اللي ولدت من قريب في مستشفى المملكه بالرياض تدخل الله يجزاها خير//قديم

اولا الولاده تساهيل من رب العالمين والله يسهل لك ولادتك وولادة كل حامل والكلام اللي بقوله لكي من باب الأمانه وربي الشاهد على كل كلمه بقولها ..انا رحت على اساس انها افضل شي وعلى حسابي بس انصدمت فيهم بالمررررررررررررة ..

انا ولدت عندهم بس مو من قريب لا من 3 سنين تقريبا بس الخدمه زفت التعامل زفت النظافه زفت الأخلاق تجاريه بس لهف فلوس ..غرفهم تخرع مو مستوى المملكه والفلوس اللي يلهفونها منك مقدما ..فيه منهم كويسات بس القله علشان ما أظلم احد بس برضوا مو على المستوى المطلوب ..
وكنت طالبه دكتورتي وما جتني الا بالأخير ع الخياطه والدكتوره ما عليها كلام فاطمه عسيري بس هي طلعت من زمان من عندهم راحت مركز افنيو وقبلها بالتخصصي الطبي ..

مابي اخوفك بس هذي الحقيقه ..

على فكرة سمعت انها الحين اسوأ من قبل 3 سنين واتمنى باقي البنات يفيدونك ..

والله يهون عليك ويقومك بالسلامه ..

الله يقومك بالسلامه يارب
ويسهل امرك ويكتب لك الي فيه الخير

عني انا عزيزتي مستشفى رعاية الرياض(التامينات سابقن)اناوالده عندهم مرتين و*****الله المره ذي بولد عندهم قمه والله على ماقول شهيد ماراح تندمي ادعيلي بلولاده السهله وارد لعيالي متعافيه :39:

هلا اختي حطي فبالك ان الولاده تساهيل من رب العالمين اهم شئ عليك بالدعاء

انا ولدت بالمملكه من شهر ومستوى الولاده رائع واكثر من رائع اهتمام فيك من لحظة ولادتك واهتمام بالطفل

واتوقع انك تقصدين فاطمه الديجاني سمعت انها كويسه

لكن ماجربتها لأن دكتورتي كانت من برا المستشفى

والغرف عندهم حلوه انا اخذت الغرفه اللي اكبر من الصغيره يسمونها غرفة رجال الأعمال سعرها 8500 مع الولاده

لكن القيصريه والله مااقدر افيدك لأني الحمدلله ولدت طبيعي

واسأل الله يهون عليك ويسهلها عليك ان شاء الله

ادعيلي ربي يحفظ لي بنيتي ويسخر لي زوجي

مثل ماقالو لك البنات الولادة تساهيل من رب العالمين ، انا ولدت عندهم قبل سنتين ودخلت بالبركه يعني ماطلبت دكتوره معينه ، والحمدلله ربي سهل الامر من عنده احس غرف الولاده شرحه ومريحه نفسيا واعطوني ابرة تخفيف الالم وكمامه ريحتني والممرضات معاملتهم كويسه والدكتوره كمان مع اني الى الان ماعرف اسمها ولا شفت قصور الحمد الله .
وانا عن تجربتي ولدت كم مره ماعمري سألت عن دكتوره ولا مستشفى ، اذا جاني الطلق نويت ورحت وتوكلت على الله وطول حملي وانا ادعي رب العالمين انه يسخر لي من عباده ويحنن علي ويرزقني بولاده سهله وربك مايخيب ظن من دعاه . والله يسهل لك ويفرج لك.