وش تلبسون ؟؟اللي بترد علي لها دعوة مني..

حبيبتي انا حجيت والحمد لله

شوفي
اللبس جلبيات واسعه ومريحه يعني {{{{ قمصان}}}}

يعني هذا وقت عباده وتقرب لله مو وقت تزين

وهذا الى حصل وقت حجتي كل الى معي لبسهم كذا

وبالنسبه للجوال كنت احطه بصدري

واي اسئله ثاثيه انا جاهزه

والله يوفقك ويتقبل منك حجك ويردك بالسلامه :26:

ايه نسيت اقولك

لاتنيسني من دعواتك
:26:

وعليكم السلام ورحمه الله وبركاته .

انا حاجه من فتره وانصحك انك تكثرين الملابس يعني اقل شي خمس قمصان لانك منتيب فاضيه تغسلين ملابسك

وافضل شي القمصان او الجلابيات افضل شي تكون غامق عشان ماتلفت النضر اذا طلعت من العبايه والعبايه حاولي انك تسكرينها من قدام باازره او غيره عشان ترتاحين ماتقعدين تمسكين العبايه ونتي تمشين وحاولي انها ماتكون طويله يعني تسحب تعرفين ليش ؟عشان ونتي تطوفين او ترمين مع الزحمه ممكن احد يوطى عبايتك من ورى ثمن تطيحين بعدين مستحيل تقومين مع الزحمه يعني الناس بتصير فوقك .

واحسن شي القميص او الجلابيه الي بتلبسينها حاولي انه يكون فيه جيب من جوى وديه للخياط يسويلك هاذي والله العضيم نصيحت امي قبل مااحج تقول لو احتجتي فلوس مثلا تشترين مويه اوغيره تقدرين تتصرفين , بس انا من قرادتي يوم احج ماسويتي الي قالت لي امي , وانسرقت محفضت زوجي ومع المشي والتعب قسم بالله عطشت عطش بغيت اموت اتمنى بس ريال اشتري مويه , واشوف شرطي قبالي يشرب مويه واقعد اناضره بعيد قلتله عندك مويه قال لا مامعي الا هاذي الي هي يشرب فيها واخذها واشربها وادعي له .
والله يتقبل منا ومنك ياالغاليه
والله اني اتمنى اني احج كل سنه .

اختي انا حجيت ولله الحمد والمنه
بس انا انصحك تاخذين ملابس مريحه فضفاضه علشان تحسين بالراحه وانت لابستهم
وبصراحه افضل شي الجلبيات لانها ما راح تحد حركتك
واختاري الملابس القطنيه لانه على كثر الناس والزحمه بتحسين بحراره الجو بشكل كبير
واخيرا انت ما تعرفي ايش راح يصير لذلك احتاطي وخذي ملابس اضافيه
والله يوفقك يا اختي ذكرتيني بايام الحج والله انها ما تنتسي استغلي وقتك فيها وتذكري انها ايام معدوده اجتهدي فيها كثيرا واكثري من النوافل والطاعات
ولا تنسيني من الدعاء يا اختي
عسى ان تعودي خاليه من الذنوب.............:26:

وعليكم السلام : الله يتقبل منا ومنكم صالح الأعمال أوصيك أختي في الله بما يلي:
أولاً: اغتنمي كل ثانية حتى أثناء تواجدكم بالمخيم يعني لاسوالف ولا ضحك ولاغيره لأنك رايحة عبادة ( بعدين أول حجة هي إلي بتنحسب عليك عند رب العالمين)
لأني لما حجيت ولما أكون بالمخيم أشوف تجمعات البنات وهات سوالف وضحك وسهر تقولين جايين يوسعون صدورهم ويوم العيد هات يا تكشخ استشوار ولبس و مكياج ....
ثانياُ: من ناحية الملابس احسبي لكل يوم لبس( جلابيات خفيفة أقطان) ، خوذي معك عباية احتياط،وانتبهي لاتستعملين العطور أياً كانت وأكتفي بمزيل الرائحة فقط ولاتنسين تلبسين شورت قطن علشان الحر والمشي... ok
ثالثاُ: تروحين وترجعين بالسلامة والله يوفقك ويتقبل منك إنه سميع مجيب....