السلام عليكم ورحمة الله وبركاته

أخواتي العزيزات :

ممكن طلب ؟!

أبي طرق كيك أو أي حلى بـ (الشمام )

رجلي الله يجزاه الجنة لا مر على بساطي الخضار ولقاهم مسوين عروض قام لقّط منهم صناديق وأورط بها أحيانا لأنه بعضها يكون الي تحت مغشوش أحيانا فاسد وأحيانا ماعاد إلا .. المهم مالكم بالطويلة البرتقال والتفاح والموز والخضار الثانية عرفت أسنعها لكن ورطت بالشمام كثييير ويبي يفسد وأنا ماأحبه مرة وجربت مرة سويت عصير ومرة حطيته مع الحليب بس عيالي ماجااااز لهم أبد أبي الله يجزاكم خير طريقة أسنع بها الشمام إذا عندكم طريقة كيكة أو شيء ياليييت تسعفوني بها وأكون شاكرة لكم

والله يجزاكم خير

السلام عليكم حبيبتي...

بالنسبه للكيك لا أعرف كيك يتعمل بالشمام

ولكن ممكن تعمليه سلطة فاكهه: قطعيه صغير مع الموز والبرتقال وأي فاكهه يحبها أولادك وحليه بالشيره أو السكر الناعم

وممكن تهرسيه وتخلطيه مع الايس كريم وتقدميه وزينيه بالشيكولاته

وبالتوفيق .. وان شاء الله البنات يفيدوكِ أكثر
السلام عليكم ،،،مكن تسوين فيه مربى ،،،أو تعملين تورته وتضغين شرائح الشمام ،،،أو تشيز كيك بالشمام
سبحانك اللهم وبحمدك أشهد ان لااله الاانت استغفرك واتوب اليك
راماتان : الله يجزاك خير حبيبتي

مشكلة عيالي إذا ماحبوا الشيء يطلعوه من الصحن عندي الشمام والأناناس إذا سويت سلطة فواكه طلعوها من الأكل وأكلوا الباقي
أنا قلت كيك لأنه مايكون قطع ومايكون طعمه مركز والآيسكريم الجو عندنا برد شوي أخاف يمرضون,, الله يجزاك خير ماقصرتي يالغالية


الساعة الآن 05:15 .