اقتباس مشاركة  (قلب اولادي)
للبنات الي يشتكون من الرز وانه يخترب معهم وان الماي واجد ..الخ

ترى الموضوع بسيط وعن تجربة كل ماعليج انج تخلين لج كوب خاص للرز اي مكيال تكيلين فيه الرز لج وللعايلة

وخلي مقدار الرز يكون مضبوط زي مثلا تبين تسوين مقدار كوبين رز خلي مقدار الماء مضاعف يعني

كوبين رز يعادل 4 اكواب ماء وطبعا نصيحة اذا بتسوين رز سادة بس ضعي عليه اضافات بسيطة مثل لومي اسود

وزيت ذرة او زيت زيتون مع الملح وحبات من الهيل وعود من الدارسين وخليهم يغلو لمدة ربع ساعه ومن ثم ضعي الرز طبعا الرز يكون

منقوع لمدة ساعه ونصف حتى تجي الحبة طويلة ومنفهه وتخلينها على نار عاليه واذا حسيتي الماي شربة الرز قومي باخفاض النار

وخلية 10 دقايق على نار هادية وتكونين ناقعة زعفران وماي ورد وترشينه على الرز في الوجه وقدمية مع خضار او دجاج

..................

انا مره جاني موقف هو دايم بصراحه امر فيه كوني في بيت عايله مره من المرات كان الفطور عندنا وتخيلو باقي ساعه على

الاذان وماعرفت ان العزيمة عندنا بالاحرى كل البيت عارف الا انا وكنت طابخة ومسوية كل شي يكفي للبيت

ويوم جاني خبر من الاطفال الله لا يوريكم على طول قمت زدت كمية رز وسلقتة بروحة ومع قلي بعض الدجاج بالبهارات

يعني كلة شغل سريع سريع بس الحمدالله انا دائما اواجه الصعب لاني بنت سنعه وامي ربتني على السنع

وعلى قوة التحمل والارادة وابدا لن يعيقني شي وانتي اوخيتي اجعلي الارادة والقوه من شخصيتك ولا تقولين فشله

او اني ما اقدر بل تقدرين صحصح بتتعبين يوم بس يكفي انج تسوين انجاز حتى ما تضحكين عليج العالم <وحده مقهوره

بس الحمدالله سهالات اتمنى ما طولت عليكم



تسلمين على الكلام الذهب
ربي أغفرلى مالا يعلمون وجعلني خيرا مما يظنون وجعل حياتي كلها نور وقبرنور والجنه مستقري وكل من قال أمين
مشكوره اختي قلب اولاادي وفعلا بالتوكل على الله والاراده تحصلين المطلوب
الموضوع والله يونس ويخلي الوحدة تذكر الايام الخوالي
انا تزوجت ياطويلات الاعمار وعمري 18 سنة وكنت اطبخ عند اهلي الكبسة والايدام والملوخية
والحلى البسبوسة ومااضبطها بعد وحلى العشاء المهلبية وزي الحجر
لاوشايفة اني طباخة انا ووجهي
الله لايوريكم
من اول يوم يامال الاضعفة خلاني اطبخ
قال ايش يبغى يذوق اكلي
وكان جايب قدر ضغط وان ماني متعودة علية لاني عند اهلي مانستخدمة
وعيونكم ماتشوف الاالنور واخلية على نار قوية لين طلع بخار الحريق مع الصفار
وتعالو شوفو الاحراج ولون الوجة الي صاير احمر
ومن ذاك اليوم مايثق في طبخي
والله من جد ماادري ليش
وكلن يعجبة طبخي الا هو ماادري هو مايبغاني انتفخ اذا مدحني او ان هذا شعورة الحقيقي


اللهم اشفى ملكنا الغالي ابو متعب
ومتعة بالصحة والعافية
اللهم امين اللهم امين اللهم امين
والله يغدوا موقف حلو
والله يابنات مواقفكم تضحك وصج لاقاللو الدنيا تجارب
وأنا عن نفسي في الطبخ دمااااااااار ومتزوجه وعمري 19سنه
وكنت أسوي في بيت أهلي أكلات بسيطه وكانوا كل شي أسويه يمدحونه
مدري من جدهم ولا يجاملون
المهم عاد جاني رجل معقد في أكله
كل يوم يجيبلي عيب
والحمد لله أضبط السلطات(في أحد مايضبط سلطه)
وكان مشكلته يحب الرز موووووووووت
والرز أسويه مره ليييين ومره يابس ومر مدخن
ومره مليان بهارات والخافي أعظم
وأم زوجي ماتدري عني مخبي عنها البلاوي
وكل ماأجيهم تقوللي نفس المنوال (عاد نبي نضوق طبخك)
وشوفي الأحراج ...
ذاك اليوم سافرت أم زوجي واتركت أبو عيالها لحاله
مين عاد بسوي الغدا غيري؟؟
وحماتي في شهر العسل
ورحت رازه عمري بطبخله
ومسكين كل ساعه يطل علي يشوف شنو قاعده أسوي
وفي النهايه التحطيم القوي كبيناه في القمامه أكرمكم الله والله احرااااج
وياكثرها من مواقف...


الساعة الآن 10:29 .