انا بسافر الشهر الجاي المانيا ويمكن اقعد اسبوعين او 3
المهم اني ماعرف اطبخ بالمرة ولا حتى رز...لاني عايشة معا اهل زوجي وام زوجي ماتبي حد يدخل المطبخ..قبل كنا انا وزوجي ناكل من المطاعم في السفر بس الحين معاي ولدي ومعناها اني لازم اطبخ ..لو سمحتوا ابي وصفات سهله للرز والمكرونة وحتى السندويشات( مابيها تكلف وتاخذ وقت طويل وشغل)
احسن شي ادخلي على دليل الطبخ وراح تلقين كل اللي تبين
مرحبا الغاليه ..

بعطيج طريقتي الجديده في تحضير المعكرونه .. سهله و لذيذه .. << --- من اختراعي ..


المقادير :

بصله وحده مقطعه مكعبات أو مفرومه ..

حبتين طماطم .. مكعبات أو مفرومه ..

نص باقة كزبره مفرومه ..

3 فصوص ثوم مدقوق ..

1 أو 2 فلفل أخضر حار << -- ممكن تستغنين عنه ..

3 أو 4 ملاعق طعام زبادي ..

ملعقه طعام جبن سائل ..

ملعقتين صغار معجون طماطم ..

شويه من كل البهارات التاليه على حسب ذوقك ( ملح + قرفه مطحونه + كمون مطحون ) ..



الطريقه :

أحمس البصل بزيت زيتون و شوية زبده .. اضيف له الفلفل و الثوم .. احركه شوي ..

اضيف الطماطم و البهارات .. احركه شوي و اضيف الكزبره .. اتركه على النار حتى يذبل الطماطم ..

اضيف معجون الطماطم و احركه .. اضيف الزبادي و احركه .. اضيف الجبن و احركه عدل ..

أخيرا اضيف المعكرونه المسلوقه .. و احركه حتى يتجانس مع الخليط ..

اقدمه مع جبنة البارميزان ..



*************************************

بالنسبه للرز ..

ابدأي بالرز الأبيض .. و بعدها تفنني في بعض الإضافات له بعد ما تتقنينه ..

الرز الأبيض ..

بعد ما تغسلي الرز 4 أو 5 غسلات .. انقعيه في الماء لمدة ربع ساعه ..

صفيه من الماء و ضعيه في قدر الطهي ..

كل كاس رز يحتاج كاس و نص ماء .. غطيه و ضعيه على نار هاديه حتى ينشف الماء ..


و ممكن تقطعين جزر على شكل عيدان صغيره و فاصوليا خضراء و تحمسينها في شوية زيت زيتون أو تسلقينها .. و بعد ما ينضج الرز تضيفينها معاه عند التقديم ..


***********************************



و إذا حابه بكمل لج ..


<<---- لما تكون يوعانه تتفنن في المطبخ و تخترع وصفات ..


الساعة الآن 08:35 .