رغم انها غلطانه لكن احترت ايش اقولها ممكن تساعدوني؟؟

السلام عليكم ورحمة الله وبركاته
اخواتي الاعزاء بعد التحيه
استفدت من الكثير منكن الكثير والكثير نصائح وفوائد ودعوه من القلب للقلب
اليوم انا قدام مشكله لانسانه عزيزه علي ماعرفت احللها مشكلتها والله انو من الاربعاء وانا معقود لساني وهي حالتها متدهوره كل يوم اكثر من الي قبلو
الموضوع باختصار هي بنت طيبة حبوبة والله ماعليها مؤدبة وخلوقه مشكلتها اتزوجت واتطلقت ومعها بنتها المهم هي من وهي صغيره بينها وبين ابن عمها موده ( زي مايقولو متسمين لبعض ) بس البنت اتزوجت قبلو لما انفصلت كلمها يوم وقلها انا لسة اعزك وابغاك وان شاء الله تكوني من نصيبي
فرحت وقالت انو الله عوضها خير بعد العذاب الي عاشتو .. ومن سنة ونصف ابو الولد الي هو عمها معذب الولد كثير ومطلق امو اجبر ولدو انو يتزوج بنت عمتو ( يعني بنت عمتها ) ولا ياخذ اختو الصغيره من حضن امو الولد انجن وقال طيب واتزوج بنت عمتو وهذا كلوووووووووووووووو لانها اجنبية ويبغاها تاخذ الجنسية مو
وطبعا صديقتي تعبت بس قالت انا متاكده انو مايبغاها وانو بياخذني لانو وعدها واستحملت وصبرت وقالت معليش اتاري امو هي الي مقومه حالو وقيلتلو ( ماتاخذ وحده عزباء )
ومرت الايام وماقدر يعيش مع بنت عمتو وسارت مشاكل بعد الفرح بثلاث شهور وراحت بيت اهلها ورفعت عليه قضيه تبغى الطلاق
عارفين ايش سوا الاخ ؟؟؟؟؟؟؟؟؟؟؟؟؟؟؟؟؟؟؟
راحت امو من بعد المشكله خطبتلو وحده ثانيه وزوجتو في اسبوع زمان وعلق البنت الثانيه ( يعني قعدها بدون طلاق ولا رجعها )
تتخيلو ماقال لبنت عمو ولا احد يدري
ومن 3 ايام قلها انا ماابغى اضحك عليك تراني تزوجت الثانيه وانا ابغاك وحاخدك
تتخيلو انو راتبو بس الفين وفاتح 3 بيوت امو والاولى والثانيه ويبغى ياخد الثالثه كمان وعمرو بس 27 سنة
اهم مافي الموضوع البنت امنتلو وصدقتو طبعا ابوها الي هو عمو زعلان مره على انو مادري بالزواجه بس ماقال شئ لبنتو والبنت من 3 ايام في المستشفى تعبانه كل ماشفتها مااعرف ايش اقولها او انصحها حالتها تقطع القلب وولد عمها الي طالع عليه يتصل يزيدها يقولها انا ابغاك ومالك في حرمتي ليك في انا اخذك ونعيش سوى وماراح تزعلي ابداوانا زي الحاج متولي وخرابيط يستخف دمو عليها وهي كل ماسمعتو اتقطعت بكاء
تعبت والله ومااعرف ايش اعمل
ساعدوها والاصح ساعدوني ايش اقولها
تحياتي للجميع والله يجزاكم بالخير اللهم آآآآآآآآآآآآآآآآمين:26: