Analysis Services
السلام عليكم خواتي كيفكن ؟؟

الله يجزاها كل خير اللي تعرف طريقة الحنيني بالزبط والمصابيب بالعسل
تكتبلي الطريقه واضحه ومزبوطه

ولها خالص دعواتي

واللي ما تعرف ترفع الموضوع عسى ربي يرفع قدرها دنيا وآاخره
18-11-1429 هـ, 12:39 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
18-11-1429 هـ, 12:48 مساءً
 
هلا اختي انا راح اقولك كل الطريقتين ونبدأ بالحنيني
4كاس دقيق بر
1بياله زيت
3ملاعق حليب بودره
1بياله سكر
شوي ملح
بيضه
1ملعقه كبيره خميره فوريه
1ملعقه صغيره بيكن بودر
والماء حسب العجن
تعجن المقادير مع بعض الى ان تصبح العجينه اثقل من عجينه الكيك بشوي
تتركينها تتخمر مده ساعه وبعدين تحطينها بصينيه الفرن حقت الكيك وتدخل الفرن الحار وتسوى مثل الكيك
واذا تحمرت تترك تبرد شوي ويصب عليها نص قالب زبده
ولان زوجي مايحب الزبده استعمل زيت زيتون
تقطع عشوائيا وتفرم بالفرامه مع شوي تمر
يعني تحطين شوي الخبزه وتحطين معها شوي تمر بدون نوى وطبعا حسب الرغبه اذا تحبينه حالي مره او حلى خفيف
واذا انتهت الكميه توضع بالقدر على نار هادئه ويوضع عليها بقيه الزبده ويترك الى ان يسخن
وبالعــــــــــــــــــــــــــافيه
18-11-1429 هـ, 12:57 مساءً
 
المصابيب
بالخلاط الكاس بيضه
شوي ملح
فنجال سكر
ملعقه كبيره خميره فوريه
3ملاعق حليب بودره
فنجال زيت
ويملى الى نص الجيك ماء
ونبدئ بالخلط مع اضافة الدقيق بالتدريج الى ان تصبح العجينه اخف من عجينه الكيك بشوي
وتترك تخمر نص ساعه
ويمكنك اضافة حبه سمراء
يسخن الصاج ويمسح بمنديل فيه زيت ونبدأبصب العجين بالحجم الي نحب واذا تحمرت نقلبها على الجهه الاخرى واذا استوت تصف في الحافضه ويصب عليها شوي زبده وكل ماخلصت كميه يصب عليها شوي زبده
واذ تحبين ترشين عليها سكر بودره او عسل او تتركينها ساده وتقدمين معها السكر والعسل وكل واحد يحط الي يحب
وتقدرين تسوينه بالبصل تحمسين بصل مع زيت وشوي زبده الى ان يشقر شوي وتملحينه وتحطين معه فلفل اسود
وبالــــــــــــــــــــــــــــعافيه
18-11-1429 هـ, 01:10 مساءً
 
18-11-1429 هـ, 01:23 مساءً
 


الساعة الآن 10:07 .