السلام عليكم ورحمة الله وبركاته

بنات حواء الطباخات

ياليت كل وحده تكتب طبخته تكتب معها الأخطاء اللي ممكن راح تصير عند الطبخ حتى نكون حذرين عند التجربة

لأن بصراحة أحيانا الوحد تعجبه أكله هنا ولما يصلحها يكتشف أخطاء لو أن صاحبتها نبهت عليها ماوقعنا في هالخطاء

وبعدين حرام أنعام تكب بسبب التساهل في توضيح الطريقة للمبتدئين

وجزاكم الله خير
14-11-1429 هـ, 09:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عزيزتي

انا من اشوف مقادير الطبخه اعرف اذا كانت تناسب ذوقي او لاء

وتعجبني المقادير البسيطه والمتوفره عندي والغير مكلفه ... هذى اضمن واسهل وحتى انها تنحفظ بسرعه

وحتى اذا شفت وصفه مقاديرها كبيره ومكلفه خلاص اتركها حتى ما اكمل قرائتها مرات

ومع الخبره والمدامه للطبخ راح تعرفين الخطا وين والصواب وين .... يعني ما اقدر احدد لك وين الخطا في هالطبخه لان الاطباق كثيره وكلن وذوقه... في ناس تحب البهارات الزياده في الطبخ وبعضها تحبها بسيطه ... في بعض الناس تحب الاطباق السائله وفي ناس لا .... في ناس ماتحب اللون الابيض او الباهت في الاكل وفي ناس العكس وهكذااااااا

14-11-1429 هـ, 09:40 صباحاً
 
لازم الوحده ماتعتمد على المقادير دايم وتقيس بنفسها

يعني اذا تحب السكر زياده تزيد او قليل تقلل

وترا الخلاط اكتشفت ان له دور فضيع

دايم اشوف خلطة الكيري والنستله حلوه ومضبوطه وانا مستحيل تضبط معي دايم تجي كتل ماتختلط زين

ومره سويتها عند اهلي وطلعت رووووعه عشان خلاطهم حلو صارت ثيله وكنها كريمه يخقق شكلها

واتوقع ان حق اهلي خلاطتهم فرامه خخخخخخخخ


والعجين دايم خلي الدقيق اخر شي عشان تعرفين الكميه الي تحتاجينها ممكن توزد عليك وممكن تنقص

وقبل اي طبخه جهزي اغراضك وتاكدي من صحتها وكمياتها بالضبط ولا تكونين مشغوله تفرغي لطبخه وبتضبط معك ان شاء الله
14-11-1429 هـ, 09:50 صباحاً
 
حياك الله أم عزيزان ومشكوره على ردك الراقي وفعلا طريقتك في إعداد الأطباق ممتازه لكن أنا ما أقصد أنها ماتعجبني بالعكس بعضها أذوب لما أقرى طريقتها لكن لما أطبقها تطلع غلط ما أدري ليه

مثلا مره قريت طريقة سويسرول وعجبني وصلحته وطلعت مثل البسكويت لا بل أشد تعرفين الخشب الله يديم النعمه مثله مايتكسر
واكتشفت أن السبب من النشا هو موجود في الوصفه يعني معقوله هي تعملها بالنشا وتضبط معها ؟

وانا لا ؟؟

ومره وحده كاتبه كبة البطاطس وعملت نفس الطريقة اللهم إلا أني خلطت معاه شوية لحم مفروم لأن وحده سبق وقالت ممكن تحطين دجاج ولما قليتها في الزيت تفككت عليه مع إني جمدتها من قبل أكيد كل وحده تنزل طريقتها عندها أشياء تحرص تتجنبها فأتمنى يفيدونا فيها

وصحيح الوحده تتعلم من الأخطاء جزاك الله خير
14-11-1429 هـ, 09:50 صباحاً
 
صدقتي أختي عاشقة الجنان بالفعل الأخطاء أحيانا تكون من الخلاط

وأحيانا قلة الخبرة لها دور
14-11-1429 هـ, 09:54 صباحاً
 


الساعة الآن 02:20 .