Analysis Services
السلام عليكم
بنات القصيم اولا مبروك عليكم الامطار وجلعها الله امطار خير وبركه
ثانيا ولد عمي جاي من القصيم كان عنده شغل جاب معمول وكليجا ومعمول توفي وشوكلاته مغلفه بس طعمه قريب من سنكرز وبصراحه المعمول طعم وهش وفي نوعي بر وعادي وتوفي مره هشه كنه كيك وازعجت زوجي يساله من فين جابه ابغى رقم المحل
طلع الاخ ناسي بس يقول هي منتجات ام صالح ولها محلات كثيره بالقصيم انا ابغى الرقم يابنات القصيم لاني ابغى كميه لاهلي وصديقاتي بانتظاركم
هذا صورته لكم طبعا هذا الي بقى

10-11-1429 هـ, 11:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يبارك فيك ..وابشري انا قصيميه
وراح ابحث لك ...بكرى الرقم عندك لو حصلته
10-11-1429 هـ, 11:45 مساءً
 
المعمول منتشر في اغلب المحلات خاصه حقات التمور مثل كنوز القصيم /وامل الخير طبعن في الريااااض
11-11-1429 هـ, 12:06 صباحاً
 
يا أختي معمول أم صالح بكل أنواعه تلقينه منتشر عند المحامص ،،،
11-11-1429 هـ, 12:11 صباحاً
 
الله يسلمك هذا من منتجات مصنع المحميد دوري عنه تلقينه اعرف راعي المصنع كان تبين طلبيه انا حاضره بعد عنده شي بالتوفي وشي بالفراوله وشي تمر مغطاة بالكاكاو وعنده الي تقولين الي يشبه طعم السنكرس ولين مررره المعمول ولذيذ وما يمل منه ابد وعلى العموم اسالك وين هو يبيعه بالقصيم اذا كنتي ببريده واسعاره العلبه الصغيره ب9ريال والكبيره30ريال وياليت اكون اني وفيت ولي رجعه بسالهم بكره واردلك ان شاء الله
لاني انا بالرياض ويبيجبونه توزيع على المحلات وبما اني من العائله اطلب من نفس العائله
11-11-1429 هـ, 01:10 صباحاً
 


الساعة الآن 03:55 .