بنوتات الله يوفقها اللي تساعدني وتجيب على تساءلاتي..


1\ أنا لمن أسوي توفي يزبط معاي ولله الحمد بس لمن أجي أسوي السكر مع القشطه ما أدري ليه دايم لمن احط القشطه على السكر مايطلع عندي التوفي صافي لازم فيه كتل وهذا يخرب الشكل هذا بأقوى ماعندي أسويه اليوم خليت اخوي مافيه فايده طلعت كتل صغار ارحم من حقتي كيف ممكن اتفادى الكتل هذي ومايطلع لي عشان الشكل العام؟؟


2\ دايم لمن اسوي حلا فيه البسكوت تحطيه مع الزبده يلزق في الصينيه وبالقوه يخرج او يتفتت علما لني اتبع طرقكم بس وش السبب في ايش؟؟

وجزيتم خيرا اجمعين..


هلا فتاة الازهار..............

بالنسبه للتوفي ذوبي السكر على نار هاديه مع التحريك بالخفاق اليدوي كل شوي الى ان يذوب السكر ويصير لونه ذهبي لاتتركينه يسود ويحترق على طول اضيفي القشطه وانتبهي لانه بيطلع صوت قوي وحركي بسرعه كبيره (بس انتبهي ليدينك) واستمري بالتحريك وترى انا يتكتل عندي ويلتصق بالخفاق بس مع الاستمرار بالتحريك وعلى نار هاديه يذوب التكتل لانه سكر جامد ويطلع التوفي مضبوط بس انتي طولي بالك ولا تستعجلين وتقولين خرب (نص كاس سكر+ علبة قشطه) وان شا الله يضبط.....................
****************************** ***************

اما البسكوت مع الزبده، خذي البسكوت وضعيه بالصينيه اللي بتسوين فيها الحلى وطبعا يكون مطحون(انا اطحن كميه كبيره من البسكوت واحطه بأكياس) وخذي كميه مناسبه لا تكثرين ولا تقللين وتكونين مطلعه الزبده من الثلاجه من اكثر من ساعتين( حرارة الغرفه) وتاخذين قطع منها وتضيفين للبسكوت وتخلطين حتى تصير متماسكه لا تزيدين مره وحده لانها بتصير ملزقه مثل ما قلتي واكبسي عليها بيدك زين حتى تصير متماسكه مرررررررره وحطيها بالفريزر(10) دقايق قبل ما تحطين عليها الطبقه الثانيه ...........وان شا الله اكون افدتك لو بالقليل........تحيا تي
ألف شكر لك عزيزتي بالفعل قلتي أشياء فادتني ..

مررررررررررره شكرا

الله يجزاكي الجنه


الساعة الآن 09:59 .