‎
‏وان كنت في بيوت الناس فأحفظ بصرك‎
‏وان كنت على الطعام فأحفظ معدتك‎
اثنان لاتذكرهما أبدا إساءة الناس لك‎ وإحسانك إلى الناس‎
واثنان لا تنساهما أبدا الله عز وجل والدار الآخرة‎
عندي طريقة اللي في الفرن مره حلو اذا تبغين قول لي وادورها
(رب اجعلني مقيم الصلاة ومن ذريتي *ربي تقبل دعائي)
أحنا نسويه بالقرصان أسهل و هذي طريقه الوالده الله يحفظها
جيبي قرصان ودقيه لين يصير ناعم
وتكوننين حاطه تمر الأفضل (خلاص أو سكري ) بدون فصم في مويا شويه علشان يلين بعدين اهرسيه
بعدين اخلطي الكل مع بعض في قدر وجيبي زبدا مذوبه وسقيه وحطيه عالنار وأبدأي قلبي وسقي بالزبدا لين مايغدي زي البسكويت المفتت مع الزبدا وتطلع ريحه حلووووه وطعم شئ...
يقدم ساخن ويسقى بالزبدا....
وفيه ناس يحطون عليه شرايح ليمون بس ماعمرنا سويناها ...

وللأسف أمي نايمه الحين ولا جبت لك المقادير مظبوطه....



سبحان الله وبحمده

عدد خلقه ورضا نفسه وزنة عرشه ومداد كلماته
السلام عليكم..يسعد صباحك بالورود..
عندي طريقة حنيني اخذتها من كتاب نخبة الأطباق..
ومره وحده جربتها وطلعت لذيذه..
المقادير::
3 كاسات دقيق بر
تمر منزوع النوى(من كأس الى كأس ونصف وذلك حسب ذوقك)
ماء للعجن
ذرة ملح
نصف كأس ذوبه(زبده مطبوخه)


الطريقه::
يعجن (الدقيق البر +الملح+الماء)تصير معك عجينه لينه
شبه سائله بس ثقيله..
تحمى الصاجه ونبداء في ترصيع الخبز اقراص ويكون قطر القرص شبر تقريبا
ويحمر من الوجهين..
تجمع الأقراص ثم تقطع وتخلط مع التمر ويصب عليها بعض الذوبه
ثم تطحن في طاحونة اللحم بالتناوب مع التمر
اهم حاجه ماتطحنينها في خلاط الكأس لأنها راح تتعجن في بعض..
يوضع في قدر على النار ويوضع عليه باقي الذوبه وتترك على النار الهادئه جدا مع التحريك
من وقت لأخر لمدة نصف ساعه..

ملاحظه::
اذا تم وضع 3تمرات داخل كل قرص بحجم الكف المبسوطه وطحن به
فأن حلاه يكون موزون...
وبالعافيه..




سبحان الله وبحمده سبحان الله العظيم
الا بذكر الله تطمئن القلوب


الساعة الآن 12:17 .