مين يقولي يكيف يعمل السمك المحشي انا ذقت سمك هامور محشي وبالفرن طعمة روعة من عند مطعم القصر الابيض بالدمام وزوجي نفخ راسي من كثر مايقولي سوية وانا ماعرف كيف يقول شوفي النت وحواء ويش يسون تكفون لا تفشلوني مع ابو العيال
26-11-1424 هـ, 07:44 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وينكم ماحد يرد علي شطف كذا
26-11-1424 هـ, 11:19 صباحاً
 
عزيزتى الله يحييك معانا


حشوة السمك الى انا اعرفها


بصل مفروم + شوى ثوم مفروم + بقدونس وشبت وكزبرة خضراء وكله مفروم


وجزر مقطع حلقات وبطاطا مقطعه شرايح خميله شوى

وبهارات


طبعا تبهرين السمك قبل بيوم وتحطين قصدير 4 طبقات عشان ما بنحرق السمك او تخرب عليكى الصينيه

وتحطين البطاطا تحت السمكه والجزر تنثريه على السمكه بعد ما تكونى حشيتيها

وتغطيها بقصدير وتدخليها الفرن

ولا تنسين الليمون


وجنبها رز ابيض+ تحطين معه بصله مفرومه بعد ما تسوينها على النار شوى تحطى الرز

وسلطه الطحينيه ( شبت مفروم + طحينه + شوى ماء + ليمون وملح )


وصحتييييييييييييييييييين


:24:
26-11-1424 هـ, 02:26 مساءً
 
هلا اختي ايليا ء

بالنسبه للسمك ايش نوع الحشوه الي بداخل رز والى بصل بس

هذي طريقتين ***** الله تناسبك

الاولى سمك محشي بصل

اختاري سمك يكون حجمه كبير شوي والافضل الهامور او الشعور او الاحمر

زين نضفيه وبهريه واتركيه على جنب طبعا معروفه بهارات السمك

( ملح - خل - بهارات مشكله - فلفل اسود - ملح صيني شوي ))

واتركيه

جهزي بصل كثير وابدي احمسيه الين يقلب لونه بني حطي عليه ملح وفلفل اسود وزبيب لو حبيبتي وسنوبر

ولما تخلصين

جيبي السمكه تكون مفتوحه من النص احشيها فيه وخيطي بطنها وحطيها بالفره بصينية بايركس وحطي عليها زيت لو حبيتي تكون فيها صلصه حطي طماطم مطحون مع صلصه شوي واتركيها تستوي بالفرن تاخذ وقت شوي ما يقارب
الساعه

حضري جنبها رز ابيض وبطاطس مغلي وسلطة خيار بالبن

وبالعافيه
============

الطريقه الثانيه محشي رز

نفس الطريقه للسمك اما الحشو الداخلي

راس بصل -رز- بقدونس- زبيب- ثوم- طماطم صغيره -بهارات- ملح- فلفل اسود - تخلط كلها وتحشي بالسمك

وتخيطينها

ونتحط بالفرن لكن بشرط تغطينها بقصدير عشان يستوي الرز زين ولا تنسين الزيت و الصلصه لو بقيتي
26-11-1424 هـ, 02:38 مساءً
 
مشكورييييييييين جميعا والله يعطيكم العافية
ابتداء بايلياء ومرورا بزهوة وانتهاء بانا مسلمه وكل فخر
جزاكم الله خيييييييير
اختكم oOoأثرoOo
27-11-1424 هـ, 01:57 صباحاً
 


الساعة الآن 12:53 .