السلام عليكم ورحمه الله وبركاته ..

..

الي يعزمون صديقاتهم دايم عزيمه عشاء يعني وش يقدمون لهم وكيف تكون الجلسه رسميه ولا عادي

دخت بأفكاري

وش اقدم لهم لاني ما اعرف شئ بالتقديم من حلا وعشاء
اعتبروني سنه اولى بهالشغله يعني لا تقولون الي معتاد والله ما اعرف
وشكرا جزيلا لكم
05-11-1429 هـ, 09:28 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبي حسب عدد اللي جايين لو قليلين كافي بالاول عصير ولما يكمل العدد قدمي حلو القهوة مع القهوه .......استراحه وسوالف وقدمي العشا خفايف بصحون كبيره تدور عليهم وكل وحده قدامها صحن صغير تاخد اللي تبي او انك تحطين طاوله جانبيه موشرط كشخة حتى لونايلون وغطيها بمفرش حلو طويل وانثري ورود مجففه بين الاطباق ووزعي عليهااطباق كبيره بالخفايف وهي معجنات ورق عنب انواع من الكبب والسمبوسه ويقدم معاه الشاي او المشروبات الغازيه
ولو العدد كبير ابدئي بنفس الطريقه بس العشا قدمي زيادةاطباق رئيسيه اثنين او ثلاثة ونوعين سلطه
وبالاخير الحلو البارد اما تقطعينه وتوزعينه او تحطينه بزاوية طاولة البوفيه ........
ووسعي صدرك واستانسي وكلما كنت مرتاحه ومو متكلفه بتكون القعده حلوة وونيسه.....موفقه يالغاليه
05-11-1429 هـ, 11:11 مساءً
 
يالطوف يا حبيبتي
لييييييييييييه ما تشوفين سفر بنات المنتدى
وخذي وتعلمي من طرقهم وبالذات وهم منزلين صور بكذا
وعندك أقرب شي الأخت زيتونه 500 ما شاء الله عليها
تنسيق في تقديم القهوة واحلا اللي معاه
والشاي ايضا وكل شي ماشاء الله تبارك الله
والله أني مازدت سناعة الا من هذا العالم
عسى الله لا يحرمنا منه ولا من الغاليات اللي يبهروني كل يوم بشي جديد
ودمتم بود و محبة
05-11-1429 هـ, 11:20 مساءً
 
الله يجزاكم خير تسلمون والله

تقريبا العدد قليل اربعه بنات

فريت بالمنتدى حسيتها كلها رسميه ابي شئ سيمبل
06-11-1429 هـ, 12:09 صباحاً
 
شوفي انا كذا مع صديقاتي وانتي اعلم وحده بصديقاتك :

اول شيء عصير .. أو كبتشينو

ولما يكتمل العدد .. قهوة وحلا

والعشاء بنفس جلستنا بس أحط بطاولة جانبية بوفية صغيرووون نغرف ونرجع لنفس الجلسة اريح واقل كلافة وتحسسينهم مافي رسميه

العشاء الغالب : ورق عنب - تبولة - مقالي - معجنات - بيبي شاورما وبيبي برجر ........الخ
مع مشروبات غازية .. وأحيانا لما اصير رايقة احط حلا عشاء

وبـــــــس ..
06-11-1429 هـ, 12:34 صباحاً
 


الساعة الآن 12:13 .